مشكوره طيوف على الأختيار وكل الشكر كاتمة الأحزان على الموضوع ..
[ المحطه الاولى ]
اوصف طفولتك بجملة واحدة
حلوه ويكفي فيها البرائه وروح الطفوله ..
.
.
[ المحطة الثانية ]
ما هو اجمل موقف او اجمل ذكرى تتذكرها من طفولتك ؟
كثيره الذكريات الحلوه لاكن أكثر شيء لمن قالي أبوي إذا نجحتي وكنتي من الأوائل راح أرفعج وشيلج من المدرسه لمين البيت وااااو فعلاً وفالي بوعده وكان شعوري بوقتها مايوصف تغنيني عن ألف هديه ربي يخليه لي ومايحرمني من شوفته أهو ومي ..
.
.
[ المحطة الثالثة ]
ما هو أصعب أو أحزن موقف مر عليك في طفولتك ؟
وفاة بنت كانو أهل أمها جيراننا وجايه تزور أمها وكانت تلعب مع خوالها وخلاتها الصغار بالشارع ومانتبهت لسياره المسرعه الجايه..
يوه صراخ والصياح لحد الحين بأذني الله يرحمها ..
.
[ المحطة الرابعة ]
ما هي أجمل هدية تلقيتها في طفولتك ولم تنساها لليوم ؟
كانت من صديق أبوي دبدوب كبير لونه بني مع علبة شوكليت الدبدوب محتفظه فيه لحد الحين وأذكر الشوكليت ما أخلي أخواني يمدون إيدهم عليه هههههه ..
.
.
[ المحطة الخامسة ]
هل هناك انسان معين كرهته في طفولتك .. ولماذا ؟
بدر ولد جيراننا ولحد الحين أكرهه أذكر كل ما أوقف قدام الباب لازم يطقني أذكر كنت أرسم مخطط عشان أقتله لاكن للأسف أنتقلنا لبيت ثاني قبل لأنفذ مخططي
..
.
.
[ المحطة السادسة ]
ما هي اصعب مرة أأنضربتـــ فيها ولا زالت محفورة في ذاكرتك وسبب الضربــ , وش كان؟
ضربني ولد جيراننا إلي قلت أسمه فوق والسبب أني بحمي أخوي منه وهو أنقهر لمن هرب أخوي راح يقول لأمي لاكن جات للأسف بالوقت الضايع وأنا أكلت منه طق ..
.
.
[ المحطة السابعة ]
هل كنت غيور بطفولتك من اخوانك وتحس فيه تمييز بينك وبينهم ؟
لاء والله لان أبوي وأمي الله يخليهم لنا مايفرقون بيني وبين أخواني..
.
.
[ المحطة الثآمنه ]
ما هي اكثر وافضل لعبة كنت تلعبها و أنت صغير ؟
لعبة الذيب والأم يوه ياكنت ألعبها وأموت فيها ..
.
.
[ المحطة التاسعة ]
هل ستربي اولادك بنفس الطريقة التي تربيت بها في طفولتك؟
أكيد ومايمنع بالوسائل التربويه الحديثه إلي تناسب عصرهم ..
وأختار بعدي ( عزيزة نفس )