عذاب الوحام

[حورية زوجها]

السلام عليكم ورحمة الله
هذا اول موضوع لي واول مشاركه لي وابي استشيركم واتمنى تردون عليا

انا خلصت الشهر الاول من الحمل داخله الشهر التاني
فرحت بحملي بس مالحقت اتهنى فيه
بسبب الوحام الشديد الي يبي يذبحني
والله الوحام بهذلني تعبني بكاني ابي اصيح ماني قادره حتى الدموع مو راضيه تنزل من عيني من شدة وجع الوحام
الغثيان مو راضي يتركني 24ساعه لازق فيا
اكره ريحة كل شي كل شي كل شي
مابي اشم ولا ريحه سواء زكيه او كريهه
الغثيان كاتم على صدري حتى المويا صرت اكرهه مكياج لبس اكل استحمام زوجي كله اكرهه لانه يهيج الغثيان عندي مافي اكل يستقر بمعدتي اللعيان يزد اكتر اذا دخلت شي بفمي
خلصت المناديل الله يعزكم من كثر ماتفل
احس باارهاق وتعب شديد الدكتوره وصفتلي دوا الغثيان بس برضه مافاد
شميت ليمون ولحسته وشربته شربت زنجبيل
اكلت بسكوت الصباح عسل تمر فواكه بس كله مافاد بلعكس كل ماله يزيد الغثيان
لاحول ولاقوة الا بلله حالتي حاله طفشت وطفشت زوجي معايا دوم مكتئبه وتعبانه
قبل اسبوعين مرضت وطلعت حرارتي 40وشربت ادويه وماكنت ادري اني حامل سالت الدكتوره عن الادويه قالت عادي ماياثر
وان شاالله ماياثر عل الجنين

صحيح اني شفيت من الحمى بس بذي اليومين طلع بفمي حوالين شفايفي حبوب حمرا صغيره تعور تتوقعون من ايش

فمي دايم فيه طعم مراره احيانا امص حلاوه مصاص او سكر نبات
بس برضه الغثيان يزيد والله لولا خوفي من رب العالمين كنت اجهضته صرت اتمنى الموت

اخ بس


حبيابتي لو عندكم حل للغثيان انجدوني فيه
والي عانت مثلي تخبرنا

الدكتوره نصحتني بابر مغذيه انتم ايش رايكم
انا استخدم 3 ادويه الان حمض الفليك
ودوا الغثيان
ومثبت الحمل دافستون


جزاكم الله خير

بلله عليكم ادعولي