الحجاب في ماليزيا

[سلمى*]

اسعد الله صباحكم بكل خير

انا ان شاء الله مسافرة الى ماليزيا
وحابه استفسر عن لبس العباءة .. انا زوجي مطوع ورافض اني البس عباية كتف ويقول عباية راس الي البسها هناك وانا بصراحه ماودي فما اعرف كيف اقنعه
والشيء الثاني كثير من الي اعرفهم راحوا ماليزيا قالوا اذا شافو سعودي يزيدون سعر الرنجت عليه في التاكسي والالعاب والمطاعم
مادري هذا الكلام صح ولا لا

والي راحت ماليزيا كيف شافت شكل الحريم هناك السعوديات والخليجيات يعني بنفس لبسهم المعروف ولا لا

والف شكر لكل من ترد علي

[أسيرته]

مساء الخير اختي سلمى
يسعدني اكون اول من رد ع استفسارك
نصيحتي لك طيعي زوجك ولا تخالفينه ابد
أنا رحت لماليزيا وكنت بحجابي كامل ع الرأس حتى الجونتي والله ماشلته ومافكرت
ابد ألبس كتف وجدا كنت مرتاحه ..
والحريم هناك عادي بحجابهم يعني رح تشوفي اللي رأس واللي كتف أو عباية ملونة ع حجاب راس فقط ..
يعني عادي حبيبتي حجابك اللي تتعبدين الله فيه مارح احد يضايقك فيه ابد ..
أما مسألة يرفعون السعر عشان سعودي لاااااا أبدا أسعار الفنادق والتاكسي معقولة نوعا ما واحنا رحنا بالصيف شهر 8 وصراحه ماادري عن اللي يروح مثلا بشوال أو غيره يختلف السعر أو لا , وطبعا نصيحتي لك كمان لما تروحي اسواق تحاولوا ينزل لكم السعر شوي
يعني لا تقبلوا السعر ع طول لأن فيه بعضهم يستغلوا السياح ويرفعوا السعر بدرجة خيالية ..

طولت عليك .. ان شاء الله اكون افدتك
تقبلي مروري غاليتي

[موكاا]

حتى انا رحت لها وكانت مليانه سعوديات وعباياتهم على الراس .. عاااادي الوضع جدآ ..
يعني طيعي زوجك وانتي مرتاحه واقنعي نفسك عشان تنبسطين مايسوى تنكدين على نفسك عشان عبايه

اتمنى لك رحله سعيده .. موفقه حبيبتي *

[سلمى*]

اسيرته وموكاا
فديتكم وربي ريحتوني

[مشاعل الدوسري]

موضوع الحجاب و طريقة حجابك المفروض كنتي تتناقشين فيه مع وجك بوقت الشوفه ..او بعد الموافقه بشروطك كله .. و طريقة حياتك ..


و عموما خلاص حاليا ما ينفع تتضايقين و هيك شغلات بتعطلين سفرتك عشان مو مرتاحه..
اتبعي كلام زوجك ..


انا شخصيا قبل لا اتزوج كنت اكشف بلسفر و لما اروح البحر الشاليهات و هيك شغلات ..
و بلسفر لبس طويل او عبايه تكون شوي قصيره انا مسميتها عبايه برمودا ..هههههههههه
لان بلسفر طول الوقت مشاوير و من منطقه الى منطقه و عبايتي صارت بيضاء من تحت ..فا قررت البس عبايه برمودا افضل حتى اسهل لو بغيت اركب خيل او العب بلملاهي


فا لما تقدم لي زوجي قلت له انا شنو نظامي من جميع النواحي عشان ما يستنكر

[فل وكادي]

انا لما رحت ماليزيا مع اهلي كنت لابسه عباية كتف
وهناك السعوديات بتشوفينهن اللي لابسات كتف او ع الراس يعني عادي
طيعي زوجك وانبسطي^^

[Tota 85]

البسي اللي تبين هذي دولة مسلمة وتتقبل العباية والنقاب بس لا اتخلين العباية طويلة مثل ما قالت اختي مشاعل علشان ما تتبهدل وتتوصخ مع المطر والطين

[مهره الدنيا]

انا لمن سافرت ياقلبي

كنت بي عباياتي ولمن وصلت صرت البس

لبس مستووووور وحجاب بس

عشان يسهل عليا

والحمدلله على كل شي

ورحله سعيده ياااااارب

[روز بااريس]

لا حبيبتي عادي جدا وياكثر اللي يلبسون هناك عبايات راس

ومحد يستنكر لان ماليزيا بلد سياحي واكثر شي يجونه الخليجيين

تروحين وترجعين بالسلامه وان شاء الله تنبسطين

[الجوهره المصونه]

ماقصروا الأخوات موفقه يارب ورحله سعيده