موية الجنين ..

[ادمنت هواك]

السلام عليكم ورحمة الله ..
كيفكم ياحوامل ..
وكل سنة وانتو طيبين

ابغى اسألكم
كيف اعرف ان موية الجنين ناقصة انا فشهري التاسع وبكرية
يعني في علامات تبين انو لازم اروح اشوف موية الجنين يعني تنزل عليا مويات او افرازات وانتو بكرامة
ولا مالها علامات

وياليت تفيدوني .. وشكرا

[حبيبت حبيبي]

والله ما عندي علم بعد انا الموضوع هذا قالقني الله المستعان

[ام اسكندر]

الدكتورة اللي تقول لنا عبر السونار ...

لا توسوسي حبيبتي

[ورودي البيضاء]

ياقلبووو عليكم لا توسوسو من كل شي بجد تقلقو نفسيا

كمية الموية تبان بالضبط بالسونار .. زيها زي عمر الجنين ووزنه و غيرها من القياسات

ومادام ماقالت الدكتورة شي عن الموية فكل شي اكيد تمام

وانتي بالتاسع ماشاءالله تطمني حتى لو جاتك افرازات او تسرب ماحيكون خطر ولا حيأثر باذن الله


واللي تبغى تتطمن لما تعمل السونار تقول للدكتورة تشوف كمية الموية وتحسبها

بس بشكل عام اذا كان فيه نقص او زيادة بيبان على طول او ما بيحدث هالشي سواء بالتاسع او بالرابع

[عيش الحياة]

في الشهور الاخيرة الحركة للجنين هيا اللي تكون توضح سلامة الماء والجنين بشكل عام

في وحدة اعرفها كانت بالتاسع وماتحرك الجنين مدة يومين وراحت الدكتوره وشافت الموية جدا ناقصة وسوت لها عمليه والحمد لله جابت بنوتة زي القمر

الله يحفظ حملنا ويتمم ولادتنا ويبعد عنا كل مكروه

[ورودي البيضاء]

مو شرط الحركة لأن انا ماكانت عندي ولا نقطة موية مو بس قليلة

وكانت ماشاءالله تتحرك .. صحيح ماتتقلب و حركاتها بسيطة بس عادي يعني ممكن الواحد يلاحظ انه الحركة قلت وممكن ماينتبه

بس الفكرة انه الموية ماتنتهي فجأة الا لو انفتح الكيس وطلعت كلها ... حتى التسرب ماينهي الموية ياخد فترة

[عيش الحياة]

ورودي

مشكروه على تجربتك لأن بجد موضوع الموية يقلق كل الحوامل طمنتينا

[عاشقه الابتسامه]

الله يسهلي ويسهلك نفس الشي معايه بس انا خلصت تاسع ولا ولاده الله يخليكم ادعولي اني اليوم اليوم اولاد واخرج بصحه وسلامه انا والبنوته خاايفه عليها والله قلق الشهر تاسع ودعو لختي تولد معااي ونرتاح

بس اللخ يحفض لك جنينك من كل شر والله حاسه فيك

[ادمنت هواك]

امين يارب الله يسهلنا كلنا وكل الحوامل يارب

يسلمو حبيباتي