حبوب منع الحمل للبنات

[فراشةالمطر]

السلام عليكم ورحمة الله
كل عام وانتو بخير
رح ادخل في الموضع على طول
انا بنت وزواجي ان شاءالله بالعيد بس المشكله الدوره رح تجيني بعد زواجي تقريبا بيومين واحنا رح نسافر برا وانا ماابيها لأنها تتعبني وغير النفسيه تكون زفت
يعني ابي شي يمنعها دخلت اكثر من منتدى ومواقع في اللي يمدح نوعيه من الحبوب وفيه اللي ماينصخ فيها
ف رحت عند دكتوره وشرحت لها وضعي وقلت لها ابي حبوب منع الدوره وقالت ماانصح فيها لأنك لسا بكر ومدري وش قالت تسبب لي في الرحم ورح تأخر الحمل وقالت رح اصرف لك حبوب منع الحمل لأنها أأمن من الأنواع الثانيه واذا وقفتيها مافيها اضرار واسمها سياليس تاب
فأرجوكم ساعدوني داخله على الله ثم عليكم

[حلة الظل]

والله ماعندي خلفيه عنها بصراحه
بس بصراحه حرام تاخذي حبوب منع حمل وانتي عروس راح تسبب لك تأثير ممكن تأخر لك الحمل وتتعالجي بسببخا طيب ليش
انا الدوره جتني بعد الزواج بثلاث ايام سبحان الله ما تعبتني ولا اثرت فيه مثل الاعاده وكلها كم يوم وتعدي احسن ماتتخربط هرموناتك وتروحي بعلاجات وحوسه والسبب شهر العسل

[فراشةالمطر]

والله كلامك درر
تسلمين الله جزاك كل خير

[كعوشه]

فراشه نصيحه مني لاتاخذي حبوب عادي خليها تجي ثالث يوم ولا ثاني يوم انتي اصلا مسافره عشان تنبسطين وتغيرين جو لكن لو ماهي عندك الدوره بيطفشك كل شوي خلينا نرجع الفندق ههههه

وغير كذا من تجربه شخصيه زواجي كان بشهر 3 اللي فات والمفروض الدوره كانت بتجي بيوم الزواج بس اخذت الحبوب اللي تأخر الدوره علبتها بيضا وفيها خط اصفر صحيح تأخرت ثلاث ايام بس لما جات بهذلتني والله قعدت 10 ايام وقفت يوم ورجعت مره ثانيه

وبعد فتره وحده تقولي نفس الشيء صارلها بعد هالحبوب تخربط الدوره وتسبب نزيف بعض المرات

اتمنى لك زواج سعيد والله يجمعكم على خير ياررب