قربت سبع سنوات بدون حمل والسبب

[fadwa..]

بسم الله الرحمن الرحيم

السلام عليكم ورحمة الة وبركاتة

كيفكم بنات حبيت اشارككم بوضعي الله يعجل في شفائي ويشفي كل مريضه ويرزقها الذرية الصالحة

انا متزوجة لي اكثر من ست سنين وماقد تم حمل ابد والدورة تقريبا تجي شهرياً لكن نزولها سيء ووزني طبيعي لطولي يمكن زايد كم كيلو بس ..

بداية زواجي رحت تقريباً 3مستشفيات وكلهم كانو يقولو اني سليمة تماما وزوجي سليم

وطبعاً كالمعتاد على طول منشطات اخذت كلوميد واخذت ابر وكانت بتسويلي صبغه لكن ماتم

حمدلله على كل حال اصلا في نفسي ماني مرتاحه للمنشطات وبعدها رحت للدايات وتعرفون شغلهم

التمريخ مرره تمام بس المشكلة انسدحي لاتتحركين وكلي عسسسل ومن هنا حالتي تزيد وانا مقتنعه اني اتعالج

يابنات قبل كل شي اعرفي ان الحمل نعمة من ربي وجسمك اذا كان سليم بإذن الله حيتم الحمل بدون مشاكل

لكن اذا تأخر ولفترات طويله تجاوزت السنة والسنتين اعرفي وايقني ان في جسمك مشكلة

ولازم تعرفيها عشان تتعالججين بعدين يتم الحمل..بإذن الله

اانشغلت فترة طويلة عن روحتي للمستشفيات وعشان قالو سليمه قلت بنتظر لين ربي يرزقني

حمدلله ماحصل نصيب واشتتقت وسألت عن احسن دكتورة في الطايف ودلووني ع الدكتور طارق العزيزي بالنهضه

اترددت عشانه دكتور بعد نفسس طويل قررت اني اروح المهم شرحت للدكتور حالتي وشاف تحاليلي القديمه وطلب مني جديدة ولقي عندي ارتفاع في هرمون lh

للي قد سوت تحاليت وهي عندها لازم تنتبه على نقطة الدكتور يقول ركزي هرمون lhلازم يكون اقل من هرمون fsh

وكانت عندي النسب fsh 6.5 وهرمون lh 27 شفتو الفرق مضاعف

بعدها قال انتي مشكلتك مو نسائيه مشكلتك اجتمااعيه اولا مافي حبوب لان لو اعطيتك منشطات ماحتفيدك بتكبر البويضه ويرتفع fsh لكن جودتها تكون سيئه وماحيتم حمل

انتي غذائك سيء و حركتك قليله زي معظم النساء في 2012 والهرمون متغير يعني مع الحلوو يرتفع عشان يحمي الجسم من السكر

يقول تمام هو جالس يحميك من السكر لكن يمنعك من الحمل المعنى كل لقمة كاكاو تاكليها بمثابة منع حمل

المهم اعطاني حمية وقال لازم تمشي عليها شهرين بعدين تجي واسويلك تحليل ونشوف نسبته الحمية منعني فيها حتى من العسل والرياضه قال اهم شي

والممرخة كانت تأمرني بالراحة التامه كأني حامل واكل العسل شفتو الفرق ..لاتعليق

ورفض الكلام معاي في الحمل لين التزم بحميته ويقول صحتك اول ياتتعالجي وتحملي بإذن الله يايجيكي السكر بعيد الشر..

ملاحظه مهمة : الدكتور مارضي يسويلي الصبغه بقول اذا ماقد تم حمل ولا قد اجريتي عمليه فهي ربح مادي لي وخسارة عليكي وبس مانشوف الصبغه الا في حالة بعد ماجربنا مراحل تحاليل البويضه وطلعت كلها سليمة ..

طولت عليكم يابنات بس حبيت افيدكم واستفيد من الخبرة اللي جربو الحميه يساعدوني لأنها صعبه لكن غير مستحيلة..

اسأل الله ان يعينني واياكم ويعجل في شفائنا وتحقيق الحلم

[najo]

الله يرزقك يااااااارب بالذريه الطيبه الصالحه السليمه

[Heba T]

يارب يرزقك عن قريب .. قوليلنا شو بسير معك

[درين]

الله يرزقك يارب بالذريه الطيبه الصالحه السليمه

[فوضت امري لله]

الله يقر عينك بذريه صالحه

كثيير حملوا بعد حميع غذائيه

توكلي على الله وسوي الحميه

وبإذن الله

تحملي

[fadwa..]

بسم الله الرحمن الرحيم

آمين يارب ويرزقكم ماتمنيتم كل من ردت مشكوورة

وحبيت اقلكم لي يومين عالحميه والرياضه وصدقووني صعبه لكن غير مستحيله

احس براحه جسديه شكلي كنت ظالمة بطني

الله يعينني ويتمم لي واللي تبغى الحميه ممكن انزلكم ورقة الدكتور بماتحتويه

[بحــ العيون ــــــــر]

الله يرزقي با الذرررريه الصالحه وكل خووووووووووووواتي ياررررررب وانا معاااااااكم ياكرررررريم وامشي با الحميه والله كرررريم بس انا ماينفع حميه هههههههه طبعا نحيفه

[الطير الحزين]

ان شاء الله هتبشرينا بحملك عن قريب
بس التزمى بالحميه الغذائيه والرياضه والله قريت لبنات انهم حملو علطول بعد اراده الله اولا ثم الحميه الغذائيه لانها نظمت الهرمونات وطبعا الرياضه
رزقنى الله واياكى الذريه الصالحه عاجلا غيير اجلا

[أموووره]

الله يرزقك بالذريه عاجلا غير اجل تيب بسالك انتي سويتي تحليل سكر ولا لا واذا ع نتيجه التحاليل يعني عندك تكيسات وهذي توضح بالتصوير واذا مثل مايقول انه يحيمك من السكر تيب ليش ما اعطاك حبوب السكر الكلوفاج تنزل لك الهرمون وكمان بسالك انتي رحتي لشيخ يقراء عليكم ولا لا واذا مارحتي روحي احسن لك وخلي زوجك يسوي حجامه حتى لو كان سليم

ياليت تنزلين لنا النظام ويارب يكتب اجرك

[fadwa..]

المشاركة الأصلية كتبت بواسطة أموووره

الله يرزقك بالذريه عاجلا غير اجل تيب بسالك انتي سويتي تحليل سكر ولا لا واذا ع نتيجه التحاليل يعني عندك تكيسات وهذي توضح بالتصوير واذا مثل مايقول انه يحيمك من السكر تيب ليش ما اعطاك حبوب السكر الكلوفاج تنزل لك الهرمون وكمان بسالك انتي رحتي لشيخ يقراء عليكم ولا لا واذا مارحتي روحي احسن لك وخلي زوجك يسوي حجامه حتى لو كان سليم

ياليت تنزلين لنا النظام ويارب يكتب اجرك

ماسويت تحليل سكر فقط هرمون الحليب وهرمونات fsh,lh

وسألني عن كلام الدكاتره اللي قبله ولا ماعندي تكيسات بالسونار طلعت سليمه تشريحياً ع قولت الدكتور بس مو ذا واحد قبله وكمان وريتها للدكتور ع انه ماطالع فيها بمجرد ماشاف نتيجة تحليلي قرر الحميه وقال كل شي سليم بس ارتفاع في الهرمون ..

قد رحت لشيخين ومشيت عالرقيه حمدلله طبعاً اكيد راحه بذكر الله وحفظه لكن ماتم النصيب

زوجي يسوي حجامه اممممم مستحيل الرقيا مارضي يمشي عليها معاي ولا يحب ينتظم على شي انا اقول حمدلله انه سليم الا كان طلعت عيني

ارفقت ملف الحميه ان شاء الله طلع وآمين يارب يرزقني ويرزقك وكل محروومه