بنات سورية . ممكن سؤال عن دكتور في دمشق

[سلمى العمر]

سلام بنات

اذا احد يعرف دكتور او دكتوره في دمشق اختصاص عقم و اطفال انابيب ... اهم شي يكون في اخلاق و يخاف الله و شاطر

[الامل موجود]

وعليكم السلام ورحمة الله وبركاته

في دمشق الدكتور مروان الحلبي مشهور جدا وشاطر بمشفى المستقبل

واذا بدك بغير دمشق بعطيكي اسماء دكاترة تانية

موفقة والله يرزقك اللي ببالك

[سلمى العمر]

المشاركة الأصلية كتبت بواسطة الامل موجود

وعليكم السلام ورحمة الله وبركاته

في دمشق الدكتور مروان الحلبي مشهور جدا وشاطر بمشفى المستقبل

واذا بدك بغير دمشق بعطيكي اسماء دكاترة تانية

موفقة والله يرزقك اللي ببالك

شكرا الك حبيبتي الأمل.... سمعت عنه للدكتور مروان لكن بصراحة قرأت عالنت اشياء مش منيحه حول مشفى الشرق و حتى الدكتور مروان يعني تجاره و مع هيك رحت مشفى الشرق و كانت معاملتهم سيئه جدا فما كررت الزيارة، اذا تعرفي اي احد تاني بالشام

[الامل موجود]

لا والله يا اختي بالشام ما بعرف غير هالدكتور لكن بعرف بغير محافظات

بالنسبة للمعاملة السيئة ما بعرف عنها شي اللي بعرفو انو اسعارو غالية وزحمة جدا وهاد ما بينفي انو هو دكتور شاطر
الله يهديهم جميعا لانو الطب فعلا صاير تجارة عند البعض للاسف

[الامل موجود]

طيب ممكن سؤال

انتي من وين ؟؟ ليه ما بتروحي للاردن قريبة من الشام وفيها دكاترة شاطرين جدا ونسبة نجاح عالية والتكلفة قريبة لاسعار الشام

[سلمى العمر]

القصة اننا ما نحتاج اطفال انابيب لكن اريد دكتور شاطر يتابع حالتنا انا الحمد الله ما عندي مشكله لكن اريد اتابع التبويض و زوجي عنده مشكله لكن مش كتير كبيره... و كل الدكاتره اللي شفناهم يحاولو يقنعونا باطفال الانابيب و حتى في منهم قبل ما يعملو اي تحليل ...
انا ساكنه بالشام ، باي محافظات الدكاتره اللي تعرفيهم و شو الاسماء .. اسمع بالادقيه في دكتور شاطر جدا يروحوله من كل سوريا لكن نسيت اسمه

[سيدة العمر]

الله يفرح البك وتحملى ومايكون عندك اى مشاكل يااااااااااااااارب

[الامل موجود]

اختي في الدكتور زكوان خريط بحلب

ورشيد مقيد بحلب

ونزيه ابراهيم كان بحمص وهلء موجود بطرطوس بسبب الاحداث

وبالنسبة للدكتور اللي عم تقولي عليه كمان سمعت فيه وناسية اسمو على كل حال حطي على قناة (الطبية السورية) وان شاء الله تلاقي طلبك

واسمحيلي قريت مواضيعك وانا بشوف حالتكن انو لازم تعملي طفل انبوب باول فرصة بتسمحلك

نحنا كنا متلك نقول لسا بكير على طفل الانبوب بس هاد اكبر خطأ وهلء اللي متل حالتنا وحالتك عم يعملو الحقن المجهري من اول سنة تأخر بالحمل

طبعا الرزق بأيد رب العالمين وقادر ربنا يحيي العظام وهي رميم ولكن الاخد بالاسباب واجب

واتمنى ما تتاخري بالعلاج