قصة ولادتي باحلى ميدوووو

[فراولة فوشي]

السلااااام عليككم

ووحشني المنتدى وقسم الحمل والولاده
انا ولدت قبل اسبووعين
اخدت 5 ايام في التاسع مع انو ولادتي المتوقعه 8-1 بس ولدي ماشاءالله شكلوو مستعجللل

طبعا ماكان في بالي اني اولد بدايه التاسع لاني سمعت كثير يقولولي لانك بكريه بتاخدي التاسع ومن العاشر كمااان فشلت الولاده من بااالي

لاكن قدره الله فوق كل شي
طبعا ثاني يوم العيد سهرنا ومن شطارتي شربت قهوه وفيها قرفه وخلصنا سهر ورجعنا البيت انا عند اهلي من الشهر السابع
وعلى الفجر حسيت بمغص خفيف يجي ويروح وقلت لمامي وقالت هو كذا لما تدخلي التاسع يجيك مغص طبيعي

كل واحد راح ينام ورحت انام انا ويجيني مغص يصحيني من النووم وارجع انااام مو عبالي طلق

واصحى الظهر واقول لمامي االمغص يزيد بينو 5 دقايق هي كانت تعمل الغدا قالتلي تستني قلتلها ايواا مسويه فيها بستحمل

ماقدرت اصبر قلتلهاا خلااص هو الموو زي مغص الدوره

دقيت على زوجي وقلتلوو تعال طبعا هو مانام لاني الفجر قلتلوو حاسه بمغص خفيف وكان شايل هم

جمعت اغراضي وجهزت شنطتي ع السريع لاني ماكنت مجهزتها على اساس باخذ التاسع كلوو

امي كانت تحط الاغراض في الشنطه وانا اقوولها لاتحطي كثير لاني برجع معاكم مو ولاده ولاشي

رحت المستشفى ع الساعه 2 الظهررر ودخلت الطواري مستشفى العسكري بجدة

سويت تخطيط وقالت انتي شربتي قرفه قلت لا قالت الا باين طلق قرفه
كشفت علي لقيت الرحم مفتوح 2 سانتي واعطتني مغذيه منشان يروح مفعول القرفه وسويت اشاعه وقالت روحي امشي لحد الساعه 7 وتعالي
طلعت من عندهم 5 العصر ورحت حديقه جنب المستشفى لفيت عليها لحد الساعه 7 رجعت عندها عملت تخطيط وقالت فيه طلق وكشفت قالت مابين 3 و4 سانتي خلاص تنويم وانا خااايفه

اخذتني الممرضه ورحت جناح الولاده دخلتني وخرجت امي وانا خلاص ببكي قالت امي لها مو ولاده بروح امشيها وارجعها قالت خلاص تنويم

دخلت الجناح فيه تنويم وفيه ولاده سواا واسمع صراخ الحريم ووصوت الاطفال يبكوو

اعطتني لبس لبستو حطيت اغراضي في كيس وعملت تخطيط واعطتني مغذيه ولقيت حريم وجلست اسولف معاهم

بعد فتره جات قاست قالت 3 سانتي روحي امشي خرجت لماما ومشيت في القسم بس فووق من السااعه 10 لحد الساعه 2 الفجر امشي واريح شوي وخللاااص تعبت ابغى اولد بسرعه او ارووح البيت

دخلت عندهم قلتلهم انا تعبت بخرج البيت قالت ممنوووع تطلعي قلت تيب تعالي اكشفي قالت مو كويس اكشف كل شوي راح يسبب لك التهابات وياثر على الجنين قلتلها طيب كيف اعرف اني بولد وانا خلاص دموعي تنزل قالت انتي بكريه قلت ايوا قالت لما يكون المغص ورا بعض ويكون قوي تعالي

خرجت وجلست في السياره وبعدين مشيت انا وماما وريحت ومشيت انا وزوجي وتعبت لدرجه رجولي تنفخت وصار الصندل ضيق علي

جلست في السياره وانا احس المغص يزيد ومعاي جوالي احسب كم بينها
اخذت تمرر واكلته وانسدحت في السياره للساعه 4 وانا خلاص مغص قووي وورا بعض مع الم في ظهري قلت لامي وزوجي بالغصب قدرت امشي ووصلت للدور الثالث دخلت عندهم وقلت خلاص تعباااانه

سوت تخطيط ياكرهي له يضااايق وراحت عني
وانا اتالم واصبر اتالم واصبر وحسيت نفسي حشرررانه ابغى الحمام الله يكرمكم ناديتها قلتلها ابغى الحمام اذن الفجر وسمعت الاذان وابغى اقوم اصلي كشفت علي وقالت راس بيبي تحت يالله ولاده وانا اترجاها ابغى حمام قالت لاااااا خطير راس بيبي نازل ماتروحي جابت كرسي
ودقيت ع امي قلتلها انا داخله الولاده دعوووواتك وخبري زوجي
اخذوني ودخلوني الغرفه وجلسو يجهزو العده وركبت المغذيه وطبعا الي ولدتني قاابلة مو دكتووره

قلتلها ابغى ةالاكسجين جابت واحد لونه اسود قالت اذاا حسيت بالم اشفطي

وانا اشفط بس مو كثير ماابغى اتخدر وبعدين مااقدر ادفع
طبعا الحمدلله كانت ميسره وسهله

كان البيبي يدفع وانا ادفع معاه والقابله تشجعني وتقول ايووا وانا ادف وماحسيت الا بصووت البيبي وشفتها لما اخذته وحطته تحت الضو وانا اشوفه وابكي من الفررحهه

شعوووووووور ماينوصف فرررحه واحساس غيررررررر

خلصت اجرات البيبي وبصمتو وبصمتني وخلتني ارتاح شوي وبعدين قالت انا بحط بنج كثير عشان ماتحسي بالخياطه قالت كذا وانا امسك الكمام واشفط
لحد ماقالت خلاص نظفت بطني واخر شي اعطتني 2 تحاميل قالت مسكن
وخلتني ساعه تحت الملاحظه دقيت على امي وبشرتها ودقيت على زوجي
جلست ساعه وخلصت وقالت روحي حمام رحت الحمام غسلت ونظفت واعطتني لبس لبستو ولبست عبايتي واخذت اغراضي وجلست على الكرسي ودفتني ورحت جناح التنويم

دخلو امي وزوجي وسلموو علي وقلتلهم خلاص روحو انتو تعبتوو والعصر تعالوو وقت الزيااره

الحمدلله كانت ولاادتي سهله بس تعبت قبلها ولدت يوم الاثنين 13-12
الساعه 6 الصباح
والطلق بدا معاي من يوم الاحد الظهر
وجبت احلى ميدوو الله يخليه ويحفظه يااارب