ماذا تعرفون عن اشعة الصبغة

[ام حموودي]

السلام عليكم ورحمة الله وبركاته
اخواتي الفاضلات اود السؤال عن اشعة الصبغة اليوم رحت عند استشارية وعرضت عليها حالتي طلبت مني اعمل بعض التحاليل وطلبتني اسوي اشعة الصبغة انشاء الله ربي يعديها على خير ويطمن قلبي بس ابغى اعرف يكون فيها تخدير او لا والانبوب اللي تمر فيه الصبغة يتم عبوره كيف اذا اي وحدة سوتها ياليت تطمني وافضل عيادة او مستوصف ممكن اسوي فيه الاشعة شاكرة لكم .. وآسفة ع الاطالة..

[ابتسم رغم الألم]

انا سويت الاشعه ياقلبي
ما فيها تخدير
والانبوب الصبغه يمر عبر المهبل
الله يسهلها عليك الصراحه مؤلمه شوي
الله يرزقك باالذريه الصالحه المعافاه الجميله

[ام حموودي]

تسلمي اختي بقايا جروح على مرورك الله يعين والله مررة خايفة طلبتك ادعي لي في ظهر الغيب ان ربي يسهلها علي ويرزقني بالذرية الصالحة وكل محرومة يااارب

[حبيبة ووشااه]

اختي الغالية

آنا سويتها بصراحة ألمها رهيب عجيب علشان جذي طلبي تخدير واااااااايد أرحم

المسألة جدا بسيطة من ناحية الإجراءات وكلها على بعضها ما تاخذ أكثر من ربع ساعة
والنتيجة فورية لكن الألم مو طبيعي بصراحة وهذا عن تجربتي الشخصية توني مسويتها من قبل 3 أسابيع وللحين أعاني من بعض التشنجات ابطني آنا ما ودي أخرعج منها فهي شر لا بد منه لمعرفة أسباب تأخر الحمل ويمكن يكونون غيري ما عانوا اللي عانيته بس أنصحج بالبنج وترا بيكون خفيف

وإن شاء مايكون عندج شي وتبشرينا

[شموع الورد]

انا سويتها اول كنت خايفة صحيح فيها الم بس خفيف لانك بتحسن بى الصبغة واهى تدخل وضغط الانبوب ع الارحام

[ام حموودي]

تسلمون اخواتي على مروركم اللطيف سويتها الحمدلله وربي ييسركل صعب عدت على خير واتألمت شوي بس الحمدلله كون اني عرفت ان كل شي طبيعي وما في اي مشكلة هذي نستني الالم الله يرزقني ويرزق كل محرومة

[أحلم في بنوتة]

والله انا الدكتور طلب منى ان اعملها ولكنى خائفة جدا والكل ما شجعنى اتمنى لكم الحمل السريع العاجل يارب ببركه هل الشهر الفضيل حبيت بس ادعيلكو جميعا