ياريت تفيدوني وتنصحوني

[سحايب غلا]

مرحباا بنات

انا عمري19 سنه كنت متزوجه من شاب
وحملت

و لما رحت اول جلسه ل الترا ساوند مابين معاي الا الكيس
و موعد ورا موعد لييين دخلت الثالث بالضبط في نص الثالث
قالوا مافي جنين اللي في بطني كيس بس ولاحضت امي ان بطني كبر شوي
ودتني المستشفى وسوو لي الترا ساوند قالوا انتي حامل بس بالكيس
حملي مش اوكي ولازم ينزلون اللي بطني
بتقولون حمل خارج الرحم لا
مافي جنين
ونزلو اللي في بطني
بس ماسووو لي غسيل
عطوني تحاميل طلق صناعي يعني
7 تحميلات ولا فتح معاي الرحم ومع اخر تحميله فتح ونزل النص وتم النص
بعد الويل اللي شفته نزلوني العمليات يسون لي غسيل

بعد الغسيل ماتابعت مع دكتور بس جبت وحده عشان تمسدني مره وبعد العيد
صارت بين وبين زوجي وامه مشكله والسبب يبوني اسوي الانابيب او اخذ حبوب المنشطه
مع اني سليمه وهو سليم ومع اول دوره حملت
المشكله وصلت لين الطلاق وخلصت العده من فتره بسيطه واللحين متقدم لي واحد
و امي تبيني اخذ الحبوب المنشطه
وبصراحه انا متردده

سوالل1 : اخذ هالحبوب ؟

2: انا سويت الغسيل ليلة 27 رمضان قبل عيد الفطر اللي راح ودورتي منتظمه
في حال ماخذيت الحبوب بحمل بسرعه او راح اخذ وقت ؟

ياريت تنصحوني وتفيدوني
بكوون شاكره لكم

[&توتي&]

نصيحه لاتاخذين منشطات وانتي سليمه ممكن تفجر لك المبايض لاسمح الله
وبعدين توك صغيره وباقي قدامك وقت للحماله
شوري عليك توكلي على الله وتزوجي وانبسطي واذا مثلا مر 3 شهور او اكثر وتبين تحملين ممكن تراجعين وتسويين تحاليل وفحوصات للهرمونات

بس هالحين ليه تبين تستعجلين على عمرك خلي امورك طبيعيه
وربي يوفقك

[fifi dola]

السلام وعليكم ورحمة الله بركاته

شوفي يااختي العزيزة نصيحة مني الك لا تاخذي اي شئ بدون مراجعة الطبيب

طلاقك كان مقدر من عند المولي (عسى ان تكرهو شيئا وهو خير لكم )

اها ربنا كتبلك الخير في غيرو ان شاء يكون يحترمك ويقدرك ويكتبلك معاه الذرية الصالحة يارب

لا تتعجلي الامور فا الدواء ضار متل ما هو نافع
انا ما عندي ولا د متزوجة من شئ 11سنة وعدد الادوية الي شربتها وكمية الاعشاب الي كليتها وعملتها بخار وشربتها ربنا يعلم بعددها

كانت النتيجة انو طلع معي كيس من كتر الادوية لا تغلطي حبيبتي وتاخذ شئ بدون علم الطبيب مشان ماتندمي في الاخير

اتمنالك السعادة والعشرة الطيبة والذرية الصالحة يارب

[سحايب غلا]

توتي
و fifi
مشكورين خواتي بس لاتلوموني تعقدت من سالفة الحمل وانا توني صغيره
وسليمه ومع اول دوره حملت
عشت معاهم شهرين احسهم اللحين عشرين سنه والسبب انهم يبون ولد
يلا مب مشكله الحمدلله على كل حال والله عوضني بغيره

ان شاءالله بمشي على نصيحتكم ماقصرتوا

[لولو الفلسطينية]

انا برأيي بما انك حملتي بعد زواجك مباشرة يعني انتي سليمة و المنشطات ما الها علاقة بالي صار معك في الحمل
المنشطات اصلا بيعطوها للمرأة الي ما بتحمل مباشرة يعني بكون عندها ضعف في التبويض و انتي ما عندك هالشي لأنك حملتي طبيعي و انتي لسا صغيرة و العمر قدامك
و انا كمان عمري 19 و حملت مرة و اجهضت و بعدها حملت و كان الكيس بدون جنين متلك و هيني هلأ حامل بالشهر الثالث و الحمد لله الجنين وضعو تمام و ما اخذت اي منشطات
توكلي على الله و ان شاء الله كل الي صار معك خير من رب العالمين
و لو لا سمح الله لا سمح الله ما صار حمل بعد الزواج ب 6 اشهر مثلا ممكن تراجعي الدكتور و تسألي اذا محتاجة علاج و ان شاء الله ما بتحتاجي شي لأنك سبق و حملتي طبيعي
توكلي على الله و ما بصير الا الخير

[سحايب غلا]

لولو

مشكوره حبيبتي
ان شالله مايصير الا الخير
ماقصرتي

[دلوعـ زوجي ـة]

حبيبتي روحي لاستشاري افضل شي وربنا معاكي بس لاتلعبي بنفسك وانتى توك في بدايه عمرك يازهره ياعسل

[سحايب غلا]

يسلمووو حبيبتي ي دلوعه

مشكوره ع النصيحه