الي عند زوجها نقص في الحيوانات المنويه جاك الفرج ان شاء الله

[كند]

السلام ليكم ورحمه الله
ببدء في سرد قصتي
تزوجت من قبل 3 سنين واول ماتزوجت زوجي قلي هيا بصراحه انا ابغاك تحملي من اول شهر وانتظرت شهر ورى شهر لين خلصت 6 شهور وجاتني الدوره وخلصت وبعد عشره ايام جاتني الدوره مره ثانيه واستغربت اول مره يسرلي كذا ورحت المستشفى وقالتلي الدكتوره هذا من ارتفاع هرمون الحليب لانك بتفكري في الحمل كثير واعطتني علاج هرمون الحليب ورميته في الزباله لانه انا ما احب استخدم ادويه احب الاشياء الطبيعيه لانها اذا مافادتك ماضرتك جلست اشرب مرميه لين 6 شهور وسويت تحليل وقالتلي ممتاز بعد شهر اذا ماحملتي تعالي ماحملت ورحتلها وقالتلي خلي زوجك يسوي تحليل وطلعت النتيجه الحيونات عنده 8 مليون وقالتلي الدكتوره عشان تحملي لازم تكون 20 مليون طبعا كل شي بعد الله راح زوجي عند طبيب مختص وقله انت عندك دوالي في الخصيه لازم تسوي عمليه واعطاه علاج واستخدمه لمده ثلاثه شهور وحلل وهنا الصدمه من 8 مليون لمليون وغير الدكتور وراح لدكتور ثاني وقله الدكتور الثاني من قلك انه عندك دوالي واعطاه علاج وكل شهر يحلل ومره يرتفع ومره ينخفض لين خلاص فقدت الامل وقالتلي الدكتوره اختصري الطريق وسوي اطفال انابيب لانه ممكن يطول زوجك في العلاج وانا رفضت ومافقدت الامل بالله وجلست ادعي واستغفر الف مره في اليوم واصلي الوتر وادعي والصراحه انا ماكنت اصلي الوترمن قبل بس وقت الحاجه صليتها واتذكرت انه الي يسوي شي عشان شي خسر الدنيا والاخره وقطعت وعد لربي انه حتى بعد ما احمل ما اسيب الوتر وجلست ادور في النت علاج لين لقيت هذا العلاج

المقادير
1)كوب من الحبة السوداءالمطحونه (وكلها لازم انتم اللي تطحنونها)
2)كوب حب رشاد مطحون
3)ثلثي كوب من الحلبة الخضراء المطحونة
4)ربع الكوب من المره المطحونة
طيب تضعينها جميعها في علبة نضيفة لم تستخدم من قبل وتضعينها في الثلاجة
تحضرين كيلو عسل + غذاء ملكات تقريبا 50 جرام(تخلط)
الطريقة :
تحضرين زبدية وتضعين من الخليط الجاف ملعقة صغيرة وملعقة اكل من العسل المخلوط بغذاء الملكات يخلطهم جيدا وياكلها على الريق وكل يوم زي كذا يخلط ملعقة من الخلطة مع ملعقة العسل فهمتي ولاتنسين الخلطة والعسل كلها بالثلاجة ولاا تخلطين الخلطة مع العسل

عموما ترى الخلطة يحتاجلها بعدين كيلو اخرعسل مع غذاء ملكات بس الكيلو الثاني العسل لاتشترونه الا بعد ما ينتهي العسل الاول عشان تعرفون غذاء الملكات ما يخرب ويكون

ملاحظه: زوجي كان ياخذ ملعقه اول مايصحى من النوم وقبل لاينام وبعد كل ملعقه بربع ساعه يشرب حليب جمل والعلاج استخدمه لمده 40 يوم وحلل وزاد ماشاء الله من مليون ل 19 مليون واليوم الي حلل فيه زوجي انا حللت وطلت حامل ماشاء الله وجبت احلا بنوته ربي يحفظها من كل شر