بقولكم على خلطتين للحمل استخدمتهم وحملت بنفس الشهر ماشاء الله

[Mmano0o.]

السلام عليكم
مساء\ صباح الخير حبايبي
بقولكم سالفتي انا من جبت بنتي عمرها سنتين وانا ابي احمل على طول لاني ماكنت ارضعها بس ربي ماكتب وزوجي يوم كملت بنتي سنه وهو ازعجني احملي احملي ليش ماتحملين اكيد فيك شي اكيد خلاص ماصرتي تحملي!!! تعبت نفسيتي منه وصرت اوسوس انه صدق ماعاد احمل, كان عندي ضعف بالمبايض وميلان بالرحم وهرمون الحليب مرتفع بس مو متاكده لانه بالشهر اللي كنت بسوي فيه التحليل حملت والشهور اللي قبله كل مايجي ثاني يوم دوره يصير لي ظرف وما اقدر اروح احلل بس كنت شاكه لانه كل اعراضه كانت عندي ,, وبعدين صرت ادور بالنت وطحت على كم خلطه بس مافدتني وتركتها , لين لقيت هالخلطتين واستعملتهم بنفس الدوره والحمدالله ربي اكرمني بالحمل , وكنت مفكره اي خلطه تفيدني انزلها لكم واجري على الله وما ابي منكم غير دعوه بظهر الغيب ان ربي يحقق لي اللي اتمناه.

اول خلطه نقلتها لكم كلها مع قصص اللي استخدموها:
هذي الخلطة مفيده جدا جدا للي عندها سدد أو ضعف في المبايض..

وبالنسبه للنتايج اللي أنا شخصيا أعرفها...كالتالي..

1/ وحده ماحملت من عشريــــــــــــن سنه وبعد ماإستعملتها لمدة كم شهر

رزقها الله بتوأم..ماشاء الله:

2/ وحده عمر ولدها عشر سنوات يعني بخامس إبتدائي وبعد ماإستعملتها ماشاء الله جابت

بنت
وكنت أنا اللي وصلتلها اللخلطة وقالت تكفون عطون إسم اللي أعطتني الخلطة عشان أسمي بنتي عليها طبعا أنا

قلت يكفيني دعواتها وبصراحة فرحت من كلللللللللل قلبي

3/ والثالثة تزوجت وماحملت وجربت عدة محاولات وأخيرا حملت لكن للأسف سقطت في

الشهر الخامس ..وفيه ناس شاروا عليها إنها تكفل طفل من دار الايتام وفعلا كفلت بنت حلللللللوة ورضعتها لأن مثل

ماتعرفون الوحده يصير فيها حليب بعد ماسقطت بالخامس..

عاد هي إستعملت هالخلطة وماشاء الله حملت بعد كم شهر واللحين جابت ولد ..يارب لك الحمد..:

وهذولاء اللي أنا أعرفهم ونفعت معهم الخلطه..

ماأطول عليكم..

المقادير هي كالتالي:

3 فناجيل قهوة كمون مطحون

3 فناجيل قهوة قرنفل مطحون

3 فناجيل قهوة حبه سوداء

3 فناجيل قهوة فلفل أسود مطحون

3 فناجيل قهوة رشاد<<طبعا بدون طحن>>

3 ملاعق صغيرة حلبة

الطريـــــــــقه:

يطحن كل مقدار على حده ما عدا الرشاد لا يطحن وبعدين تخلط المقادير مع بعض..

طريقــــة الأكل:

تؤكل ثالث يوم من الدورة ملعقة كبيرة ويشرب <<توكل ولاتذوب في الماء>>كأس ماء بعدها حتى
تنتهي معك الدورة..
مره واحده في اليوم بعدالافطار...
لودورتك 5ايام تاكليها3و4و5فقط
ولو7ايام 3و4و5و6و7
يعني على حسب طول دورتك المعتادحتى لووقف معك الدم استمري الى اخريوم في الدوره...

ملاحــــــــــــظة::

- إذا نزل دم كثير أو قطع أو ماء كثير يكون لديها سدد..

- إذا توقف الدم ونشفت أثناء تناولها يكون عندها ضعف في المبايض وهذه الخلطة تنشطهن..

- إذا جاء وقت الدوره الثانية ولم تنزل الدورة يعمل تحليل لتأكد من وجود حمل أو عدمه..

وإذا لم يوجدحمل ويبدأ نزول الدورة الثانيه يعاد أكل هذه الخلطه مره أخرى في نفس التوقيت<<يوم ثالث من الدوره>> حتى يثبت وجود حمل بإذنه تعالى

- فيه أحد مايتحمله وينقطع من إستخدامه لانه مر و حار
لكن اللي تبغى حمل لازم تستحمل أتمنى يكون شرحي واضح.

ثاني خلطه :

اول يوم في الدوره خليها تنزل عادي وفي اليل ديري هذه الخلطه

ملعقة كمون مطحونه+ملعقة حلبه مطحونه +ملعقة قرفه مطحونه+ملعقة حبه سوداء مطحونه

وتوضع في كاس فيه الماء كبيره ثم اضيفي لها ماء سخون الى اخر الكوب
وغطيه واتركيه الى اليوم الثاني

اليوم الثاني على الريق راح يكون محتوى الخلطه في اسفل الكوب والماء الصافي في بداية الكوب


اشربيه قبل الاكل واجلسي ساعتين بعده لاتاكلي حاجه


وهكذا في اليوم الثالث والرابع والخامس


تنقع في اليل وتشرب في الصباح واضيف ان الجانب الديني جدا مهم تستمري عليه شهر كامل

سورة البقره هي ثلاث اجزاء صح تقري كل يوم جزء
وهكذا الى ان يخلص الشهر
لان هذه السوره سبحان الله كثير ناس انحلت مشاكلهم بعد المداومة عليها

مع الاستغفار بنية طلب الاولاد
وقول هذا الدعاء اللهم اني استغفرك انك كنت غفارا ارسل السماء الي مدرارا وامددني بالبنين


وربي رؤاح تلاحظون الاثر وبااذن الله تحملون اذا طبقتو الخلطه مع الجانب الديني اللي ذكرته



وطبعا لوحصل لاقدر وماحملتي راح تلاحظي ان الدوره تتنظم عندك هذا كلام وحده حملت من الشهر الثالث من استعمالها
بعد عقم سنوات
لكن الباقي حملو
يعني لو مافادت من الشهر الاول كرريها اللي بعده اانت مخسرانه حتاشي حاجة الى ان يحصل الحمل



واولا واخيرا هي اشياء طبيعيه الخلطه ماتاخذ منك غير اربع ايام


ويفضل الجماع يوم بعد يوم من نهاية الدوره لمدة اسبوعين كامله بعد الدوره ويكون برنامجك هذ بالكتمان يعني لاتقولي لاحد حتى لو قريب الى ان يحصل الحمل =استعينو على قضاء اموركم بالكتمان
...........

الله يرزقكم بالذريه الصالحه

[ام هند]

الله يجزاك خير ويرزقك خيرا مما تتمني

[بنت النورر]

جزاك الله كل خير

[ام هند]

بنات ايش الفرق بين الكمون والحبة السوداء او حبة البركة .. ي؟؟؟

[درين]

الكمون لونو اخضر و نطبخ فيه هو من الثوابل
و الحبة السوداء هي حبة البركة اللي موجودة في الطب النبوي

جزاك الله خير جزاء عالموضوع المفيد

[اميرة الجزائر]

الكمون من البهارات لونة بني بعد طحنه اما قبل طحنه فهو بني مخضر وشكله كحبة القمخ الهشة اما حبة البركة عندنا في الجزائر سودا وصغيرة اقل من الحلبة نستعملها في الخبز والمعجنات

[Mmano0o.]

هذي حبة البركه اللي هي نفسها الحبه السوداء
--------------


وهذا الكمون

[Mmano0o.]

اب للفايده

[السلطانه 22]

طيب الخلطه الثانيه تنفع لهرمون الحليب
انا دحين اخذ دواء دوستينكس عشان الهرمون اقدر استخدمه معاه ولا لا ؟؟.
وكمان لاحظت انه في الخلطه الثانيه فيها حلبه و اللي سمعته ان الحلبه ترفع الهرمون .
واذا اقدر استخدمها اخذها الى اخر يوم بالدوره لان دورتي تكون اربع ايام و احيانا ثلاثه فكيف لازم اكمل الى خامس يوم ؟
شكرا

[السلطانه 22]

المشاركة الأصلية كتبت بواسطة السلطانه 22

طيب الخلطه الثانيه تنفع لهرمون الحليب
انا دحين اخذ دواء دوستينكس عشان الهرمون اقدر استخدمه معاه ولا لا ؟؟.
وكمان لاحظت انه في الخلطه الثانيه فيها حلبه و اللي سمعته ان الحلبه ترفع الهرمون .
واذا اقدر استخدمها اخذها الى اخر يوم بالدوره لان دورتي تكون اربع ايام و احيانا ثلاثه فكيف لازم اكمل الى خامس يوم ؟
شكرا

ردي على السؤال جزاك الله خير