هل تحليل الدم الهرموني يخطأ

[إيفان]

والله حاسة يا بنات مشان الله مخنوقة حاسة حالي بموت من الخنقة مع إني الصبح كنت عادي وكثير عادي بجوز من الصدمة انا اجهضت 3 مرات والشهر هذا الجهاز والله اعطاني خطين والله مو جهاز واحد جربت إثنين بينهم يومين والإثنين خطين واليوم حللت رقمي وكان باقي للدورة يومين وقالولي ما في حمل طيب كيف خطين وبتقولي من كثر الأدوي خطين كيف وادويت يما فيها شي هرمون حمل غير الدفستون والدفستون ما بآثر ع الفحص أخ أخ يا بنات محروق قلبي ولسة الدورة ما نزلت بحاول أقنع حالي انو التحليل بجوز يغلط خاصة مجهضة من 27 يوم والدكتور قالي هذا الهرمون بروح بعد إسبوعين من الجسم الحمل وفعلا فحصت بعد إسبوع بان حمل وفحصت كمان بعد إسبوع كمان بان حمل وبعدها ب4 أيام ما بان حمل وبعدها ب4 أيام بان حمل بالليل والصبح حللت ما في حمل ورجعت بالليل جبت نوع جهاز دايما بستعملو غر النوع إلي كنت أفحص فية وكان اول مره أجربو وشكلو مو كويس المهم اعطاني حمل فحص اليوم قبل الدورة بيومين قبل أروح المختبر أعطاني حمل وانا والله ببان الحمل عندي قبل الدورة ب3 أيام بالبول والدم بعملو بعد الدورة مشان اتاكد مش عارفة في وجع ظهر ورجلي بس هذا الوجع بيجيني قبل الدورة بيومين والله بكل حمل الثلاث شو أعمل معقول الهرموني بغلط يعني ع الأقل لو باقي شي من الإجهاض كان اعطوني نسبة مثلا 10 لإنو اقل نسبة 5 عندهم يعني لو الخطين من ال10 مثلا ما بطلع خطين يعني كإنو حمل باوو صح ما بدي أتعشم ع الفاضي بس حد عمرو فحص هرموني قبل الدورة ويطلع غلط وانا شايفة بعد الإجهاض 9 يوم بويضة 16 وحددلي الجماع طبيعي بلا منشطات يعني ما في إباضة متاخرة ودورتي منتظمة 28 يوم واليوم هلا صرنا 27 معقول ما تنزل وأطلع حامل راح أنجلط ليش هيك بصير فية والله من النكد ما اخذت غير الفولك أسيد لا بيبي إسبرين ولا بي 6 ولا دفستون ولا كركزون ولا شي ولا داء القطط حتى زوجي بقول بدك بكيت لداء القطط صح إلي عندي خلص قلتلو ما بدي شي نفسي جسمي يرتاح كلو أدوية ما بدي غير الفولك اسيد مين أمانة صار معها هيك الهرموني غلط

[إيفان]

ولا رد طيب إرفعو الموضوع والله بموت من القهر حسو فية

[أم تسنيم2013]

ماعندي فكرة عن الموضوع اتمنى البنات يفيدونج
حبيت ادعيلك الله يفرحك هدا الشهر و لا يحرمك الفرحة اميييييين
بشرينا حبيبتي

[ملامح حاليه]

اسأل الله رب العرش العظيم في هذه الساعه ان تحليل الدم يكون غلط

و تطلعي حامل وما تشوفي الدورة الا بعد 9 شهور

[إيفان]

يارب خايفة والله انام صارلي كم يوم مانمت مثل العالم خايفة انام اصحى ع الدورة عمرو ما خفت هيك ع حمل بس لإنو البول موجب والدم سالب إنقهرت ومش عارفة شو إلي خلاني أفكر إنو إحتمال حمل من الاساس يعني كيف في امل والرقمي صفر

[إيفان]

بدي أقوم من ند زوجي ع غرفة ثانية مو قادرة حتى افكر أنام بروح اقرأ الرقية الشرعية وأقعد مع نفسي مخنوقة وما حد قدر يفيدني بعرف الكل نايم والموضوع الصبح بكون راح مشان ما حد برفعو يعني فرجي من ربي والله كريم تصبحو ع خير

[إيفان]

كثير شكر لإلي ردو علي يسلمو كثير صبايا يجازيكو الله ألف خير

[أم تسنيم2013]

حبيبتي مايصير تقلقي وتتوتري ترى التوتر بيزيد يلخبطلج هرموناتك وكلي ربك وخليها على الله
يقول الله تبارك وتعالى في سورة الرعد(الله يعلم ماتحمل كل انثى وما تغيض الارحام وما تزداد وكل شئ عنده بمقدار عالم الغيب والشهادة الكبير المتعال)

[em tamer]

مرحبا اختي
انا مع الاخت ام تسنيم
لا تتوثري لانه مو منيح عشانك ولو في حمل كثير بتأثر بنفسيتك
لا سمح الله التوثر والاجهاد النفسي والخوف ممكن يسبب اجهاض لاقدر الله وانتي في غنى عنه
ريحي حالك بقراءة القرآن ووكلي امرك لله اولا واخير اللي بقدره ربنا الك بكون من مصلحتك والله حطي هالاشي بين عيونك
وكلما نسيتي التفكير بالحمل بكون احسنلك عشان لما يصير تنبسطي اكثر
اصبري ثاني يوم من تأخر الدورة واعملي كمان تحليل هرموني وخلي الدكتورة تفحصك بالسونار عشان تشوف كيف وضع الرحم وتعطيكي تسوي تحليل لهرمون الحليب لانه لازم تتاكدي ازا طبيعي رجع بعد الاجهاض انا هيك سويت
بعد الاجهاض بيتعب جسم المرأة وسبحان الله أضا الرحم استعاد نشاطه ووضعه الطبيعي بسرعة بيصير حمل واذا لاء بيتاخر الحمل حتى مع كل المجهود والمحاولات اللي بنعملها عشان يصير حمل
انا مر على اجهاضي 3شهور وماصار حمل رغم اني بتابع ايام التبويض وكل اشي بس ارادة ربنا فوق كل شيء الحمدلله
لما يصير الوقت المناسب ربنا رح يعطينا

يااااااارب
ان شاء الله بتطلعي حامل وتنبسطي ويطمئن قلبك
يارب ارزقنا الحمل السليم التام المعافى واجعله من الذرية الصالحة وسهل علينا حمله واخراجه وتربيته يارب انا وكل منتظرة كرمك وجودك يارب العرش العظيم يافعال لما يريد سبحانك

[سالي45]

حبيبتي المختبر قالو مرة لزوجي لا تحللو هرموني الا بعد غياب الدورة يوم عن موعدها
وأنوه كمان اعرف بنت والله قبل كم يوم حللت هرموني وطلع صفر وفقدت الامل بس بعد اسبوع عادته وطلعت حآمل
لا تيأسي حبيبتي ^^