طريقه عمل الدجاج الصينى الحلو والمر بالصور @ Chinese chicken sweet and sour

ميادة على · 09-22-2013, 01:34 AM

السلام عليكم ورحمه الله وبركاته

اخواتى الحبيبات اقدم لكم اليوم اكله جميله ومحبوبه جدا
وهى اكله تباع فى مطعم صينى وانا اكلتها فى سيتى ستارز وعجبتنى جدا

وحطيتها فى دماغى لحد لم طلعتها بالظبط ونفس الطعم وتجنن

ونفس طريقه التقديم بالرز البسمتى الابيض مه الخضار المشكل

الوجبه دى تكلفتها 30 جنيه انتى هتعمليها فى البيت ومش هتكلفك 15 جنيه

الوجبه تكفى 3 اشخاص

ابتدى بالرز عشان بياخد وقت فى التسويه

الارز الابيض البسمتى مع الخضار المشكل

المقادير

كوب ونص رز بسمتى
نص كيس خضار مشكل (مجمد) ويفضل طازج بس نعمل ايه فى الكسل

3 معالق سمنه

[COLOR="rgb(255, 0, 255)"]الطريقه العمل بالصور

سيحى السمنه فى حله وضيفى لها الرز البسمتى بعد غسله

ونشوحه شويه فى السمنه ونضيف الماء والملح ونسيبها تغلى (الماء تقريبا 2 كوب) لان البسمتى بيشرب مايه اكتر من الرز المصري

وتكون النار عاليه لحد لم يبتدى يشرب المايه ونضيف الخضار المشكل ونقلبه ونوطى النار ونحط الشواحه تحت الحله عشان الرز مش يتلسع ونسيبه حتى لو ساعه وممكن ساعه ونص يستوى براحته

نيجى بقى للفراح الصينى الحلو والمر بالتفصيل بالصور

المقادير:

4 شرايح فراخ بانيه اى مخليه من العظم
نشا
1 بيض
معلقه سكر
معلقه ونص خل (ويفضل الخل الاسود اللى هو الخل البلسمك)
معلقتين صوص الصويا
معلقتين مستردا
3 معالق كاتشب او ممكن 4 معالق
معلقه صغيرى ثوم بدرة
فلفل الوان _ عدد 2 (1 حمرا و 1 صفرا)
1 بصله شرايح
ملح وفلفل

ويمكن اضافه معلقه هريسه الشطه او شطه حسب الرغبه للناس اللى بتحب الاكلات الحاره

طريقه العمل بالصور

نقطع الفراخ بانيه شرائح

ونحطها فى بيض

ثم فى طبق نشا

ثم نحمرها فى زيت لحد ميبقى لونها اصفر ونشيلها ونحطها على ورق المطبخ

نيجى بقى لعمل الصوص

نقطع الفلفل والبصل

ونجيب حله ونحط فيها الكونات الاتيه

السكر على المستردا والكاتشب وصوص الصويا والخل والثوم البودرة (حسب المقادير فى الاعلى)

ونفتح النار ونسيبهم يغلوا ونضيف عليهم الفلفل والبصل ونقلبهم

ثم نضيف الفراخ المحمرة بالنشا

ولو حاسه ان الصوص قليل ممكن تضيفى نص او كوب ماء وتسبيهم على نار هاديه لحد لم المكونات تتشرب الصوص

ودى الطبق بنفس طريقه التقديم فى المطعم الصينى

بألف هنا وشفا

[/COLOR]

ام عبد الهادي · 09-22-2013, 12:04 PM

طبق رائع يعطيك الف الف عافيه يا عسل

ام ارجواااااان · 09-22-2013, 01:13 PM

υм вtℓαα · 09-23-2013, 03:30 PM

يعطيك العافيييه

دلـــوعــه عـــــبوديـ · 09-23-2013, 04:01 PM

بحــ العيون ــــــــر · 09-23-2013, 07:51 PM

إحساس إمرأة · 09-25-2013, 12:58 PM

Josy · 09-25-2013, 02:23 PM

يسلمو حبيبتي

ميادة على · 09-25-2013, 02:46 PM

الله يبارك فيكم يابنات يارب
بس انتظر انكم تجربوها وتقلولى طلعت ايه
حلوة اوى وهتعجب اللى بتحب الابتكارات فى الاكل

الأمورة سوس · 09-25-2013, 02:54 PM

يعطيك العافية حبيبتي شكله بيشهي
يسلمووو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رول السمك الحلو للتخسيس ، طريقة عمل رول السمك الحلو ، وصفة رول السمك الحلو للرجيم	بسملة123	قسم التغذية	0	08-08-2012 02:31 PM
طريقه عمل الشوربه الصينى ، الشوربه الصينى ، الشوربة اللذيذة	الشيفة سوسو	قسم التغذية	0	07-02-2012 05:54 PM
طريقه عمل شوربه الدجاج بالحمص ، شوربه الدجاج بالحمص ، عمل شوربة الدجاج	الشيفة سوسو	قسم التغذية	0	07-01-2012 02:24 AM
سلطه الدجاج بالصوص الفرنسي ، طريقه سهله لعمل سلطه الدجاج	سوسو 2020	قسم التغذية	0	06-25-2012 11:00 PM
اليمن وجمالها , مدينه اب اليمانيه جنه اليمن , السياحة فى اليمن بمدينة اب	خليجية وافتخر	المـنـتـدى الـعـام	0	06-20-2012 08:00 PM