حبيباتي الحوامل أهل الخبرة :"

[الخنساء 15]

بسم الله الرحمن والرحيم


السلام عليكم ورحمة الله وبركاته



مرحباً بنات :"



معكم حامل بكر بالشهر الرابع وأتابع عند الحبيب التخصصي..
وبالتحديد د.سناء قاسم عزوقة
طبعاً بأولد عندهم وماعندي تأمين..
لكن ميب مشكلة..


وش رايكم فيها الدكتورة سناء؟
ومين قد ولدت عندها؟

قريت بالنت كلام وحده ولدت عندها وكانت تذمها مره:(
وتقول يدها ثقيلة بالكشف :):

مع العلم فيه كثير يمدحونها!!


الشي الآخر ما ارتحت أولد بالحبيب, قريت كلام أمهات واجد يمدحون مستشفى الملك خالد الجامعي..
وأن الحبيب بس أشكال وتعامل!!


رايكم أحول على الجامعي؟
ولو حولت لهم وأنا بالشهر الرابع يقبلوني؟
أو أصبر للخامس وأروح لهم؟
أو كيف!


وهم على أي أساس يقبلون أو يرفضون ؟


بصراحة اللي خلاني أفكر بالجامعي كثير اللي هو لو يولد الطفل ويكون ضمن الأطفال الخدج, بالمستشفيات الخاصة يدفعون مبالغ طائلة جداً ما أقدر عليها بالنسبة للي بدون تأمين ..
وما ودي أحط نفسي بهالموقف..
ولازم آخذ احتياطاتي من كل النواحي..

وش رايكم ؟
أبي مشورتكم..

ولو قبلوني الجامعي هل أقدر أحدد دكتورة تولدني ؟
لأني ما أبي رجال البتة..