قصة ولادتي ب اميرتي ( وتين)

[أكسجين]

السلام عليكم ورحمةة الله وبركاته
كيفكم كروشاات وامهاات ..

اولا الحمد لله حمدا لايبلغ منتهاه اللهم ارزق كل محرووم يتمنى الذرية
وتمم لكل حامل حملهااا ...اللهم امين اللهم امين اللهم امين

نبدأ القصةة فترة التاسع اقرا قصصكم كل ليلة امسك لي مجموعة واقراها
وبالنهار امشي ساعه وع هالحال لحد رابع اسبوع بالتاسع طبعا من نص الثامن
وانا عند اهلي زوجي مسافر كل يوم اصحى الصباح اقول اكيد بيجيني بوادر ولادة
او أي شي يئست من شي اسمه الم سرت اقول كيف يقولو البنات في قصصهم انو
في الم ابدا ابدا ابدا مافي الم ابيييي احس باللي يحسونه ...



كان مقرر موعد ولادتي 21 مارس جاء زوجي يوم الاربعاء 12 في الليل مرني ورحنا
اخنذ سندوشتات ماكو مطاعم فاتحه بهالوقت ورحنا على الفندق سوالف واكل لحد 4 الفجر السندوشتات مفلفله حييل بعدها سار اللي سار بيننا وقمت اخذ دش كان فيه بانيو مليته ماء
دااااااافي وجلست فيه يمكن ربع ساااعه طلعت وانا احس بالم اسفل بطني وظهري وكملنااا
سوااالف لحد الساعه 5 والالم مستمر بعدهااا راحنا ننام والالم محتمل نام زوجي وانا ماجاني
نوم قمت عبيت البانيو مرا ثانيه ماء مائل للحراره وجلست فيه يمكن ربع ساعه طلعت وحاولت امشي نص ساعه راااح الالم ورحت نمت صحينا العصر كملنا يومنا عاادي تمشينا ورجعت عند اهلي العشا خواتي متجمعين جلسنا لحد 2 بالليل جاء زوجي اخذني نتمشى
بالسيارة قلت اليوم موعد ولادتي شرايك نروح المشفى نشيك قال اوووك ............ رحت
طواري سوت تخطيط قالت الرحم فاتح 3 سانتي يلا تنويم طلعتني فوق صدممةة لي جلست شوي جتني الدكتورة قلت ماكو الم كيف بولد بطلع ع مسؤليتي كلمت اختى استشيرها
قالت اذا مافي الم اطلعي كلمت زوجي وطلعت رحت لهم اليوم الثاني قالت نفسو 3 ومافي الم
ادتني موعد 27 مارس طوفت ع شهري اسبوع كل يوم مشيي ساعه او ساعه ونص
يوم 26 مارس العصر طلعت النفسية محطمة قال زوجي بتمشين قلت لا قال شفيك قلت ودني
المشفى ابي اوووووووولد حتى لو بطلق صناعي دخلت المستشفى اذان المغرب طواري قلت لاهلي بنام مع زوجي بفندق ابي افاجئهم بولادتي كان زحمة ع بال مادخلت اذن العشا كشفت قالت اووو ماما 4 سانتي يلا تنويم قلت اوك طلعت قلت ابي دكتورة جتني قلت مافي الم والرحم 4 سانتي شنو الحل قالت بكرا الاستشاري يجي يشوف قلت اوك كلمت زوجي قال ماراح اطلع بنتظر الاستشاري وراح جاب لي زوجي عشا وجلس ينتظر للصباح الساعه 7 جتني دكتورة سعودية يدهااا كبيرررة :) كشفت وقالت لحست
لك الكيس وبعدها استلمت الالم قوي شوي بس محتمل جاني الاستشاري الساعه 8 قال خلاص انتي ولادة مع اني كنت مستبعده وقال لزوجي روح ريح وان شاء الله الظهر تكون زوجتك ولدت جت الساعه 10 فتحو لي موية الراس وهنا بدا الالم سوت لي مغذيه قلت ابي مسكننننننن واكسجين جابتهم لي وبدأت في عالم الاوعي كاني طااااايره بعده راح المفعول قلت ابي مسكن كمان قالت مافي خلص اذا جاكي الم ادفعي الرحم فتح 8 ماشاءالله ويلا بدات رحلتي مع الدفع سمعت اذان الظهر قلت ياااااارب دفعت بالاخير ماعاد في الم ونفسي قصير قالت خذي نفس طوييييييل خفت اقول مافي الم تديني طلق صناعي فسكت حسيت ببنتي تدفع ودفعت دفعه قوووووووية والقابلات يضغطون ع بطني وطلعت ي رب لك الحمد بدت تخيط انا هنا ماسكة الجوال انتظرها تخلص ابي ابشررررررر اميييييييييييييييي تفاجأت امي ماصدقت جاني نزيف بعد الولادة مارضيو يطلعوني من كشك الولادة اهلي امي خواتي زوجي ينتظروني واختي كانت مسافره تبي تسلم قبل تسافر جو من بعد العصر وطلعت لهم في التنويم الساعه 8 والحمد لله ..........ولدت 1435/5/26...27 مارس 2014 الساعه 1:03 ظهرا
وتوتة توتة انتهت الحتوتة :)

اشياء افادتني نصيحةة لكل بكرية كنت انا مثلهاا
1، لاتصارخي وقت الولادة خذي نفس استرخي تخيلي نفسك بمكان تحبية
حديقة مسبح أي مكان تحبيه ي رب لك الحمد هالاشياء ساعدتني وخففت عني الالم
بنسبة 50 في الميةة

اخيرا اعتذر ع الاطالة ..
سبحان الله وبحمده سبحان الله العظيم

[reema3210]

الف الحمد الله ع سلامتك
تتربى في عزكم

[دلوعة بالحيل]

الحمدلله على سلامتك و سلامه البيبي
يتربي بعزكم يارب
و عقبالي و كل منتظره الحمل ي كريم

[AMAL JADID]

الف مبروك و الحمد لله على سلامتك حبيبتي يتربا بعزك اميييييييييييين
ويكون ان شاء الله من الصالحين

[جوجو1434]

ماشاء الله

الحمد لله على سلامتك ومبروك البيبي

وعقبالنا يارب

[zainaby]

حمد لله ع السلامه و الف مبرووووك
وشكرا ع النصايح

[دموع الليل]

الف الحمد الله ع سلامتك
مبروك البنوته
تتربى في عزكم

[ام ديووومه]

ماشاء الله مبرررروك والله يخليها لكم

انا هذا ثاني حمل ربيً ييسره مثل ماقلتي وقت الولاده بيطول استرخي وشهيق وزفير بوقتها بس ادفعي


بدون صراخ وتعب تتيسرررر ان شااء الله

[غيداء الحلوة]

ماشاء الله الحمدلله ع سلامتك .. زي ماقلتي الوحده تركز بالولاده بدون صراخ مثل ولادتي ببكري كنت سااااكته ومركزه بالولاده والحمدلله ولدت بسررعه لاني ساعدت نفسي والدكتورة .. الله يسهل علينا يااارب ..

[أكسجين]

يبارك بعمركم جمييييع
ومشكورررين ع المرور العطـــر ..ٍٍ~