من منكم ياحوامل سمعتو بكذا؟؟يطمني

[أمل وكلي أمل]

السلام عليكم

انا عضوة جديدة في هذا المنتدى الرائع واتمنى اني افيد واستفيد

باختصار انا حامل بالاسبوع الرابع و6 ايام ولله الحمد بعد انتظار 3 سنوات
لكن بعد مارحت للدكتورة قبل 6 ايام وسوت لي اشعة سونار قالتلي كيس الجنين صغير مرره وقالت بعد ( مكان الكيس مش عاجبني ) ؟؟!!! صراحه تضايقت كثير وقلقت وقالت سوي تحليل هرمون الحمل وتعالي لمي لمن تتمين الاربعين يوم

وانا الحين خاااااااااايفه وودي ادري فيه احد مر باللي مريت فيه الحين؟؟

[ثلجه فوشيه]

بصراحه ما اعرف بس روحي دكتوره تانيه في دكتورات يهولو الأمر وفي النهايه تلاقي اصلا مافي اي مشكله .. وأكيد الكيس صغير انتي لسسسا دوبك اربعه اسابيع يعني دوبك خلصتي شهر
اصلا كيف سوت لك سونار قبل شهر مايبين ممرا صغير زي النقطه الجنين ..
عموما شوفي أنا بحملي هذا وهوا الاول كنت مستعجله اشوف بالسونار توقعت اشوف شي ملحووظ بس قالت لي الدكتوره ماراح اسوي لك سونار قبل ماتعدي شهر وأنا كان فايت على موعد دورتي شهر تقريبا يعني شافتني بالاسبوع السادس كذا وكان كل شي كويس الحمد لله ..
انتي اصبرري ياحلووه ان شاء الله مافيك الا كل خير بس لو مو قادره وأنا حاسه باللي انتي حاسه فيه لأنو التفكير متعب والنفسيه اهم شي روحي لدكتوره تانيه اتطمني ..
بس كان سألتيها ايش مو عاجبك مكانو ..

[تراتيل]

مراحب ..

انا انصحك تروحين دكتوره ثانيه ..

اول حملي رحت دكتوره وكانت تقولي حملك ممتاز وكل شي كويس

سافرت هذي وجت وحده مكانها وكل شوي معزره فيني وجابت لي اكتئاب

كل ما اروح تقول حملك ضعيف الجنين نازل ومن هالكلام اللي يضيق الصدر ..

لحد ماغيرتها وارتحت رحت لوحده طمنتني وقالت عادي ماعندك مشاكل

لذلك لاتعتمدين على كلام وحده روحي مستوصف ثاني

والله يسهل امورك ويكتب لك اللي فيه خير يارب

[اميرة الخيال]

انصحك لاتخافي ولاتضيق صدرك يالغاليه عشان صحتك وصحه البيبي ..
انت لو مارتحت لدكتوره روحي دكتوره تانيه وبعدين انت اربع اسابيع ..
يعني لسه صغنون فدااته..

اتوكلي ع الله اصبري اسبوع او غيري الدكتوره