سالتكم بالله تردون دم بالبول

[نسمه الليل]

السلام عليكم....
بنــــــات اليوم رحت لمستوصف حكومي افتح ملف وعطيتهم تحاليلي اللي عند المستشفى الخاص علشان مايسوولي مره ثانيه شافوا تحليل البول /وانتم بكرامه/قالوا التحليل نتيجته انه فيه دم مع البول قالوا ماقالولك الخاص عن التحليل قلت سالتها قالت كل التحاليل كويسه قالوا سوي تحليل مره ثانيه ونشوف سويت طلع نفس النتيجه فيه دم حولوني لمستشفى الحكومي رحت قالت الدكتوره لازم اسويلك كشف داخلي رفضت لاني سامعه انه يسقط قلت عطيني علاج وخليني اتوكل على الله قالت لا ماعطيك قلت طيب سوي سونار وشوفي اذا في شي خليتك تسوين الفحص ورفضت الا اسويلك فحص داخلي تقول يمكن الدم اللي بالبول من المهبل بنــــــــــــــــــات انا الحمد لله ماشفت دم بالبول ولاشي اصلا تفاجات بنتيجه التحليل والله اني خايفه بنــات الله يستر عليكن اللي مرت عليها الحاله والا سمعت تطمني.. يـــــــــــــــــــــــارب ثبته وقر عيني بشوفته وجميع المسلمات يااارب.

[سموةالجرح]

ياقلبي طيب سوي تحليل بمستوصف خاص ثاني ياوخيتي ترا الحين الدكاتره سبابيك مايعرفون شي بس الله يستر علينا

[نادية آلس]

ماعندي خلفية بس حبيت أدعيلك
الله يثبت حملك ويقر عينك بشوفة البيبي سليم معافى يارب

[جارة القمر]

الله يثبتلك حملك ويفرحك بشوفته سالم معافاه

[عاشقة الجنه]

كل شي مكتوب ياقلبي ومو شرط الكشف يسقط لانو المهبل بعيد عن الرحم اكشفي عشان تطمنين وان شاء الله خير الله يثبت حملك يارب

[نسمه الليل]

الله يستر عليكن ويجزاكن خير ويوسعلكم ...

[جنة حبيبي]

شوفي حبيبتي انا قبل اعرف أني حامل كنت اشوف الدم مع البول وانتي بكرامه حسبته أني عندي التهاب مارحت للدكتوره بس قعدت اشرب مويه كثيييير وبعدها راح وعرفت أني حامل

[نسمه الليل]

الله يجزاك خير < جنه حبيبي >

[نسمه الليل]

يااااابنات وينكم اللي تعرف شي لاتبخل علي الله يجزاكم خير

[أإأم ع‘ـــزُوـوزُ]

إن شـآـآء الله مـآ رآح يصير لك إذآ كشفت لك الدكتوره

وبدعيلك الله يثبت حملك يآآرب ...