اثار قرص الناموسًًًًً الباعوض

[مزيونة السعودية]

الحقوني والله متضايقة ع ولدي اكثر من مرة يقرصه الباعوض ويشوه وجه بالذات كله ورم كبار حتى راسه كنه فلقة يعني كنها اثار طيحة او ضربه والمصيبة جفنه وارم ونازل على عينه قسم بالله شكله تغير وليدي وزوجي شافه وعصب علي وحلف ان انقرص مرة ثانية اطلقك وبصراحة عندي ناموسية كبيرة انام فيها انا وولدي بس مليت كني داخلة جوا سجن ماقدر ارتاح بس الشكوى لله اضطريت انام فيها الليلة عشان ولدي المسكين والله اليوم كسر خاطري حتى ضحكته ماشفتها اليوم لانه وجهه يحكه المهم انا محتاجه اي طريقة تخلي اثار قرص الناموس يروح من وجه ولدي ساعدوني يمكن تاخذون اجره

[مزيونة السعودية]

ياحريم وينكم ولدي ورمت عينه اكثر

[حنين الجنة]

حبيبتى حاولى تستخدمى الناموسية افضل من الكيماويات
لانه اختى ماما كانت تحطلها قرص للناموس بجهاز بالكهرباء وطلعت عندها حساسية ع الصدر
فالافضل ركبي سلك على الشبابيك والبلكونات جد رهيب يعنى اتركى الشباك للتهوية وقفلى السلك
ولا تنورى النور ابدا والشباك مفتوح بدون سلك لان الناموس يدخل

[مزيونة السعودية]

جزاك الله خير انا البارح حطيت ناموسة وتوبة مراح انام الا بناموسية انا وولدي طيب وش اسوي بعين ولدي وارمة ابي حل يريح ولدي

[نوووونه]

مرحبا اختي
عندي طريقة سحريه تقظي ع قرص الناموس بسرعه
تعرفين الريحان الاخضر ؟ هذا اللي بالصورة





خذي لك ورقه او ورقتين وافركي بها ع القرصه
لازم يكون اخضر مو يابس عشان المويه اللي فيه
ان شاء الله اكون افدتك .. بس ع العيون ما ادري اخاف تحرق ولدك
حطي ع جسمه بس وتقدرين تعيدين اكثر من مره .. لين تختفي
اذا فادت قولي لي

[رنيم]

نفس مشكلة ولدي..
فيه كريم رهيب للبعوض و اي لسعة و صفته الدكتوره لي.

هو جل : فنستيل..


على طول يروح أثار القرص.

و طمنينا على ولدك..

[سكر عسل]

!!!!!!!!!

ناموس بالشتاء !!!
من وين طلع هالناموس
اظن الناموسه اللي عندكم لابسه جاكيت
ههههههههه
انا لما اطلع ابخ بخاخ على جسمي خاص
للجسم مررره ناسبني ولا ناموسه حولي
كلهم يهربووو مني
تلقينه بالسوبر ماركت العلبه اظن بيضاء ومرسومه
عليه ناموسه وريحته ريحت عطر

[مزيونة السعودية]

الله يجزاكم خير ماقصرتوا والحمدالله ولدي صار احسن بعد مااستخدمت جولسليد الاحمر خف بس اللحين جته كحة خوفني انه من اثر الباعوض نقل عدوة والاشي بسم الله عليه والله ضيق صدري