ممكن تطمنوني بخصوص تسمم الحمل

[ام جمااانة]

مسا الخيرات عالجميع ان شاء الكل مرتاح

انا حامل ف الاسبوع 33
وصار عندي تسمم حمل ادعولي بنجاة بنتي ونجاتي لانو وضعنا صعب
من حوالي 20 يوم بدا جسمي يتورم خاصة رجولي صايرة مثل الفيل
عملت تحليل بول طلع عندي زلال حمل وكمان ضغطي بدا يرتفع من 100/60 الى 150/100
وعند زيارتي للطبيبة ارتفع 170/100 ودخلت مستشفى استعجالات قسم الحمل الخطير
جلست اسبوع عطوني دوا مخفض للظغط وعملت تحاليل وسونار وصارو يتابعو ضغطي باستمرار ويسمعو دقات قلب بنتي يوميا
وزن بنتي كيلو و 300 قالو انها لو كانت اكبر من هيك شوي كانو عملولي عملية قيصرية عشان ينجوها بس المشكلة وزنها كتير صغير
بعد الاسبوع قالو خلاص روحي ارتاحي ف بيتك واستمري على الدوا وقيسي ضغطك باستمرار وعطوني موعد زيارة
ضغطي مرة 90 مرة 80 . 85 مو راضي ينزل تحت 80رغم اني مواضبة على الدوا واكل ثوم كل يوم وابتعدت عن المشاكل ومرتاحة جدا بس اكل ونوم
خايفة مابعرف شو راح يصير فيني وف بنتي المسكين
خايفة تموت حبيبتة قلبي اول فرحتي
مابعرف راح اولد طبيعي ولا قيصرية
راسي يودي ويجيب وتعبت من التفكير
مين صارلها مثلي
ولدت طبيعي ولا قيصرية
كم اسبوع ولدوها
طمنوني الله يفرحكم
وادعولي بنجاة بنتي سليمة معافاة