الجنين نبضاته........

[جمـآآنة]

السلام عليكم ورحمة الله وبركاته..~

صبـآآح الخير..// مسآآء الخير

ياحلوات أنا عندي مشكلة ومحتاج مساعدتكم فيهاآ لو بدعووووة

المهم أنا أخر دورة جاتني 6_2_1432هـ وشهر 3 ماجتني طبعاً حللت وطلعت حامل يعني حملت 20_2_1432هـ طبعاً رحت للدكتوورة وصرفت لي حبووب الفوليك ..

وقالت تعالي لي بعد أسبووعين أشوف لك نبضات الجنين لكن مارحت لهاآ بعد 3 أسابيع اللين كمل لي شهر وأسبوعين بالتمام ==> الخميس اللي طاف ..

وطلبت مني أصلح الأشعة حتى نطمن ع الجنين ونبضـآآته..

وفعلاً صلحت الأشعة وشفت الجنين أوكي لكن صدمتني قالت مافي نبضااات قلب
الجنين متوووفي أنا ساعتها أنصدمت وبكيت من الصدمه وقالت لآزم تاخذين حبوب
تفتح لك الرحم حتى ينزل .. وأعطتني حبووب الحديد حتى تعوضني
عن الدم ،، وغسوووول وقالت تعالي لي بعد أسبووع اللي هو الخميس هذاآ

لكن يابنات أنا ماتطمنت لكلآمهاآ طلبت من زوجي يوديني مستشفى ثاني

ورحت الجمعة اليوم اللي بعده ولا أستخدمت الحبووب ودخلت ع الدكتوورة

وخبرتها أن الدورة ماجاتني وحللت وطلعت حامل ماسردت لها القصة من البداية طبعاً حطيت نفسي جاهلة
قلت بشووف أيش تقوولي .. الموهيم على طوول صرفت لي حبوب (الفوليك)

وقلت لها أبغى أطمن ع الجنين لو سمحتي قالت: ليش تطمني على أيش بتشوفيه
قلت لها بسمع نبضاته قالت ماراح تقدري تسمعي تعالي بعد أسبووعين لما يكمل لك
8 أسابيع وساعتهاآ أكشف عليك وهناآ يابنات
خبرتها بالقصة قلت لها : أنا رحت لـ الدكتورة أمس وقالت وقالت .... حكيت لها
كل القصة .. فأنصدمت قالت لي لا تصدقيهآآ هي ماعندها أمانة ولو متوفي ينزلك دم
وأصلآً ينزل الجنين .. قالت لا تاخذي الحبوب اللي صرفتهاآ أنتظري

أسبووعين ثانية .. وبعدين نحكم وسألتها يأثر على الرحم قالت لي :
لا إن شاء الله ما يأثر حتى لو ميت .. وإذا كان ميت رآآح ينزل من رحمك
لأن الجسم يطرد أي شيء غريب ....

وساعتها يابنات لما قالت لي كذا حسيت رجعت لي الحياة
وأنا اللحين قلقانة ماعمري سمعت بقصة زي قصتي .. وحكيتها لكم
ياليت تساعدووني واللي قد حصلها تخبرني ...