حامل في الخامس وأبغاكم تطمنوني ..

[hadeelmon]

السلام عليكم ورحمة الله وبركاته

حيا الله الغاليات في هذا المنتى الرائع .. الله يبارك للقائمين عليه والمشتركين فيه ...

بنات حبيت أسألكم عندي وسواس قاتلني .. ما احب اتوسوس كثير بس شسوي طبعي ..

أنا حامل وبادية بالخامس من يومين ..

قبل 10 أيام رحت للدكتورة وقالت كل شي تمام والحمد لله ..

وأنا كان عندي ألم في الظهر وطبيعي هذا في الحمل وكنت بس أتريح يروح الألم ولمن أجتهد في البيت شوي يرجع يؤلمني وهكذا ..

اللحين قبل يومين يعني مع بداية الخامس كنت أطبخ وسويت طبخة فيها حشي وكنت أسويها ع الواقف وبعدها نمت ع الكنبة شوي مو مريحة .. وصار عندي ألم في ظهري من ورا حتى لمن أتريح يظل موجود مو قوي بس يضايق ويلف ع بطني من عند المبايض .. كأنه شد أو ثقل والله مدري ..
وبالهفترة بعد أكلت حوامض كثير مخللات فصا رعندي حرقة في البول مدري الحرقة يعني عملت ألم في الكلى وفي المثانة وهذا منها ولا هذا طبيعي ..
وللعلم أنا ما بشعر الى الآن بحركة الجنين لاني الى اللحين في الأسبوع 18 قالوا لي في العشرين يظهر أحسن ..


بنات يعني هذا الألم يخوووووف .. ؟؟؟

طمنوني بنات ما تطولوا علي

[عروستة]

حبيبتي معاك التهاب بول

دام الم في الظهر و على جنب المبايض و حوقان بول يعني التهاب

اشربي مويه كثير وًسوائل

و قللي الموالح حتا يخف معك الاتهاب

وبنسبه لحركة الجنين اصبري تحسي بنص الخامس ع كلام الحوامل البكريات

[hadeelmon]

تسلمي حبيبتي .. وشًكرا ع التطمين ..
وبالفعل أنا بدأ هالألم من يوم أكلت بهار يحرق في الطبخة ومخللات .. وصار عندي حرقان في المعدة وفي البول ..
وما كنت أعرف انو يعمل ألم في الظهر وفي الجوانب عند المبايض ...

الله يوفقك .. يا الغالية

[hadeelmon]

الله يخليكم بنات لو وحدة بس تكتب لنا أعراض التهاب البول في الحمل ..
بالتفصيل ..

ولو وحدة صار معها .. تقول تجربتها ..
انا أشعر بألم من جوانب الظهر في الأسفل .. وبجوانب البطن .. + حرقة في المعدة وحرقة خفيفة في البول ..