انا خايفه من عمليه طفل الانابيب

[ارزقنى ياربي]

السلام عليكم
انا بديت في الحقن وبدى اعمل طفل انابيب وممكن عمليه جمع البويضات بعد خمس او ست ايام ان شاء الله وانا خايفه جدا من العمليه لان ماعمرى عملت فحص نسائي من تحت لان مشكله عند زوجى وقالولى بنج كامل وانا خايفه جدا من البنج ومن العمليه عندى ارق وتعبت من الحقن من بكره ابدا في حقنتين في اليوم ومعها تحليل دم تعبت ومااقدر انا خايفه من عمليه جمع البويضات والبنج ما احب المستشفيات ليا شهر وانا ارق وما انام افكر بالعمليه ربي يستر ولسه الضغط النفسي بعد ترجيع الاجنه قالولى تحليل الحمل بعد اسبوعيين واااو ربي يصبرنى اخاف انجن ممكن اى وحده عملت عمليه طفل الانابيب تحكى تجربتها بالتفصيل

[غزالة]

حياك الله أختي الغاليه
لاتخافين ولاتقلقين وكلي أمرك إلى الله والعملية جداً بسيطة سويناها بدون بنج والحمدلله على كل حال واسأل الله العلي القدير أن يشرح صدرك وييسر أمرك ويرزقك بالذرية الصالحة

[لن أيئس]

ربي يسر أمرك ويوفقك يااااااااااااارب

[أم عائشة]

لاتخافين اختي
العملية جدا بسسسسسسسسسسسسسسسسسسسسيطة
والبنج مجرد عشر دقايق وانتي قايمة منه
اصلا العملية كلها بس تاخذ 5 او6 دقايق
لاتحاتين ولاتتوترين
انا سويتها مرتين ولله الحمد
حدها سهلة

[ارزقنى ياربي]

ام عائشه ممكن تحكيلى اصلى في غربه وخايفه بخاف من البنج ولانى ماعمرى ماكشفت من تحت مره كنت عاوزه اعمل منظار مهبلى ماقدرت من الالم وكم يوم بين جمه البويضات ونقل الاجنه ومتى تعملين اختبار الحمل

[أم جهآد]

لا تخافي ولا تقلقي .. والله مافيها شي يخوف .. انا عملتها مرتين .. السحب تخدير كامل ولا يخوف ولا شي .. والترجيع بدون تخدير يدوب بس يفتحو الرحم بـ الة بسيطة وصغيرة وبس سوالي الترجيع اول مرة وكان يفرجني الدكتور على انفراس الاجنة بالرحم على الشاشة وانا اضحك .. والترجيع الثاني اذكر كنت اسولف مع الدكتور عن الحكام العرب ههههههه .. لا تخافي ابدا ..

[ارزقنى ياربي]

انا مشكلتى ماعمرى ماكشفت من تحت والمنظار المهبلى ماقدرت اسويه الم موت فطلبت بنج كامل في حالتين سحب وارجاع خايفه يوم يجمعوا بويضات يلقو فينى مشكله انا بسحب بويضاتى بعد خمس ايام ادعولى والله ما انام

[أم عائشة]

ياحبيبتي الله يخليج لاتوترين ترى والله حدها بسيطة ولا راح تحسين بشي

جوفي اختي يوم سحب البويضات راح يطلبون منج تروحيلهم صايمة عشان البنج
وبعدين يعطونج البنج في السيلان وتروحين راقدة وبيسحبون منج البويضات وفي نفس الوقت بيطلبون عينة من المني من زوجج
وبعد عشر دقايق بالاكثر بتقومين من البنج وسيدة تروحين بيتج
انا والله قعدت من البنج وسقت سيارتي ورديت بيتي
وبعدين بينتظرون للتتلقح البويضات المدة بتكون من 3 الى 5 ايام
عقب بيتصلون فيج وبيقولون لج تعالي حق الترجيع وبيخبرونج جم بويضة تلقحت
اهم بالعادة بيرجعون 3 وبيجمدون الباقي
يوم الترجيع تروحين لهم وانتي شاربة ماي وااااااااااايد عشان المثانة تكون مليانة
انا رجعتهم بدون تخدير والله ماتحسين بشي اهم شي لاتشدين وخلج مسترخية واقري قران
ودايما رددي والدكتورة ترجعهم اللهم اني استودعتك اجنتي يامن لاتضيع لديه الودائع فاحفظهم لي

وكلها 4 او5دقايق والاجنة بيصيرون داخلج
عقب يبيلج ساعتين ماتتحركين خلج منبطحة على ظهرج حتى الجمام لاتروحيمه استحملي قلبي
انا الصراحة استحملت ساعة وحدة عقب الترجيع وعقب طلبت اروح الحمام قالولي ممنوع ويابولي ذي تكرمين اللي يسمونها القيصرية وحطوها تحتي وانا منبطحة على السرير

عقب تروحين بينج وتنتظين موعد التحليل يعني 14 يوم وتروحين تسوين التحليل الرقمي وربي يكتبلج التوام المعافى

ايه تذكرت يوم الترجيع بيعطونج تحاميل وادوية تثبيت راح تستخدمينهم كل يوم

طمنينا عنج غاليتي
واي سؤال حاضرة لج قلبؤ

[aliana]

ياصبا الأنوار مي لي فاتحة ترد علي الله يخليكم