هل أشرب زيت الخروع.؟؟

[دمعه حزينه]

بنات انا في الاسبوع الاخير من التاسع وبكريه والرحم مسكر عندي والدكتوره انصحتني اشرب خروع وش رايكم من صار لها نفس حالتي واشرب الخروع وكم الكميه اللي اشربها لاني حيل خايفه ونفسيتي تعبانه

[وصاايف]

مدري عن الخروع لكن باقيلك اسبوع والفرج من الله
الله يسهل علينا وعليك

[بنت دار بوراشـــــد]

عن تجربتي أنا مع الخروع الصراحه ما أنصحك فيه لأنه هلاك وايد يحمي الطلق وأنتي تكونين في بداية المخاض, في حملي بولدي الأول شربتني اياه الدكتوره في عيادة خاصة وايد تعبت من الألم ظليت من الصبح و ولدت على الساعة 11 بالليل, ما يضر تشربينه اذا كان المخاض بادي فيك خلاص وانتي حابه تزيدينه عشان تولدين... صديقتي والده من أسبوعين نصحتني بمنقوع البابونج والله أعلم, الله يسهل لك أمورك يارب العالمين...

[حرم المالكي]

انا ما جربت بس من تجااارب البنات محد ينصح فيه..

اصبري شووي للحين ما جا وقته سبحان الله .. كثري من المشي و الجماع..

و الله يسهل عليج ان شاء الله ..

انا نفسج كنت بخلص شهري و الرحم مسكر و في يومين بعدا بدا معاي الطلق و ابتدى يفتح..

في اي لحظه ممكن يفتح لا تحااااااااتين.

الله يسهل علينا و عليج..

[دلوعة الشهري]

الله يسهل عليك ولادتك يارب

حبيبتي طبعااا انا بكريه

بس خواتي يقولو نص الغطااء تاخذي من الخروع

ويارب يسهل لك

[ام اسكندر]

الخروع ينشرب ساعة الطلق بس

والله يسهل لك وللجميع يارب

[ام موزانه]

الخروع مايسوي شي انا البارحه معلقتين ويا عصير اناناس ما يسوي شي غير السهال وترجيع
وانا باجلي 3 ايام وبدخل العاشر وربي يسهل عليج ولادتج وتولدييين ياربي بسلامه

[بدون نك]

انصحك لاتستخدمينه ورحمك مسكر الاشياء هذي تستخدم بوقت الطلق

لان سمعت كثير اذ1 استخدمتي الخروع راح يمشي بطن الجنين ويبرز ويبلع برازه انا الحين خلصت التاسع
وشربت كمون وينسون وشمر مع عسل ولا صار لي شي
صدقيني اللي الله كاتبه بيصير لو شربتي خروع ماراح تولدي الا اللي الله كاتبه لك
الله يسهل عليك وعلينا

[فليك]

اهلا عيوني
بالنسبه لسؤالك عن زيت الخروع انا ما كان عندي الم أبدا بس كنت داخله بالعاشر اسبوع ، شربت منه 30 مل مع كاسة عصير بالعصر و بدء الطلق معي المغرب يعني بعد ساعتين و الحمدلله دخلت الحمام ( أكرمكم الله ) مرتين يعني نظفلي بطني قبل الولاده ، و ولدت الفجر ....
انا أنصحك فيه خصوصا ان الدكتوره قالتلك اشربي منه ، توكلي على الله و أخدي منه لانه حتى يسهل نزول راس الجنين .
تقوووومي بالسلامه يارب ....

[شموسه]

باقي اسبوع اصبري 3 ايام واشربيه وخلي زوجج يجامعج وكثري من المشي والصعود والنزول

واشربي دارسين وتمر

وربي يتمم عليج