لصاحبات الخبرة ....

[أكليل الوردٍ]

مسائكم رضا ...

حبيت استشير صاحبات الخبره انا حديثة زواج وعندي طفل المشكله بزوجي

ساكنه بشقه فوق اهله وتحت امه خواته واخوانه يجتمعون بشكل يومي موهنا

المشكله؟؟ المشكله بزوجي كل شئ يقوله لاهله واخواته يعني تعب الولد رحت به

الطوارئ عطوه كذا وكذا اليل يسوي كذا مثلا طفلي معه امساك وانتو بكرامه

له شهرين وصار السبب من قلة الاكل وزوجي قال لاهله سبب الامساك لانه ماياكل

وانا ماكان

ودي يقوله اكيد بيقولون تقصير مني بالاكل وفتحو له محاظره بالاكل

وكلوه وكلوه لاتعطونه لاتسوون له لاتفعلون له ...

حسسوني اني طفله والمشكله بزوجي يسمع كلامهم ويحط حرته فيني اني مقصره

وذا بخرت بيتي وطلعت ريحة البخور وشموها ازعجونا ريحته قوية تكتم الولد

لاتبخرون .. وذا سمعو الولد يركض يلعب لاتخلونه يخبط ويزعج انتبهو له

وغير كذا زوجي يقولهم حتى مواعيدي بالمستشفى وش سويت وش قالو لي

اي علاج صرفو لي ويروح يسولف بها حتى سواليفي معه عن اهلي يقولها لهم

واي مكان نروح له لازم يعرفونه


توني راجعه من سفر اكتشفت ان زوجي المصون حاط مفاتيح بيتنا الشخصيه

عند امه ؟؟؟ ماادري شنو السبب وانا بصراحه ماضمن وماحب احد

يدخل بيتي بغيابي وشاكه انو احد دخل بيتي يعني انا كتاب مفتوح لهم عطوني حل

هل كل الازواج كذا والحمولات او زوجي حالة خاصه تعبت اقوله لاتسولف لاحد

بامورنا الخاصه يقول هاذي مو خصوصيه هاذا شئ عادي

ساعدوني بنات فكرت اتطلق منه اتعب نفسيتي ...