ارجوو من خواتي الدعاء لي ولجنيني

[تعبك راحه]

السلام عليكم
خواتي انا نزلت موضوع من قبل (طلعت لي حبوب صغيره) موجود تحت
المهم ياخواتي رحت لدكتوره الجلديه قالت اللي عندي هي اثاليل ونقدر نعالجها لكي الان بكي البارد وما راح ياثر الكي على البيبي طيب انا هنا فرحت قلت هم وانزاح يعني باذن الله راح اقدر اولد طبيعي ورحت لموعدي عند طبيبة النساء قلت لها الخبر وانا طايره من الفرح خاصه ولله الحمد والمنه وضعي تمام والبيبي تمام وراسه تحت وكل شي تمام والحمد الله
تخياوا وش قالت لي قالت صحيح اللي طلعت عندك اثاليل وهي في منطقه العانه فقط والفحص المهبلي طلع سليم يعني ما عندك حبوب من تحت لكن ما نضمن ان الاثاليل ما طلعت لكي داخل تجويف الرحم قلت لها طيب سولي اشاعه قالت ما فيه اشاعه تبين اذ كان فيك اثاليل من جوا او لا قلت لها طيب والحل قالت تنويم نولدك قيصري انا هنا انجنيت صحيح انا في التاسع وفي اخر الاسبوع الثاني منه لكن القرار السريع اللي اتخذته فجعني قلت لها ليش قيصري قالت زي ما قلت لكي صحيح ان المهبل سليم وما فيه حبوب او اي التهابات لكن مانضمن الالثاليل الي في منطقة العانه زي ما طلعت لكي من برا يمكن طلعت لكي من جوا وما فيه اشعاعه تكشفها واذ ولتدي طبيعي تضر البيبي تنقل الفيروسات العدوى في عيونه وممكن يصاب بالعمى طبعا انا وش سويت طلعت على مسوليتي وطلبت تحويل حالتي عند دكتور استشاري يشوف حالتي طبعا الموعد بعد اسبوع وقالت الدكتوره ترى الاستشاري راح يقول لكي نفس كلامي الاني انا اخذت رايه قبل الا اقولك يعني روحتي عنده ما منه فايده
سوالي خواتي من مرت مثل حالتي ؟
وهل من جد الالثاليل تجيب العمى للجنين وهي بعيد عن المهبل ؟
القرار في يدي اني اولد قيصري او طبيعي لكن اذ طلع في البيبي شي على مسووليتي واحتمال 50% يطلع فيه شي لانه ما يدرون اذ فيه حبوب داخل او الا
وكيف الولالده القيصريه والله خايفه موووووت منها
ادري طولت عليكم بس ابغى اتكلم مع احد والله من اصبح وانا دمعتي ما جفت
بليززز خواتي ادعولي ومشكورات مقدما
اللهم اني استودعتك جنيني فاحفظه لي واجعله ياتي للحياه وهو بصحه وعافيه يارب

[اميرة الخيال]

والله ماعندي علم بس حبيت ادعيلك ربي يسر لك مافي الخير ...
بس صلي صلاه استخااااااااره وربي يسر لك

[ورده بين ايديه]

الله ييسر لك ويكتب لك اللي فيه الخير..
بس لاتغامرين وتولدي طبيعي اذا فيه تأثير..
ربي يطمن قلبك..

[وصاايف]

الله يرفع ضرك وتقومين بسلامه
بس زي ماقالت ورده لاتغامرين با الجنين كثيرين ولدو قيصري وكله باجره

[Haif]

ربي يحفظك أنتي والبيبي من كل سوء .. استخيري وتوكلي على الله وأهم شي صحة البيبي وصحتك
اتوقع كلام الدكتوره صحيح لان اي التهاب فيروسي في المنطقه هذه تسبب العمى للطفل
بس مايمنع استشيري دكتور بس مده اسبوع احسها مره طويله حاولي في موعد اقرب

[تعبك راحه]

مشكورات خواتي على المرور والدعاء
جزاكم الله كل خير

[أريج العطر]

الله يشفيك

جربي تغيري الدكتورة

[ورردي]

رفع لنفس السبب

[همس 2]

الله ييسر لك ويكتب لك اللي فيه الخير..

ربي يطمن قلبك..

[..ام بدر..]

يا اختي هالشي مافيها مغامره وياكثر اللي ولدو عمليه اهم شي سلامة الجنين...وبرضو لاتنسين الاستخاره والله يختار لك اللي فيه الخير