أخ هذا اللي حصل الكل يدخل

[لله ما اخذ]

السلام عليكم ورحمة الله

ابي رايكم والي حصله شئ من هذا القبيل يفيدني
اولا تاخرت علي الدوره لمدة ثلاث ايام سويت تحليل منزلي طلعت حامل وسويت تحليل دم برضوا حامل
طبعا ماكنت اراجع اي مستشفى لمدة تقريبا اسبوعين
حصل جماع وبعد الجماع نزل مني دم خفيف رحت لمستشفى اهلي قالت حملك صارله تقريبا ثلاث اسابيع ومراح يبين ابد بالسونار عطتني حمض فوليك ومثبت واخذت تحليل هرمون قالت بعد يومين تجين تحللين نفس التحليل مره ثانيه
توقف عندي الدم والامور تمام من ذاك اليوم فبعد يومين مارحت لا حالي افضل وطبعا امنعتني من الجماع هالفتره
المهم بعد ثلاث ايام من زيارتي للدكتوره والمثابره على الدواء حصلت اثاره فقط مو بنية جماع ابد وعلى طول نزل علي دم زي الدوره
طلعت لمستشفى خاص بالنساء والاطفال حكمومي سوتلي سونار مابين اي شئ لاكيس ولا جنين بالرغم ان الدكتوره اللي قبل تقول مش حيبين اي حاجه هالفتره
المهم اخذت مني تحليل هرموني زي اللي قبلها قالت يطلع بعد ثلاث ساعات
وبعد اصعب ثلاث ساعات جيتهم طبعا كان فيه ممرضه تترجم للدكتوره لانها ماتعرف عربي وتقول نقلا عنها ان النسبه كويسه وموجود الجنين وتجين بعد اسبوع تاخذين التحليل الثاني <تفائلت
لما طلعت وقلت لزوجي قال زوجي انا ابي اكلمها بنفسي فرفضو الرسبشن يكلمها زوجي وقالو خلوها تدخل بنشرحلها كل اللي في بالي بيقولون نفس الكلام لما دخلت قالت مترجمه ثانيه ونقلا عن الدكتوره انه يعتبر الجنين نازل <<الصدمه مختلفين الاراء ببضعت ثواني

المهم رجعت لدكتورتي اللي بالمستشفى الاهلي ومعي نتايج التحليل ووريتها وجابت التحليل اللي اخذته قبل وقالت ان الهرمون من الفين نزل الى ميتين يعني يعتبر نزل الجنين فلما قلت لها ان الرحم مسكر قالت شئ طبيعي هوا بينزل زي الدوره ومايحتاج رحم مفتوح ومن البارح للحين ينزل الدم بس مو بكثافه

ملحوظه
حصل لاثنين من زوجات اصحاب زوجي نفس المعمه وتحليل هرموني وقالو نزل الجنين وكان ينزف منهم دم والنهايه ماكتشفو ان الجنين لسى موجود الا بعد شهر يمكن تحاليل نفس المنطقه اللي انا موجوده فيها مشكوك فيه

بيني وبينكم انا مو متاكده ميه بالميه انه نازل لان كل الفحوصات اللي سووها لي على السريع وماكنت احس انها مره دقيقه حتى الفحص الهرموني يطايقونه مع تحليل مستشفى ثاني
انصحوني ايش اسوي الحين وايش التحاليل اللي لازم اخضع لها