خايف من بكره ؟؟ادخل وشوف

[أم البيبي]

السلام عليكم
من خلال تصحفي بالمنتدى استوقفني موضوع كتبته احد الاخوات وحبيت اعلق عليه لاني احسه مس قلبي وهذا نصه:

(((كيف حالكم اتمنى تكونو بخير وأطفالكم يارب ..

انا حامل بالشهر الخامس ومغتربه عن أهلي لاكن الولادة إن شاءالله
بتكون عندهم لاكن الي مخوفني ممكن أولد قبل يجيني زوجي
ودا الشي مسببلي حااااااااالت توتر موطبيعيه طبعا دي أول ولادة ليا بإذن الله وكل ما اصارح أهلي بمشاعري يستخفو بيا خايفه من الولادة وبعدي عن زوجي وكل ما احس موعد الولادة قرب أحس بفزع الله يخليكم قولولي كيف أهدي نفسي مولاقيه حل بس أبكي وأحس بأحاسيس غرييييبه))))

اختي الفاضلة وجميع الاخوات
المتأمل في اطوار الحياة يجدها على 3 اطوار:
*طور مضى فلاتحزن عليه
*طور انت فيه فجديرباهتمامك
*طور ياتي فمن التكلف الاغتمام والخوف من غيب تكفل الله به
والاهم هوالطور الاخير الذي لانطبقه وانا اولاكم انامتزوجه منذ سنه والحمدلله حملت وكنت قبل الزواج قد قدمت على بعثة دراسية في امريكا وكان موعد السفر قبل شهرين ولكن بعدما معرفتي بحملي طلبت من زوجي تأجيلها الى شهرشوال حيث موعد ولادتي شهررجب وقد حاول زوجي اقناعي ولكني رفضت قلت مستحيل كيف اولد بعيد عن امي وانابكريه وخايفه من الولاده اصلا مااعرف شي عن تفاصيلها وقدمنا طلب تأجيل وتعبنا وقبل يومين جات الموافقه ولكن بعدفوات الاوان
آآآآآآآآآآآآآه ياليتهم رفضوا تعرفوا ليه لاني ابغى اسافرالحين قبل بكره
تعرفوا ليه لانه بنتي اللي ببطني وعمرها 7شهور ماتت تعبت جلست اسبوعين بالمستشفى موقادره اولدها مافيه شي ماجربوه الدكاتره عشان ينزل البيبي وبالنهايه راحت اللي حبيتها وتعلقت فيها وبدأت اجهزلها اغراض السفر وكل تفكيري كيف اخليها بحضانه واروح الدوام كنت اخاف عليها من ا لبرد وعشت احلاااااااام حتى السابع قلت راح اسويه لمااخذ الماستر ونسويها مره وحده ونلبس اناوبنتي مثل بعض و....و.....و.....
الحين انا منتهيييييييه تعبانه ماعدت ابغى شي بس ارتاح وكل ماشفت طفل تذكرت بنتي لاني شفتها بعد ولادتها زي السكر بس صورتها مغمضه مودعه الحياه تقطع قلبي

اختي الفاضله اللي علقت على موضوعها اتمنى من كل قلبي لك راحة البال وتقومي بالسلامة ولاتفكري بالجاي وكليها ربك يفرجها ولاتنتظري احد سوى الله مالنا سواه والله لا أم اوزوج بيسوون لنا شي وقت الولادة انابغيت اموت ساعتها وعلى فكره ولدت وامي مومعاي اللي كنت ماابغى اسافر بس عشان تكون جنبي
والحمدلله على كل حال اللهم افرج همي وهم كل مسلم يارب ولاتكلنا الى انفسنا طرفة عين ولااقل من ذلك
اخيرا:
مامضى فات والمؤمل غيب ولك الساعة التي انت فيها......