ابي حل يا جمااعة الخير

[حامل نعومه]

السلام عليكم
كيفكم حبااايب قلبي
انا عندي مشكله افكر فيها ليل نهاااااااااار
ماني لاقيه لها حل
من سنتين تقريباااا صار بيني وبين زوجي مشااكل رحت وقتهاا لبيت اهلي
وجا زوجي لبيت اهلي تخااانق ويا ابوي ابوي قال له مابي اشوفك عند باب البيت

والحمد لله تصالحت ويا زوجي ورجعنااا وذا الكلام من سنتين
والحين انا حامل بالشهر الاول
زوجي يقول لي لو تولدين ما بجي لك بالاربعين
انتو تدرون بالاربعين شلون الحرمه تحتااج ان زوجهااا يكووون جمبهااا
وانا ما ودي يغيب عني بالاربعين
حاولت في
مافي فايده يقول لازم ابوك يجي يسلم علي ويعتذر ويقول البيت بيتك
انا ابوي صعب مزااجه عصبي
عنيد مايهمه احد ولا حتى انا وصعب اقنعه انه يكلم زوجي او يعتذر له
لانه كبير بالعمر وفرق العمر بينه وبين زوجي كبييييييييييير
وابوي منستحييييييييل يسويهاا
اناا اقدر اني اقنع ابوي انه ما يسوي له مشاااكل اذا جالي بفترة الاربعين
بس صعبه اقنع زوجي يجي
صعب
من فتره قلت لزوجي ابوي يسلم عليك ويقول لك البيت بيتك وانت مثل ابنه
قال ما اعتذر ماراح اجي الا لمن يقول لي انا اسف
مع ان زوجي غلط على ابوي بالكلام يعني الغلط جا من الطرفين
ايش اسوي علموني

[امنيه]

في رآيي حق ابوك اكبر واولي من زوجك
المفروض زوجك يعتبره اب له ويعتذر منه لو هو غلطان او يصفح عنه ولا يكون ند له لان موقفه هذا يفسر قله مروءه زوجك والدليل موقفه منه الحين وكآنه واحد من اصحابه ولا في ذره احترام له ولا تقدير
وانتي بعد غلطانه المفروض ماتوقفين بصفه وتدافعين عن ابوك وتفرضين احترامه عليه
هذارآيي وانتي ادرى
وسامحيني لو كلامي يجرح بس انتي عرضتي مشكلتك وبغيتي الراي

[**سماسم**]

أوافق رأي أختي امنيه الله يعطيها العافيه ..
والمفروض تقولين حق ريلج أنه يعتبر أبوج مثل أبوه وماكو زعل بين الأب و أبنه وصيري واستطه خير بين ريلج وبوج وحاولي أنج تصلحين أبينهم ..
ونصيحه لج أختي لاتدخلين أهلج بمشاكلج لأنج راح تضرين الطرفين حتى لو المشكله صغيره ..
وسمحي لي أبنقل الموضوع للقسم المناسب ..

[الرحيل المر]

انا زوجي من يوم ماتزوجني وهو مايسلم على اهليي ولايزورهم وانا حاولت معه بس مافيه فايدة

وانا الان لي 13سنه متزوجه وزوجي مايروح لاهلي ولايحضرحتى زواجاتهم وانا ماقصرت مع اهله كل فترة وفترة ازورهم وش تنصحوني

[حامل نعومه]

كلامكم صح
ادري انه زوجي بهذا التصرف يقلل من قدره
لكن وش اسوي
يقول لي الرجال ما ينسون الا اذا اعتذر الغلطان عليه
وتصدقون حتى هو غلط
مع اني اقدر اهله بس هو لا
تخيلوو اخوي يجي يزورني
يطلع من البيت يقول ينزل عند اهله يقول قولي له ما يدري انك هنااا
اخوي يسال عنه احس اني انحرج
في كل مره اتعذر بعذر
وش اسوي ساعدوني

[حامل نعومه]

المشاركة الأصلية كتبت بواسطة الرحيل المر

انا زوجي من يوم ماتزوجني وهو مايسلم على اهليي ولايزورهم وانا حاولت معه بس مافيه فايدة

وانا الان لي 13سنه متزوجه وزوجي مايروح لاهلي ولايحضرحتى زواجاتهم وانا ماقصرت مع اهله كل فترة وفترة ازورهم وش تنصحوني

13 سنه توك تدورين حل؟؟
وشلون تبين حل وانتي عودتيه على كذا؟؟

[الشوق عطري]

والله ما اقـــول اليك الا عودي اخديه بهداوه

وكلمي مره ومرتين وثلاث

وانتين كمان فتره النفاس محتاجه الى اهلج وزوجك

بس حاولي كثر ما تقدرين

بالرغم صعب اقناع زوجك

[حامل نعومه]

بحاااول
الله يعين

[أم أكرم]

حبيبتي انا ادري انه هذا الموقف اللي انت فيه صعب كتييييير لكن بالاخير زوجك هو المخطيء لانه والدك كبير في السن و لازم انه يحترمه مثل مايحترم والده و وقاحة منه انه ينتظر من ابوك يعتذرله بعد ما اخطا في حقه و حقك انت ايضا حاولي انك تصلحي الموقف بمعرفتك و الله يجبر الخواطر ان شاء الله و كل سىء يرجع حلو و مثل العسل دعواتي القلبية لك اختي العزيزة

[ام ربى]

ان شاء الله يكون درس ليكي انه مهما كانت المشاكل انه مندخل احد في الموضوع انتوا اتراضيتو بس خليتي ابوكي يكرهه..

الله يهدي سرك وادعي الله يحنن قلبه على ابوكي ولو ابوه عايش خليه يفتح معاه الموضوع