(( أبي رأيك بهالمشكله اللي لها 3 سنوات مؤرقتني جدآ))

[قمر بيت أبوها]

قبل كل شي رأح أغير بعض المعلومات عشان مايكون أحد من أصحابها هنا
بس بكل صدق وربي تعبانه جدآ
أبي رأي من ناس تقدر كل ظروفي
وتحط نفسها بمكاني قبل لا تكتب ردها
رجاااااااء اللي مايصدقون بالأقارب لا يردون
أنا عمري تقريبا 26
المهم أنا أكبر العايله
وذراع اليمين لابوي وامي
يعني ماسكه اخواني بعدهم والبيت وكل أبو شي قولوا ماشاء الله
شي ثاني لي مكانه عند صديقاتي جيرانا والحمد الله من فضل ربي
بس مشكلتي جتني عين قووووويه من خوالي تحديا
تمثلت بحلم وتفسر اكثر من مره بس طنشت
المهم اصبت بورم بالثدي الله لا يبلاكم ويعافيني ومن مثل حالتي قول آمين
المهم عملت عمليه وكملت حياتي
ومؤمنه أن ماأصابك لم يكن ليخطأك ومأخطأك لم يكن ليصيبك
طبعا الناس انهبلوا ورم وعايشه !!
ومن جهه كملت تعليم الحمد الله
كنت اتعب واتعب واتعب
بس اكتم واكمل مسيرتي بالحيا ه ولا عندي هم غير اهلي وبكل صدق وأمانه
وبعد سنتين وشوي رجع الورم بس رجع بشكل أقوي وتكاثر بالمنطقه
الشاهد كنت قبلها مقفله ملفي
وبعدها بيومين حلمت بخالتي تفك علي كلب وعضني بمنطقة الاصابه الا ن
وصحيت من الحلم بس الالم استمر
الشاهد رجعت لدكتور وانا مذهوله وقلت له كل شي
ومني كلمه ومنه كلمه رجع ملفي
واثبتت اصابتي
الشاهد رفضت العمليه بتقولون ليش
مو خايفه بس اعرف لو سويتها امة محمد بتعرف كلها
ومن جهه اعداء بيكملون لان اللي فيني سحر طلع بالأخير
انا عارفه انها هي هي بس اللي تلاحق اخباري وعينها علي بكل شي حتي بمواضيع خطبتي تقنع امي ترفض العرسان ومن جهه تقذفني بشرفي
وتبي بنتها تاخذ نشاطي واندفاعي بالحياه بنتها ماتعرف تغسل كاس ولا تبي تدرس كل همها زوج رومنسي مو سب بس لتوضيح
ابي اكتب تفاصيل أكثر بس مااقدر
الان كل مافكرت اواجها واحلفها علي المصحف قلت وش استفيد
سحرت بتخاف من كتاب الله !
كل ما قلت باسوي واسوي اتفاجا ان عندهم مناسبه
يعني اخاف افاتحها واخسر اكثر واخاف اسكت واموت اكثر
حسبي الله فيكي يا خالتي يا شقيقة امي ياللي كنت مااعدك غير ام حسبي الله فيك حرمتني من صحتي وعافيتي بسحرك وكرهك
اللي بتقول خوذي اثر انا سحر مو عين بس
اللي بتقول قولي لامك امي تمشي تحت طوعها بكل شي
اللي بتقول علمي احد ياخذها ويواجهها ماعندي أحد غير الله سبحانه ثم رايكم انتم
اتمني دعوه صادقه من قلب لي وربي اعاني بس ساكته
وربي ابكي بس بدون صوت
يا رب فر ج همي
وفك أسري من المرض اللي لازمني
يا رب فرجا قريبا يزيدني إيمانك بك
وصبرا كبيرا يزيدني أجرا
اللي يشاهد ون موضوعي من غير عضويه دعاء رجاااااء