ادعولي تعبت من كلمت ام البنات

[مالي غير الله]

انا يبنات في حاله مايعلم فيها الى الله والي ابقى منكم تدعولي ان الله يفرج همي انا الحين حامل وسلفتي حامل معايه وانا زوجت الكبير وعندي تلاثه بنات وسويت تصوير وقالولي بنت وسلفتي سوت قالولها ولد وانا الحمد لله راضيه وزوجي راضي وعرفين انوهذا امر الله بس المشكله ام زوجي يبنات كل ماروحنا عند ناس تقول هذي في بطنها بنت وهذي بتجبلنا ولي العهد اخيرا يبنات تعبت كل من دري ان في بطني بنت يقولولي لاتزعلي ويحرم الله يعوضك كانو بيدي كاني جايبه بنت بالحرام ول معوقه والله تعبت محد واقف معايه غيرزوجي واهلي كاني ايش مسويه ادعولي يبنات الله يسعدكم ويعطي كل وحده الي تتمناه

[واشوقاه لمن يراني ولااراه]

قلبي اهخم شي زوجك واهلك
وكل هذا من ربي
والبنات تربيتهم اسهل من تربيت الولاد
الاولاد تععععب
اخوي عنده 7بنات وماعنده اولاد وعايش مرتااااح هو وزوجته وبناته ومافكر في الولد ابدآآآ
ويحبههههم كثير ماشاء الله
لاتدخلي الناس بينكم ..

[مالي غير الله]

انا مادخل الناس هي الناس الي تدخل والحمد لله زوجي راضي ويحب بناته مره بس هي ام زوجي تغار ليش جوزي يحبني ويدلعني ومدلع بناتو عشان كذا تبقى تقهرني عند الناس

[بنت الاجـــواد]

هلا والله في الزين كله

لشنو تكدرين خاطرج
وشنو فيها البنت بكره تعرفين قيمة البنات
في كل شئ سبحان الله
لو اقولج قصص تقولين الحمدالله على عطيته

بذكر لج من القصص الواقعيه اللي شفتها

كانت عندي صديقه تزوجت وكل سنه تحمل وتولد
7 سنوات 7 بنات
والله من تحمل تقول حق اهل زوجها حملت يردون عليها درينا خلاص بطنك بنت
مايحتاج تحطين سونار ولا خرابيط
البنت السابعه جابتها بعمليه كنت رايحه لها المستشفى
وكانت دايخه من اثر المخدر
وامها وخواتها جنبها
جابو طفلتها قمررررررررررر وربي عليها شعر ووجه مدور وبيضاء وخدودها مليانه
بس دخلت بها الممرضه الغرفه كلهم قامو عليها سستر خليها هناك تولي
ماطلعت الا بشق بطون مالت عليها لو ان ولد ع الاقل كان قلنا زين
حسبي الله عليها لو ميته كان ارحم شنو فايدتها شقت بطن امها وطلعت واخرتها بنت قلت لهم استغفر ربكم لا تخفسونا
شنو هالكالام
ناس تبي لو ريحة بنت وانتم جالسين وتدعون على البنيه
امر الله احمدو واشكرووو
والله يزيدكم من خيره

المهم وبعد البنت حملت وصار الحمل ولد
مو شايلتها الدنيا كلش
والحين كل اهتمام في هالولد والبنات ولا كانهم بالكون



وقصه ثانيه
زوجة ولد عمي اول حمل بنت وثاني حمل جابت بنت
حملت بالثالث قالت اكيد بنت ومن جنونها وغبائها
قالت لازم ينزل من بطني مابيها اكيد بنت
وشنو سوت
اخذت مكتبة البيت ثقيله فيها كتب وتلفزيون وسحبتها وهي حااامل
لكن مانزل
وبعد مانولد قالت لها الممرضه مبروك جاك ولد
قسم بالله جلست تصيح مثل الطفل
وصار لها مثل الدرس لا تيئسين لانه من عند الله الرزق البنات والاواد
والان عندها 3 اولاد و4 بنات

قصص كثييييييير

ومنها ذكرت شخص قريب امي
عمره الان في ال50

تزوج وجاب 10بنات وراء بعض
زوجته تفتخر ان ربي رزقها يكونون لها بنات واخوات وامها
وكانت شايلة فكره ان يكون عندها ولد
وسبحان الله بعد ال10 ربي رزقها بولد
الان اللي يشوف الولد مه ابوه يقول هذا مو ولده ولد بنت


وفي شخص عندنا من حارتنا ابوه جدا جدا متدين وعنده 7 بنات بس ولد واحد وهالولد الله لايورك استغفر الله ولد كلش مو زين من سجن الى سجن واخرتها سبب على اابوه جلطه وتو ابوه متوفي بسبب ولده فشله قدام اهله وجماعته


فالحمدالله اهم شئ القناعه
رزق من رب العالمين هديه وعطيه من عنده
مستحييييييييييييل اقول ياربي ليش انا كل عنده بنات ولا اولاد
ابي مثلا ولد ولا ابي بنوته

الله كريم وحكيم وعارف شنو النوايا
اتمنى ربي يرزقك بالولد الصالح

واتمنى ربي يرزقني بعد زواجي بمثل اللي عندك بنوتات
واربيهم تربيه صالحه ليكونون امهات صالحات بالمستقل

والله يعطيك على قد نيتك

دعواتك لي

[مالي غير الله]

جزاكي الله خير يابنت الاجواد ويعطكي كل الي تتمنيه يارب انا الحمدلله راضيه ومقتنعه بالي اعطاني هو الله والحمد لله على كل شيئ

[غموض الكون]

هلا فيك
وش فيهم البنات سكر نبات
ماعليك من احد وأهم شي زوجك راضي
والباقي صفر ع الشمال
هذا أرادة ربي ونعمته
قولي لها كله خير من ربي سواء بنت او ولد
ناس تتمنى طفل واحد الشكوى لله طنشي كلام الناس لا يودي ولا يجيب

الله يعينك ويسهل عليك

[حنان الام]

السلام عليكم ورحمة الله وبركاته
اختي ام البنات انتي في نعمه فانااتمنى لوعندي بنت وحده تردعلي الصوت وتونس وحدتي خواتي نتين جابوابنات ورجالهم زعلاوبعدهاجات ولدين والثانيه جابت 3اولادورابعض سدت حلوقهم وانااتمنى احمل ادعيلي من جدتعبت ود بطفل يطلع قمرشبهي وانتي الله يرزقك بلدين تبطين كبدام زوجكههههاي وبالتوفيق للجميع لاتنسوني من دعواتكم فانابحاجه لها

[العطر الفرنسي]

توكلي عالله عسى أن تكرهو شيأ هو خيرا لكم ...
أكيد البنات فاادوكي وطنشي والله يديم المحبه بينك وبين زووجك يااارب ... وأصبري والله يكرمك الولد الصااالح أمين يااارب

[مالي غير الله]

جزاكي الله خير

[العطر الفرنسي]

قصدي البنات فادوكي ... يعني بنات المنتدى


الله يحميلك إياهم البنات والله هن أحن شي بالدنيا ....