يارب من ترد على موضوعي يارب حقق لها امانيها واحلامها عاجلا غير اجلا

[روحي تعشقك]

اخباركم ياحلواات والله يابنات انا اتابعكم من زمان وحبيتكم من كل قلبي واعتبركم خواتي واكثر الله يحفظكم ويرعاكم تكفووووووون يابنات ساعدوني في مشورتكم وريكم في قصتي انا متزوجه لي ست سنوات ولحد الان لم احمل الله يرزقني ويرزقكم عاجلا غير اجلا الله اميييين اول اربع سنوات مااهتميت بالحمل ولا زوجي اهتم وذلك بسبب دراستي وكنت ماجله فكره الحمل بعد التخرج مااكلت مانع ابد ولا سويت شى يمنع الحمل وبعد ان اكرمني ربي بالتخرج ارتحت كذا شهر وبعدين بديت بموضوع الحمل رحت للدكتورة وكشفت علي قالت عندك هرمون الحليب وعطتني حبوب دوبرجين وخلصت الاول الكرتون وبعدين رحت لها قالت لسه فيه هرمون حليب المشكله انها في الزيارتين اللي جيتها تكشف عن هرمون الحليب عن طريق عصر الثديين ولا طلبت تحليله بالدم المهم سحبت عليها قلت مهي ذيك الدكتوره الشاطره وقبل اسحب عليها قالت خلي زوجك يحلل وطبعا حلل زوجي الغالي وطلع عنده مشاكل في الحيوانات المنويه من قله في العدد وضعف وحيوانات مشوه وميته الله يشفيه يارب وتقبلنا السالفه بصدر رحب وعطاه الدكتور علاج لمده ثلاث شهور وولما خلص الكورس حلل للسائل وفيه تحسن يس بسييييييييييط الحمد لله من قبل وبعد وقاله الدكتور مالكم الا اطفال الانابيب وبعدين انا رحت للدكتوره ثانيه مدحو فيها كثير وتوكلت على ربي ورحت لها وقبل ادخل عليها كنت خاااااااايفه مره بس ارتجف في الانتظار وقلت لزوجي لا تدق علي انا ادق عليك مااابي احد يكلمني لين اخلص ولما جاء دوري دخلت عليها وسلمت علي وجلستني وسالتني اسئله عن حياتي وسالتني عن الدوره منتظمه قلت فيها لخبطه وكشفت علي سونار من تحت وطلبت مني تحليل لكل الهرمونات وقالت في اليوم الرابع عشر من الدوره تعالي علشان اشوف تبويضك ورحت لها وكشفت بالسونار من تحت على التبويض وقالت تبويضك فيه ضعف بس مع العلاج حتضبط ان شاء الله وشافت نتيجه تحليل الهرمونات وقالت عندك هرمون الحليب مرتفع وعندك كسل بسييييييط بالغده وعطتني الدونتكس لهرمون الحليب والدافستون لتنظيم الدوره لمده عشر ايام كل يوم حبتين اما حبوب الهرمون مرتين بالاسبوع لمده شهر وقالت اذا خلصتي العلاج تعالي علشان نعمل ثانى للهرمونات ورحت لها في اليوم الرابع عشر من الدوره وكشفت على التبويض قالت كبرت البويضات ماشاء الله تبارك الله قالت هذا علشان ضبط الهرمونات وحللت مره ثانيه تحليل هرمونات بس لسه مااخذت النتيجه الدكتوره عارفه بموضوع زوجي ومشكلته وقالت مالكم الا اطفال الانابيب وش تنتظرون لكم ست سنوات وعلاج زوجك ونسبة شفاءه بطيييييئه وطويله يبيله سنه سنتين قالت سوي لاول انابيب وبعدين خليه يكمل علاجه وافرحي بالاول وطلعت من عندها وانا افكر اسوي اطفال انابيب ومحتاره لاني ماااااقدر ولا عاااد فيني صبر وبعد قلبي يتقطع على الاطفال واموووت عليييهم وبنفس الوقت تعبت من الوحده وذبحتني وعلما انا موضوعي هذا انا وزوجي مافيه اي احد يدري عنه لا اهلي يدرون ولا حتى اهل زوجي بس قلته لكم لاني احبكم واغليكم وحسكم اهلي وش رايكم يابنات اتوكل على الله وا سوي اطفال انابيب ابي كل تعليقاتكم وارائكم على موضوعي وكلي اذان صاغيه وابي احس مستشفى لاطفال الانابيب في الرياض او القصيم واي حل عندكم يااخواتي قولولي واعذروني وساموحوني على الاطاله وسالفتي طويله بس اختصرتها مابي انكد عليكم يالغوالي وبس وسلامتكم والله يفرحنا ويرزقنا الحمل السليم المعافى عاجلا غير اجلا في هذا الشهر اللهم اميييييييييييييييييييييين ياربي يارحيم وياكريم

[علووويه]

الله يرزقج ويفرحج ويسعد قلبج انا رب

انا اختك من الكويت وبصررراحه ما اقدر افيدج باسم مستشفى او شي بس ان شاء الله بنات ديرتج بينصحونج
وعن اطفال الانابيب انا عن نفسي اشوووف كلام الدكتووورة صح وجزاها الله خير ما طولت السالفه عليج
لان حالت ريلج شوي صعبه وعلاج الرجال اصعب من المراة جذي الدكتورة قالت لي لما طلع معاي ضعف بالتبويض

واستخيري ربج وتوكلي عليه وسوي العمليه وعساها تكون سبب الله يسره لج للرزق ببيبيات حلوووين
ونصيحه خلي السالفه بينج وبين ريلج لا اهلج ولا اهله يدرون بعلاجكم
ودارووو اموركم بالكتمااان

[Amooo]

مساء الخير اختي ,,,
شوفي انا وضعي مثل وضعك بس الفرق انا لي سنتين وشهور متزوجة وزوي عنده ضعف في الحركة
وتشوههاات كثيرة في السائل المنوي ,,,راح لدكتور مسالك وقالوا علاج ومادري ايش ؟؟؟
المهم زوجي رفض العلاج الان واتفقت معه اننا نسوي انابيب للطفل الاول ان شاءالله
وبعدين يبدا بالعلاج ,, وانا مع كلاااام الدكتورة لك ,,توكلي على الله وابداي..

بالنسبة للمستشفيات :
انا الان مسوية حقن مجهري في مستشفى الحبيب بالرياض عند الدكتور محمد البقنه بصراااااحه رووووعه
هالدكتووور والمستشفى بعد انا سويت قبل هالمرة مرتين في مدينة الملك فهد الطبية بالرياض "حكومية"
بس للاسف تعاملهم زفت والعملية بنح موضعي تحسين وتشوفين كل شيء وبالعربي نظاااامهم خاااايس
اما الحبيب صدقوا اللي قالوا "فلوس تعزك" عناية ولك غرفة لحالك وقت العملية وبنج كامل ما تحسين ولاتشوفين
وبعد الترجيع ما خلوني امشي تخيلي شالوني على السرير ,,و اخذوني لغرفتي ونزلوا السرير من ناحية الراس والصدر
ورفعوا مكان الرجول ,,,والحين لي 10 ايام من الترجيع

[Amooo]

اي استفسار اختي انا حاضرة ولا يردك الا لسانك
وحتى انا اهلي واهله ما يدرووون عن شي مع ان امي شاكهه
بالوضع بس كذبت عليها يارب سامحني

[Joana]

الله يرزقك بالذريه الصالحه عاجلا غير آجل...كثري استغفار انتي وزوجك...

و اطفال الانابيب ما اعرف عنها اي اي شي...

[ام معتصم]

اختى الله يكون فى عونك اولا توكلى على العزيز القدير وصلى صلاه الاستخاره بشان طفل الانابيب واكثرى من الاستغفار وصلاه الليل والدعاء والرقيه للانجاب فان الامر بيد الله من قبل ومن بعد وانشاء الله ربنا مايقسم لك الا الفيه الخير لك وربما كريم وان ياختى بقولك عن تجربه والحمد لله ربما اكرمنى بالذريه وانشاء الله ربنا بيكرمك امين

[بنت السلطنة]

الله يرزقك ويرزقنا الذريه الصالحة

[دلوووعة]

الله يرزقك بالذريه الصالحه عاجلا غير آجل...كثري استغفار انتي وزوجك...

و اطفال الانابيب ما اعرف عنها اي اي شي...

[لن أيئس]

اسأل الله العظيم في هذه الساعه ان يرزقك فرحه تسجدين له باكيه وشاكره

اللهم آآآآآآآآآآآآآآآآآآمين

[jasmeen hamdy]

اختي انا من مصر اسمعي كلام الدكتورة بس الاول اكثري من الصلاه و الاستغفار و خلي عندك يقين ان لو فيه خير ليكي ربنا هيديهولك و ربنا معاكي و يوفقك ان شاء الله