كيكة الورود من مطبخي بالصور

[Future Mommy]

السلام عليكم
ان شاء الله كلكن تكونوا تمااام
انا عملت كيكة شفتها بمجلة طبخ وهي على فكرة اول مرة بعمل شغلة اكل وتطلع حلوة ومشان هيك عملتها بحفلة لصديقتي مرة تانية بس هالمرة صورتها الكن وجبتلكن المقادير والخطوات لحتى تعملوا متلها اذا عجبتكن
اكتر شي حبيته انك تعملي 3 كيكات من وصفة وحدة
يعني بالاول تعملي كريمة مخفوقة وتقسميها ل3 اقسام وتعملي كل وحدة بنكهة يلي تحبيها
مثلا انا حطيت بالاولى بودرة الكاكاو وبالتانية حطيت الpuree تبع الفراولة مع نكهة فراولة لانو بيعطي لون وردي وبالتالتة روح الفانيليا او نكهة الفانيليا (انا اشتريتها من السوبر ماركت مكتوب عليها vanilla beanاوvanilla paste ) وهيك صاروا عندي 3 نكهات
هاد للتزيين بعدين طبعا

نبدا بالمقادير:
450 جم من الزبدة غير المملحة
450 جم من السكر الناعم
12 بيضة (تفصلي الابيض لحاله والصفار لحاله)
60 مل حليب
1/2 ملعقة شاي من خلاصة الفانيلا او نكهة الفانيلا
ربع ملعقة صغيرة من عصير الليمون
نص ملعقة صغيرة ملح
450 جرام طحين كعك
2 ملاعق صغيرة من الماء (اختياري) (انا ماحطيت وعوضته بماء الورد)
ربع ملعقة صغيرة من مسحوق جوزة الطيب (اختياري) (انا ماحطيت)

الطريقة: (طريقتي)

1. تخفقي السكر والزبدة لحتى تصير خفيييفة
2. تضيفي صفار البيض شوي شوي وتخلطي جيدا بعد كل إضافة
3. تضيفي الحليب ونكهة الفانيلا
4. تخفقي بياض البيض (يلي لحاله)، وتضيفي ملعقة كبيرة من السكر وعصير الليمون وتخفقي حتى تصير صلبة ومنفوشة
5. تضيفي الدقيق إلى خليط صفار البيض، مع التناوب مع اضافة بياض البيض يعني تضيفي الدقيق لبياض البيض وللخليط تبع صفار البيض
وبعدين تخلطي كل شي مع بعضه شوي شوي وتخلطي كتير منيح


وهاد شكل عجينة الكيكة يلي بنكهة الفانيلا


عجينة كيكة الفراولة بعد اضافة pureeالفراولة او معجون الفراولة (خلي منه كمية للتزيين بعديين)


كيكة الشوكولا بعد اضافة ملعقتين كبيريتين من بودرة الكاكاو ومن الحليب


كيكة الفراولة والشوكولا بعد ماطلعوا من الفرن




مدة الطبخ في الفرن 25دق على 170 درجة
وخليها قبل ماتطلعيها من الوعاء ربع ساعة تبرد عشان ماتواجهي مشاكل وانتي تنزعيها انا استعملت زبدة او بالاحرى Buttercream (زبدة مخلوطة بالسكر ونااااااعمة تنباع جاهزة بالسوبر ماركت) وهي تسهل خروج الكيك من الانية

وهلا بنحضر صلصة الشوكولا على طريقة بان ماري بنخلط 100جم من الشوكولا مع 100كم كريمة مخفوقة او زبدة ونحطهن بوعاء في وسط الماء المغلي


المتبقي من معجون الفراولة


وهي كيكة الفانيلا (ممكن تضيفي ماء الورد قبل ماتحطيها بالفرن اذا بدك)


هلا بناخذ كيكة الفانيلا ونحط فوقها شوكولا ونحط حولها الbuttercream (لو مافي buttercream ممكن تتعوض بكريمة مخفوقة)



هلا بنحط فوقها كيكة الشوكولا (طبعا الbuttercreamبتساعد على الاتصاق ومشان هيك بنحطها ع الاحرف)


وبعدين دخليها للتلاجة على الاقل 15دق لحتى تتماسك
ونعمل نفس الشي ونضيف كيكة الفراولة ونحط عليها معجون الفراولة للتزيين وكمان الbuttercream فوقها ونخليها تاني تبرد 15دق

هلا تطلعيها وممكن ترشي الكعكة بماء الورد لحتى تصير طرية (بس شوووووي لا تكثري منه ابداااا ومو ضروري تحطيه لو ماتحبيه) وتخفقي الكريممة المخفوقة مع ال buttercream(لو مافي buttercreamمو ضروري تحطيها الكريمة المخفوقة بتكفي)

وبعدين بيصير شكلها هيك وتدخليها تاني للتلاجة شي 15 او 20 دقيقة على الاقل (هالشي بيسهل عملية التزيين بعدين)


في الاثناء تاخذي بقايا الكريمة المخفوقة (يلي تم تجهيزها بالاوووول وخلطها مع النكهات)
وتاخذي الحقنة تبع تزيين المرطبات وتتمرني على عمل شكل دائري (على شكل وردة لان هالشي بياخد منك وقت) وبعد ماتطلعيها تبداي عملية التزيين مثلا انا عملت بكل نكهة دائرة من الورد بس هاد الشي اختياري وكل حدا بيزين حسب رغبته اكيد













وبس هيك بالهناء والشفاء
حابة تخبروني برايكن ورجاء عند النقل ذكر الاسم والمصدر لاني تعبت فيها
في امان الله