خلصت الدوره الله لايردها

[برنسيسه44]

السلام عليكم


بنات انا اليوم خلصت الدوره

وابغي احمل هالشهر اذا الله اراد

متزوجه من 4شهور

سويت تحاليل الهرمونات مافيني شي والحمد لله

وقالت لي الدكتوره تعالي يوم التبويض

انا دورتي من تزوجت كل مره تتقدم كانت 28 والحين جاتني 17

كل شهر تتقدم يومين

الدوره الي قبل جات تاريخ تاريخ 21 عربي
وهاذي الدوره جات تاريخ 17 عربي

متى يوم التبويض؟؟

هل اقدر احسبه مع لخبطة الدوره
والدكتوره قالت لي تعالي يوم 12 او 13 من الدوره


ادري توني عروس بس انا احب الاطفال وابغى احمل بسرعه

الحمد لله رب العالمين

[الريميه]

الف مبروك والله يكتبلك الحمل السريع السليم ويرزقك الذريه الصالحه

مو عارفه ايام التبويض بس بعد الجماع ارفعي رجولك ولاتقومي تغسلي بسرعه على الاقل ساعه الشي الثاني اصلحي مابينك وبين الله واكثري من الدعاء والاستغفار واله هالاشياء بعد الله كانت سبب حملي بس سنه وتقريبا 8 شهور

[روزالي]

حبيبتي اانا زيك اول ماتزوجت حبيت يصير عندي حمل واللة رزقني بعد سنة .... وانشاللة تحملي عن قريب

[ام هيثووووم]

مثل ماقالت الاخت هالاشياء تساعد ع الحمل
حاولي يكون تركيز الجماع من اليوم العاشر من بدايه الدوره الى العشرين يعني العشره اللي بالنصف
واهم شي لا تستخدمين اي غسول ولا اي شي يساعد ع الجماع
هذا الكلام ناصحني فيه دكتور
الله يكتب لك ان شاء الله وتبشرينا بالحمل ونفرح فيك

[فوضت امري لله]

حبيبتي اولا---الله يرزقك

ثانيا --عنوان الموضوع جدااا فيه تعدي

اختي مايلفظ من قول----

لماذا تكتبين الله لايردها افرضي مثلا ان الدوره وقفت وماتجي بس بدون حمل

الله يهديك --ويرزقك الحمل قريبا جدااااااااااا

[ملاك الروووح]

انا نفس حالتك بالضبط

عروس لي اربعه شهور والدورة جاتني يوم 20 / 4 عربي


باقيلها كم يوم وتخلص ومن اول شهر وانا اتمنى الحمل

الله يرزقني واياكِ ومانشوف الدورة الا بعد تسعه شهور

[سلوان]

انا بعد مع الاخت لو تغيرين عنوان الموضوع تخيلي ربي ماردها فعلاا وماتقدرين تحملين للابد..؟

ونصيحه استغفري كثير وتصدقي بنية الحمل وخلك واثقه انه ربي مايخيب ظن احد لانه قال انا عند ظن عبدي بي

وان شاء الله ربي يرزقك بالحمل السليم المعافى انتي وكل عرووس يارب

[روز بااريس]

توك بدري على متابعه التبويض وهالحوسة

وانتي عروس يعني اكيد الجماع بيكون شبه يومي من تخلص الدورة للدورة الجايه ..

انتظري تكملين 6 شهور ولاتفكرين كثير النفسية تاثر

والله يرزقك ياااارب