ربي سهل لي وولدت (القصه _ _

[يارب تسهل لي]

اولا
اللهم لك الحمد كما ينبغي لعظيم وجهك وجلال سلطانك
اللهم لك الحمد حتى ترضى ولك الحمد اذا رضيت ولك الحمد بعد الرضا
بعد تعب وعناء وثقل الشهر التاسع الله من علي ببنيتي الاء وولدت طبيعي القصه بالتفصيييييييييييييل الممل

طبعا انا كان اخر تواجد لي فالمنتدى اول مادخلت الشهر التاسع وكتبت جدولي اثناءه باحد مواضيعي
بس الصراحه مامشيت عانظام تماما لان اول الشهر رحت مراجعتي والدكتوره خوفتني من الجلطه وقالت وزنك مرتفع ونخاف من التجلط عليك وعلى الطفل لاااااااااااااااازم تتحركي وتمشيييييين واعطتني ابر كل يوم ابره
بدانا وصرت اتعب من ظهري بالمرررررره والثقل على رجلي اليمين والالم موت والنوم ماااااااااااافيه نوم من الالام والطلق الكاذب لعبي لعب بس يفيدك انه يعطيك خبره عن الطلق وكيف الامه
تحذيييييييير / انتبهوا من زيادة الوزن والله وصلت الثامن وانا البس ملابس الحمل بالشهر الرابع يعني كان جسمي معتدل بس رحت لاهلي وتعالو شوفو الاكل والتغذيه حق تسعه شهور ماشاء الله انتفخ جسمي بشكل موطبيعي انتبهووووووووووا




الدكتور قال موعد ولادتي 30/4 والحمد لله ولدت 1/5
كان يوم الجمعه 30/4 بدا معاي الطلق الساعه 10 الصباح واستمررررررر يروووح ويجي وباااااااارد جدا المهم قطعت وقتي ونوم بس الطلق يصحيني وارجع انام وامي الغاليه سوت ترمس قرفه شمر قشر رررررغم اني ماايد شرب القرفه ولا المسهلات بس وش اسوي ودي اولد وارتاح وامي حلفت ان الخلطه هذي حلوه ومامنها ضرر لان القرفه ماهي لحالها وعسل المهم شربت منها وعلى هذاالحال امي تقول نروح المستشفى وانا اقول لا خليني شوي وتقطيع وووقت والطلق بارد الاشياء اللي حمت الطلق عندي والله شاهد علي
كان عندي سيزر اناناس وشربت منه علبه
شوي شربيت من الترمس الي سوته امي وحطيت زيت زيتون ملعقتين وشربتها
اخيرا
تمر معجون بحبه سوداء وزيت زيتون وبعدها شوووووووووووفو الالم والطلق مووووت ذبحني رحت المستشفى الصباح الساعه 6 يوم السبت 1/5 وقالت مفتووح 2سم بس رجعت البيت ومشيت وشربت شوربه والله يابنات شد علي الطلق جات الساعه 10 وانا بامووووووووووووت من الالم وورا بعض وحار وقاااااسي ظهري بينشل
وماني ناويه اروح المستشفى ابدا عشان الكشف تعقدت منه
شوي الا جاتني مغصه قويه وطوييييييله وجاتني معاها رجفه وبعدها كبت المويه وانا مااعرف موية الجنين لان حملي الاول كانت المويه منتهيه ومااعرف
صحيت امي ورحنا المستشفى
الطريف بالقصه انه اخوي يدرس ثالث ثانوي بس فيه طفوله هو اللي يودينا دايم ومتأثر فينا كل خواتي ثنتين ولدو قبلي ماشاالله ومتاثر بسالفة كم مفتوح الرحم ؟المهم صحته امي يقولها كم سم تقول ماندري المهم واحنا بالطريق جالس يدعي يارب مايجي الظهر الا هو 12سم يمممممممممممه من وين جبت الكلام هذا يقول منكم تعلمت صار عندي خبره
نرجع حق محور حديثنا
دخلنا الطوارئ قالت مفتوح 3سم ونص والجنين نااااازل على الولاده وانا ماني قادره اتحمل موووووووووووت الالم ووورا بعض رحت الولادهحطوني على كرسي الولاده ولبست لبسهم وماقدرت كملتلي وحده ثانيه لبستني المشكله انه وقت الطلق يقولون ان الكشف يكون افضل ومايرحمون انا ولدت بحكومي يعني انواع البهذله كانن سعوديات وانا اصيح اذا جاني الطلق والله مافي رحمه جات وحده فلبينيه يييييااااااالبى خشتها تمسح على رجلي وتقول معليش لاتصيحين عشان الولاده تتسهل عليك والله هي رحمتني قالت هات اكشف عليك طبعا مع اذان الظهر كنت اردد مع الاذان قالت اش تحسين فيه قلت احس شي بيطلع مني ماني قادره قالت هات اكشف كشفت قالت ولاااااده وانفجعوا صارو يسوون في الكرسي ويقولو دفي دفي وانا ادف ومره مرتين وتقولي برافو برافو وانا ادف وفعلا جات 12 وانا والده ربي سهل علي الحمد لله ودعوة اخوي وشفت بنتي حطوها على صدري ورضعتها وجا وقت الخياطه الموت خيطووووني بدون بنج والله تعذبت بس الحمدلله اليوم لي 22 يوم وابي انحففففففف بس مع الرضاعه ماتوقع هذي قصتي الحلوه اتمنى تستفيدون وتدعون لي بصلاح بناتي وزوجي والله يسهل على كل الحوامل وتتسهل ولادتهم مثلي الحمدلله
نصائح استفدت منها
كنت طول الوقت اذا جاني الطلق اقول
لااله الا الله العظيم الحليم لااله الاالله رب العرش العظيم كان يزيدني صبر وقوه ومااصيح
زيت الزيتون والتمر والحبه السودا طبعا خذي زيت الزيتون مع كوب حليب حار والله باذن الله يفييييدكم
ولكم خالص حبي ودعواتي بالتوفيق