نفسي في بيبي

[AL-Anoud]

هذه أول مشاركه ليا في المنتدى
أنا ليا متزوجه ثمنيه شهور بداية زواجي عرض عليا زوجي إني أستخدم مانع للحمل و أستخدمة المانع تبعا لرغبة زوجي و عشان ما أبغى أزعلوا وأنا كمان دوبي صغيره قلت يالله فرص المهم أستخدمت حبوب الياسمين لمدة شهرين و الشهر الثالث تقريبا أستخدمة الصقه الهرمونيه لمنع الحمل و بعدين قلت لزوجي خلاص خايفه أنا الحبوب أثرة عليا و فعلا رحت كشفت و قالتلي الدكتوره عندك تكيسات صغيره على المبايض علما إن الدوره منتظمه عندي و ماعندي ولا مشكله من هذه الناحيه و لله الحمد المهم كتبتلي حبوب أسمها ديان 35 لمدة شهر و الحمد لله شالتلي التكيسات تماما و جاتني الدوره بعدها و دحين ليا شهرين و أنا أستنى الحمل بموت على البيبي ما عندي صبر خلاص نفسي أحمل أبغى نصائحكم أنا حاليا معايا الدوره جاتني 16 و الشهر إلي قبلها 15 تقريبا شبه منتظمه أبغى أعرف أيام التبويض متى و أبغى كل وحده فيكم تقلي تجاربها و أيش الطريقه إلي سوتها و بعد الله سبحانه حملت و إلي ما تقدر تفيدني بشيء لا تطلع إلى و هيى كاتبتلي دعوه من قلب صادق أن الشهر الجاي أحمل و تباركولي كلكم أسفه شكلي طولتها وهي قصيره أستنى ردودكم