موقف غريب لو حصلك وش بتسوين

[اناقمرموتوقهر]

السلام عليكم
مساء الخير
يارب يكون الجميع بخير وألف صحة وعافية
هذاموضوع محيرني تعتبرونه تسائل لدي
تعتبرونه فضول لقافة
المهم ابي جواب هو موجه للمتزوجات وحتى الي ماهي متزوجة
المهم لأحد يتهرب الدعوة مشاركة وأخذ وعطى
لو تعرضت للموقف الي بذكرة وش بتسويين ؟

تخيلي يوم من الايام جاك زوجك العزيز وقال فلانة ترانا معزومين بكرة في عرس
واحد من اعز أصحابي
اجهزي بكرة بعد العشاء بمـركـ ونطلع للعرس
جاء اليوم الثاني وطلعتو العرس وصلتو القصر قبل ماتنزلين قال فلانة ترا فيه مفاجئة داخل لك
استغربتي ورحتي على طول داخله واتجهتي للعروس وسلمتي وباركتي
ثم فجأة وأنت تلاحظين جنب العروس أم زوجك وأقرباء زوجك جت امـ زوجك وقالت وش عندك حاضرة
قلتي لا بس زوجي قال عرس زميله وأصر اني احضر
قالتك أمه هذا عرس زوجك وهذا مرته الثانية
انت بين مصدق ومكذب فجأة إلا والرسالة على جوالك
المرسل:
زوجك ترا العروس زوجتي لو أني ادري انك دريتي لكن كلمت اخوك
وعطيته خبر متى ماحبيتي تردين للبيت ردي وانت غاليه والشرع حلل اربع

سؤالي :
وش راح يكون موقفك؟
وشلون راح تتعاملين مع الموقف ؟
أتمنى أجد أجابة من المتزوجات والي مابعد تزوجو لو مر عليهم الموقف
جعل ربي مايحطكم بالموقف هذآ وش بتسون
بنتظار الاجابات

[sweet moon]

مستحيل ارجع معاه

احسها صعبه

توجع القلب وتكسر الخاطر

بروح عند اهلي

ومابي اتفاهم معاه دام انا مو مقصره معاه بشي

وشوله يتزوج علي

هاذا جزاتي

يا أنا معاه ياهي

يعطيك العافيه

[سموة الشوق]

وش راح يكون موقفك؟

أنهار على طول .......... بكل سهولة يعمل هالموقف

بسم الله علي وعلى زوجي.

وشلون راح تتعاملين مع الموقف ؟
طبعا على طول أكلم أخوي وياخذني وماأبغى منه إلا ورقة الطلاق

وخلي يولي هو واللي حبها وأنا أعيش حياتي.


طرح رائع

بس

يعصب

تصدقين حاسة كأنه سواها وكرهته..........


.................

[جوهرة المملكه]

الله لايجعلني باهالموقف والله لايجيب هاليوم
عن نفسي بقتلها ماعندي تفاهم أبدا
ليش يتزوج علي وأنا ماقصرت معه يشي....

خيتو قمر طيب أنتي مرعليك هالموقف؟؟؟
أتمنى الأجابه؟؟؟

[اناقمرموتوقهر]

الله لا يغير عليكم انشاءالله وجعلكم ماتشوفون هذا الموقف يارب
ياجوهرة المملكه مامرعلي ولا ابيه يمربعد وشكرآ علي مروركم
بس الموضوع لدردشه لحد يعصب اليوم الاربعاء خليكم حلوين

[شهرزان]

والله مادرى وش اقول كله حركات م له داعى ليش يفجئنى قدام الناس وليش يبغنى احضر وليش يقول هالكلام اذا تبين بيتك اخوك يجيبك المعنا من هذا كله يعنى متهمينى يعنى بيعها ولا ليش يجرحه ويجيبها على ملو وجه ويقهر قدام العالم ولا حتى مهد له ياختى انا م اقدر اصلن اتصور الموقف احسه يقهر مو بس يقهر الىيمكن انهر ويسير فينى شئ لانى احب زوجى مووووووووووت والله يبعد عن الموقف هذى ويبعد عن الزوجه التانيه اكرررررررره بقوه وابى اموته <<<<<عرفنا ان الموضوع هذا يقهرك طريه خلاص فكينا\الله يعطيك العافيه بس ليش هالموضوع هذا خطر على بالك ليكون صاير لك او لاحد يقربلك الله يبعد عنك الشر

[الحب لك وحدك]

ابنسحب بسكات من حياته
يمكن اموت من قهري
ليه يتزوج علي وانا ماقصرت معه بشي
الله لايسامحه ولا ابي اشوووف وجهه

طرحك يخلي الواحد يعصب خخخخ
<<< دخلت جو بالمووضوع هع

[ميسان]

حسبي الله عليه لو يسويها
ما أسامحه عمري كله
وبقوله أصلا أنا خسارة عليك
بروح بيت أهلي وبطلب الطلاق ( مو اعتراض على شرع ربي لا والله ,, اعتراض على أسلوبه الحقير .. بصراحة موضوعك هذا سبب لي حرقة بقلبي الله يسامحك ,,

[ميسان]

والله من قهري رديت قبل لا أقرأ ردود خواتي ,, ماينلامون شيء يجيب الجلطة والسكتة والموت العجل
بس قاعدة أقول لنفسي ترا الموضوع مجرد خيال مافيه زوج سوي كذا ...

[demoshka]

ههههههههههه

بكل بساطة بجبلو الشرطة لاني كاتبة بعقد الزواج شرط انه مايتزوج على طوووول عمري


مريحة راااسي

بس اذا مافي هذا الشرط

بتركو لانو مابستاهلني وبرقصلو كمااان