طليقة زوجي ازعجتنا شو الحل

[لؤلؤة القرآن]

بسم الله الرحمن الرحيم
السلام عليكم ورحمة الله وبركاته
انا عضو جديد وارجو منكن المساعدة
طليقة زوجي ازعجتنا تدق على زوجي كل بعد يومين واهو ما يخبي عني شيء وبعد ترسل رسائل وامس دقت عليه اهو ما كان يبي يرد ولكن احرقت الجوال عليه فرد عليها نفس الموال ارجوك ردني انا احبك ووو ... وطلبت رقمي منه بس اهو ما رضى يعطيها
تتوقعون يا بنات المره الاولى شو صار لي
كنت حامل في الشهر السادس وكانت تزعج زوجي ودائما كنت زعلانه ومضايقه لدرجة اني ربيت بدري وجبت بنت قاصره بس الحمدالله على كل شيء والحين انا حامل في الشهر السابع وخايفه يصير لي مثل المره الاولى
ارجو المساعده ولا طنشوني تكفون

[**سماسم**]

سمحي لي أقولج ريلج السبب ولو أنها شافت منه الصد صدقيني مادقت عليه ..
قولي لريلج لايرد عليها و أساسا مايجوز يكلمها وهي مو محرم له ..

[ام سلطـــــــــــــــــان]

وانا بعد اايد كلام اختي سماسم خبريه انه يغير رقمه ولاعاد يرد عليها ولاتعصبي وانتي حامل راح ياثر عليك وممكن يجيك اكتئاب النفساء الله يعينك

[الحب لك وحدك]

اختي قولي لزوجك يغير رقمه
ولا يرد عليها
هذي وحده ماتستحي خربت بيتها
وتبي تخرب بيت غيرها
الله يخليكم لبعض ويبعد عنكم الشر

وانتي حبيبتي انتبهي لصحتك
مو زين الزعل وانتي حامل
الله يهوون عليك

[دلع]

والله انتم معطينها وجه
انتبهي منها ماتدرين يمكن تقدر تجيب راسه ان كيدهن عظيم
وقفوها عند حدها مدام انتم عارفين سبب اتصالها
انا طبعي مررره غيوره ولو يصير لي موقف مثلك
يمكن اقوم حرب عالميه ثالثه واستخدم اسلحه نوويه..
لا تسكتين ابدا.......

[روح الورد]

مثل ماقالوالبنات قولي له يغيررقمه
وريحورااااسكم

[جود الاماسي]

خير ان شاءالله يرد عليها زوجك باي صفه
لو زوجك متضايق من الوضع كان تصرف غير رقمه او اشتكى عليها
شكله عاجبه الوضع
سامحيني اختي عصبت شوي باقي اسبوع وبولد
يمكن ناويه تسويله سحر مابي اخوفك
الله يخليكم لبعض

[زهره الرمان]

صرااحه ماادري وش اقولك

لاكن الأخوات افادوك

لاعدمنااك

[فــــخــــــر]

الله يعينج اختي انا ماتدق ع زوجي تدق على ولدها الي من زوجي وهو صغير عمره 8 سنوات جابتله تلفون عشان تدق وولد زوجي مو عندنا بالبيت عند عمامه قاعد وانا بس اسمع انها داقه اموووووووووووووووووووووت من الحره شلووون لوتدق على زوجي يمكن ارتكب جريمه

[بنت الرياض]

المشاركة الأصلية كتبت بواسطة الحب لك وحدك

اختي قولي لزوجك يغير رقمه
ولا يرد عليها
هذي وحده ماتستحي خربت بيتها
وتبي تخرب بيت غيرها
الله يخليكم لبعض ويبعد عنكم الشر

وانتي حبيبتي انتبهي لصحتك
مو زين الزعل وانتي حامل
الله يهوون عليك

ليش ماتستحي بنات حرام عليكم

يمكن فعلا تحبه وهو طلقها نذاله او العيب منه

بحياتي مااشفت رجال يطلق ويقول انا السبب

دايم المراه ضحيه وهذي يمكن ضحيه

ويمكن هو معشمها بالترجيع ولاماكانت اتصلت

الا وهو معطيها وجه

الله يستر على بنات الحلال