الشايب ادلل والشاب اعلل

[عذبة الروح]

بسم الله الرحمن الرحيم

" الشايب يدلل والشاب يعلل " مثل او كلمة تقال ..
ولكنه اكبر من مجرد مثل او مقوله تقال !!

ندى: انتي من جد تتكلمين والا تتريقين؟؟!!
سارة: ايي وربي بجد.. ليش اخذ لي واحد توة باول حياتة وانتظره يكون نفسة!!
اخذ لي هالكبير.. جاهز وفلوسة جاهزة وبيعيشني ملكة ويدلعني!!
ندى: وشبابك بيروح مع هالشيبة؟؟
سارة: الا بيضيع مع هالشباب اجل تبيني انتظره لين مايكون نفسة ويبني حاله..
اوووووف اخذ واحد كبير وفاهم وظامنه انه بيدلعني ومايشوف غيري .. اريح !!

موقف آخر////

العنود: وااااااااي شوفية يجنن.. هيبة وجمال وكل شي..
عايشة: O_o من؟؟!! هالشيبة!!!
العنود: اييي شوفيه تحسين رغم هيبتة انه حنون.. خاطري رجلي يكون كذا..
عايشة: عاد شباب السعوديه الحنية مقطعتهم .. ><
العنود: لا مابي شباب.. تحسينهم مايعبرون زوجاتهم..
ابي واحد كبير احسن.. يكون حنون واتدلع عليه..
( اللي ماتعرفونة .. ابو العنود وامها منفصلين .. وماتشوفة الا نادرا

هالموقفين يعبرون عن نماذج نراها في حياتنا .. بنات صغار و يتزوجون كبار
فالسن وهم راضين.. بعكس ما نراه بالافلام ان الاب يجبر ابنته عليه !
وكذلك رأينا فتيات بعمر الورود يرافقون كبار السن ويتركون الشباب .. "

ما المقصود من سعي البنات وراء كبار السن " !!

نذكر في الموقفين سببين للجوء البنات لكبار السن..
منها طمع ومنها البحث عن أب بديل في اطار شرعي
لكن هل هناك أسباب آخرى ..

اسئله للبونتات:
1- ماهو موقفك من هالنوع من الزواج ؟
- بأي عمر ممكن تقبلين بالزواج من كبير السن ؟
- ماهي الاسباب اللي تجعلك تقبلين فيه ؟
4- هالنوع من الزواج .. هل يأثر على صورة البنت و اهلها
من وجهة نظرك سواء بالسلب او الايجاب ؟
- هل صحيح ان " الشايب يدلل والشاب يعلل " ؟

اسئلة للشباب :
1- ماهو موقفك من هالزواج ؟
2- بعد عمر طويل ..ماهي الاسباب التي تجعلك تتزوج
من فتاة صغيرة وانت شايب ؟
- هل يأثر هذا الزواج على صورة الزوجين في المجتمع ؟
- و هل صحيح ان " الشايب يدلل والشاب يعلل " ؟

عجبني الموضوع وحبيت اطلع على آرائكم