نزول نقطة دم لونها بني

[برنسيسه44]

السلام عليكم

انا متزوجه من 4 شهور وشوي,

وماصار حمل وانا ابغي احمل وزوجي يتمنى بعد

لكن الله ما اراد ,ونفسيتي تعبانه لأني دايما افكر بالحمل ,ادري اني ماتأخرت واجد بس

بموت ابغاه يصير ودي يجيني بيبي يملي علي حياتي

طولتها عليكم انا باقي على دورتي اسبوع وما احس الا بنغزات

خفيفه في البطن وقبل كم يوم يعني قبل الدوره بتسع ايام نزل علي نقطة دم لونها بني

وكان بعد الجماع استغربت اول مره يصير معاي
شنو تتوقعون
وما ابغى اتوقعه حمل وبعدين مايطلع حمل ونفسيتي تتعب.

[ولااااء]

الله يهداك بس توك عرووووس عيشي حياتك واستانسي مع زوجك،وانشاء بتحملين وبتجيبين

[رحمة الرحمان]

الله يرزقك الذريه الصالحه

[برنسيسه44]

ههههههه ادري توني عروس وكنت قبل الزواج ما احب الاطفال واجد

بس ما ادري شنو فيني ابغى بيبي بقوه مو قادره اتحمل ولا اصبر

ودي افرح زوجي وابغى املى الفراغ الي انا فيه المهم

ماقلتولي شنو سبب هالدم

[روز بااريس]

يمكن كانت بايام التبويض
او لخبطة هرمونات لانك توك متزوجة
لاتفكرين الحاله النفسية تااثر
بس يارب تكونين حامل

[امون الاميري]

ياختي ان شاء الله خير
انتظري لين ماتتاخر الدوره
وعسى خير
الله يرزقك بالذرية الصالحه يارب

[للغلا عنوان]

الله يرزقنا جميعاً بالذريه الصالحه
بس انتظري لموعد الدوره وحللي انا عارفه انها اطول الايام
بس الحمد لله على كل حال
..

[هدوء الماضي]

فديتك حبيبتي انا كمان ليه 6 شهور متزوجه وكمان بنت خالتي لها 9 شهور بس ربي ماكتبلنا نحمل وسوينا تحاليل وكل شيء سليم والحمد الله حبيبتي كل شيء بأمر الله هوه الموضوع يبغاله صبر اصبري وادعي وتصدقي بنيه الحمل والله يرزقك ويرزقني ويرزق كل محرومه يارب اما بالنسبه نقطة الدم اذا كانت بعد التبويض ب6 ايام يمكن يكون حمل قلت يمكن مو اكيد واذا كان في غير وقت فهوه يبقى دم طبيعي لانك لسى ببداية الزواج والله يرزقنا يارب

[هدوء الماضي]

ونسيت ما اقولك بالنسبه للنفسيه حاولي تكوني متفائله ولا تكثري تفكير لانه احيانا يكون سبب بالتاخير الحمل عيشي حياتك طبيعيه وبدون جوو قلقل لانك على كذا بتنقلي القلق لزوجك ويمكن كمان هوه تتاثر نفسيته عادي ابتسمي وعيشي وصدقيني هذا اختبار من ربي لقياس مدى صبرنا وتعلقنا به اتمنى اكون افدتك يالغاليه

[سليل الجود]

الله يرزقك يارب