أهلا وسهلا بك إلى منتديات حوامل النسائية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا
العودة   منتديات حوامل النسائية > المنتديات العامة > ملتقى عضوات حوامل

ملتقى عضوات حوامل اهلاً وسهلاً بكن أخواتي عضوات حوامل في هذا الملتقى


 
 
أدوات الموضوع انواع عرض الموضوع

قديم 02-03-2011, 04:47 AM   المشاركة رقم: 1
المعلومات
الكاتب:
حلاوه حلوه
اللقب:
عضوة مميزة
الرتبة:
الصورة الرمزية
 
الصورة الرمزية حلاوه حلوه

البيانات
التسجيل: Jan 2011
العضوية: 19336
المشاركات: 122 [+]
بمعدل : 0.02 يوميا
اخر زياره : [+]
معدل التقييم: 55
نقاط التقييم: 50
حلاوه حلوه will become famous soon enough
 

الإتصالات
الحالة:
حلاوه حلوه غير متواجد حالياً
وسائل الإتصال:

المنتدى : ملتقى عضوات حوامل
افتراضي بر بر بر - كل يوم بر .؟ رحله عآئليه برّيه ..







أبوي : هآآه وش رايكم ياعيالي نكشت يوم الخميس للبر ..؟
عزوز : ايه يبه تكفى من زمان ماكشتنا
جوري :يبه يبه نبي نشوي تكفى
نوره : يبه نبي نجلس لين الليل ونشب ضو ونتكي حولها ونعيش جو انتيكي
أمي : ايه خلاص انتم تولمو بس ونامو بدري بنطلع من الصبح ترا ..

أنـا : سلآمات انتم ماتشبعون من البر؟ كل ابو دايم بر بر بر .. معليش يبه معليش اخواني معليش يمه ,, اذا انتم كلكم تحبون البر انا وش ذنبي اني طلعت عاهه وماحبه .؟ من يجلس عندي بالبيت مابي اروح روحو انتو
أمي : عندك الشغاله ..
انا / والله تخيلي انا والشغاله بالبيت بروحنا لاامعليش ..بروح لبيت جداني ..

أمي اقول ههأ بلا قعده بلا بطيخ ,,
أبوي : الطلعه عائليه لو ماتحبين روحي عشاني وانا ابوتس

أنـا واوجه نظرات لامي .. يعني شوفي الفرق بالاسلوب <حقيره ههههه
أبشـر يبه بروح عشانك بسسسس

..

يوم الخميس الساعه ست ونص تماماً ...
طق طق طق ...
أنا / هاه خير من احد يزعج الساعه ست ونص قسم بالله بزران قريح وقرقح انقلعو ولااشوف احد معتب عند الباب بنام بجمع نوم مانمت زين الاسبوع ذا
نوره / قومي قآمه .. يالله عجلي تجهزي بنروح البر ,,
أنا / ليه كم الساعه بعد ؟
نوره / ست ونص
انا / وجع احد يروح البر من الساعه ست ونص
اقول امرحو بس وش هالتوقيت الغلط اففففف
ابوي / يالله قومي وساعدي امتس بالعزبه وحطو اغراض الغداء والشوي ..
أنـا / يووووه يبه بعد بتتغدون وتسوون الغداء هناك ..؟
ابوي / مالها طعم الا اذا سويناه هناك يالله وانا ابوتس انجزي

..
بالمطبخ ..
شنطه عزبه + قدر كاتم + ملاعق صغار +ملاعق كبار +سكاكين +بيالات +فناجيل +اباريق ودلآل
أمي مدهره تخم ذا وتحط ذا وتسكر الشنطه ..
جوري .. يمه خوذي خبز وجبن عشاان اذا جعنا وكذا ..
عزوز يمه عادي اخذ الكوره .؟
امي /ايه ابد خذ اللي تبي العبو واستانسو
نوره / اجل باخذ معي حبل نلعب شبرا امرا شمس نجوم

امي عبيـر وراتس قاعده كنك حصاة رزاح لاتنشال ولاتنزاح ,, قومي ساعديني يامال الصلاح ..
أنا .. يمه ورا ما تربطون المطبخ ورا السياره وتاخذونه معكم كله .. موب تسنه ازين من هالقروشه ؟
امي / قومي بس طلعي هالشنناط انتي واختس وعجلو البسو يالله بنطلع ..


على الساعه 7 وربع الكل راكب بالسياره ..
الاجواء بالسياره مقسمه ثلاث اجواء وكل مرتبه بالسياره كأنها منطقه
أول منطقه - مرتبه - امي وابوي .. سوالف وحش وشغل ودوام ومدري ايش ..
ثاني منطقه -مرتبه- انا ونوره ومحمد --> يتهاوشون ويتماعطون الشوش وفجاءه يهجدون وكل واحد يناظر جوال الثاني وارسل لي هالاغنيه وارسل لي هالصوره ..
انا مشغله الايبود وقاعده اتمل بالمخلوقات اللي جنبي ...
ثالث منطقه - جوري وعزوز - ازعاج وصجه ومؤثرات صوتيه بالسياره .. طيور الجنه عندنا .. ان شغلنا الدي في دي صجونا زياده وان طفيناه صجونا مافيهم ملح ..

مع اختلاط الاصوات والازعاج بالسياره فجاءه ....
وقفنا على جنب .. ودق اشاره ابوي
يالله انزلو اانزلو بنشرنا ...
أخواني : وااااااوووو ونااااسه اكشن يلا خل ننزل يالله يالله..
أمي : لاتروحون بعيد عن السياره عشان ماننسى احد ..
ابوي وحمود يفككون بالكفر ويضبطونه ..

وكل شوي موقف سياره ..
اللي يقول امسك بزرانك عن الخط
واللي يقول تبون خدمه .؟
واللي يقول اشقلكم بموتري لبيتكم ؟
واللي يقول انادي لكم سطحه ؟

أمي : عزوز لاتبعد يبوي .. وانتي ياجوري البس جزمتك لايقرصك شي
وانتي يانوره لاتلعبون كوره قدام الله وخلقه عيب تراتس كبيره انطقي انتي وياه اشوف
أنا / اوووفف بدايه خير هالرحله السعيده
امي / وراتس مكشره اللي يشوفتس يقول مغصوبه على الروحه ..
انا / لابالحيل مانغصبت والدليل اني ناشبه لكم ابي اروح البر
امي / روحي اعتبريها سياحه غيري جو ووسعي صدرك مافيه ازين من البر يفتح النفس يالله من فضلك ..
انا / يمه تسمعين بالسياحه .؟ سياحه في بر؟ نزهه في بر؟ تراب في تراب وان كان فيه طبيعه فهو شوك وشجره نابته بالغلط .. وين المتعه بس ؟
ولافوق هذا كله ناويين تمطرسون وتسوون رز وتشوون ولا بعد بتجلسون لين الليل الله يعين بس
اجل حمود بيسوي الغداء اععععععععععععععععععععععععععععععع
امي / ياشينتس تكفين احمدي ربتس غيرتس يتمنى هالطلعه ..
انا / يارب لك الحمد والشكر على هالنعمه .. عساها دايمه يارب ..





من مواضيع حلاوه حلوه

التعديل الأخير تم بواسطة حلاوه حلوه ; 02-03-2011 الساعة 04:52 AM
عرض البوم صور حلاوه حلوه  
 

مواقع النشر (المفضلة)

جديد منتدى ملتقى عضوات حوامل


الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رحله الى جزر المالديف يا نور عيني المـنـتـدى الـعـام 21 11-27-2010 08:55 AM
رحله لاداعي لتأكيد الحجز.. انا المنتدى الاسلامي العام 2 08-30-2010 10:20 PM
رحله في الجنه !! عاشقة طيور الجنه المنتدى الاسلامي العام 8 07-27-2010 03:26 PM
رحله الى شارم اشيخ غلا الشوق المـنـتـدى الـعـام 8 03-01-2010 12:44 AM


الساعة الآن 01:21 PM.


Powered by vBulletin® Version 3.8.8
Copyright ©2000 - 2025, vBulletin Solutions, Inc.

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .