سويت تحليل حمل وطلع سلبي بس شاكه اني حامل

[الامل بربي كبير]

بنات الله يسعدكم ويعافيكم ابي استشيركم بشغله
انا متزوجه من سبع شهور ودورتي مو منتظمه كانت تغيب ثلاث شهور وتنزل
وبعد الزواج رحت لدكتورة نساء بمستشفى الحبيب قالت لي عندك تكيسات على المبايض لكن بعطيك حبوب جلوكوفاج 500 كوليها ثلاث مرات باليوم وان شاء الله خلال ثلاث شهور بتكوني حامل ..الكلام هذا من خمس وعشرين شهر عشره الي فات وكانت ساعتها الدوره علي..ويوم جاء خمس وعشرين شهر احدعشر نزلت وكانت قويه..ويوم جاء خمس وعشرين من شهر اثناعشر مانزلت يعني الحين صرت الدوره مطوفه عشر ايام هل ممكن اكون حامل ؟!!! مع العلم يابنات ان قبل موعد الدوره هذي جتني افرازات وقبل امس حسيت بوجع في ظهري زي وجع الدوره بس مانزلت!!! ويارب اني ماشوفها الا بعد تسع شهور انا وكل محرومه من الضنا...
سؤالي يابنات مين صار معها كذا وطلعت حامل
نسيت اقولكم اني قبل يومين سويت تحليل حمل بالدم وطلعت النتيجه سلبيه واليوم سويت تحليل منزلي وماطلع غير خط واحد..بس انا قلت يمكن هرمون الحمل لسى مابين !! بنات تكفون فهموني تراني غشيمه بهالامور

[شمعة الدار]

ما عندي علم , الله يرزقك بـالـذريه الصالحة

[ام عمر وسلمى]

والله ماعندي علم ان شاء الله تكوني حامل وانا انصحك تراجعي دكتورتك لانه ادا كان تاخر الدوره بدون سبب لازم ترجعي تنظميها الله يطمن قلبك

[الامل بربي كبير]

شمعة الدار..ام عمروسلمى...
الله يجزاكن خير يالغوالي ..الله يسمع منكن ويرزقنا
ناويه اسوي تحليل هرموني بس يابنات هل هو نفسه تحليل الحمل ولا حاحجه ثانيه؟ سمعت ناس يسمونه رقمي!!!

[nona essawy]

روحى للدكتورة افضل

[شوكه]

انا جربت الجلوكوفاج شهر وجتني دوره غزيره مرررررره وانا من الاساس متعوده دورتي مو منتظمه ماجتني شهر وشهرين وطننشت وطلعت حامل وسقطت بدايه الثالث لان نزل مني جم عبالي دوره وكلت اعشاب ونزل الجنين هنا عرفت اني حامل

عشان كا اختي سؤي اختبار حمل دم لاتعملين المنزلي انا عملته مابان فيه وياليتني عملت دم

[هبه ابو الحمص]

انا من رأي تصبري يومين وترجعي تعملي فحص دم او فحص لهرمون الحمل ولا تعتمدي على فحص البيت وان شالله تطلعي حامل يا رب ولا تفكري كتير وتعبي نفسيتك اتفألي شوي وان شالله خير

[شوكه]

اختي سؤي تحليل الرقمي هو راح يبين لك اذا فيه لو من 10 ايام بس
وريحي راسك من التفكير

[ام هند]

انا قبل رمضان كنت حامل وقبل يوم من الدورة رحت حللت دم وكان سلبي وكنت شبه متاكدة اني حامل..وبعدها بيومين رحت حللت وطلع ايجابي بس بعدها سقطت كان معي داء القطط .. انصحك حللي رقمي .. تحليل الدم يبين اذا هرمون الحمل موجود في الدم ولا لا اما الرقمي فيبين نسبة وجودة بالارقام اذا طلع اقل من 5 معناها مافي حمل

يااارب يطلع حمل وتفرحي ولا تنسي تبشرينا

[الامل بربي كبير]

نونا انا ساكنه بقريه ودكتورتي بمنطقه بعيده علشان كذا ماقدرت اتابع حالتي رحت طوالي اسوي اختبارات حمل..مشكوره ياقلبي .

شوكه..يعني كنتي حامل بالثالث وماحسيتي ابد! طيب مالاحظتي الافرازات ! والتحليل الرقمي بسويه ان شاء الله بس وش اقولهم تحليل رقمي للحمل ولا بس تحليل رقمي مادري هرموني اخاف يضحكون علي ><
جزاك الله كل خير يالغاليه ماقصرتي.

هبه..وهذا الي راح اسويه ابصبر شوي واحلل مع ان التحليل المنزلي مابين شي ابد.
يعطيك العافيه ياقلبي ماقصرتي..

أم هند..الله يسمع منك يالغاليه يااااااارب واكيد اول مايبين معي راح ابشركم.
ماقصرتي ياقلبي الله يجزاك كل خير