ايش السرير للرضيع المناسب بالصور ياليت تساعدوني

[Shop Girl]

مساء الخير يا احلى حوامل

انا ببداية الشهر السابع بكريه وناويه ابدا تجهيز هاليومين

رحت اتفرج على الاغراض قبل ما اشتري

واحس اني تلخبطت لما شفت انواع الاسره

مادري ايش اللي يناسب الطفل وكم واحد اشتري

شفت نفس هالنوعيه بسنتر بوينت معاه جزء لتبديل الطفل



وزي كذا هزاز



واللي يجي زي كذا ثابت



وفيه هذا السرير بس خايفه احط البيبي بالأرض هل لازم اشتريه بالاضافه الى السرير العادي ؟؟




الله يعطيكم العافيه بانتظار ردودكم باسرع وقت :)

[أحلام وردية]

نصيحتي لك السرير الثالث الثابت راح يعيش معك لين يصير عمره اربع سنين بس خذي نوعية ممتازة
حتى لو نقلتيه لغرفة مستقلة راح ينفعك هالسرير
والأهم أنه راح يحمي طفلك إذا بدأ يوقف مابيقدر يطيح بتصده الأعمدة يعني آمن جداً
وأيضاً يلزمك الأخير الأرضي لو جلستي بالصالة أو عند التلفزيون يصلحلك إذا يبي النوم أريح من الكنب و الأرض
أتمنى أكون أفدتك

[مسكّ العطورّ]

اانا ناويه اخذ نفسسس السرير الثابت بسسس لونه ابيض
واعوده ينام فيه عشان لما ينام ع سرير لحاله مووو معي
والاخير لازم لانو طوال فترة التفاسسس ينام فيه لين يكبر شووي

[مهره الدنيا]

انا شريت لولدي

السرير الاول وكنت اخليه ينام بس ما حبه

فخليته محبس يقعد فيه مع لعبه واطمن

عليه

بعدين شريت له السرير الثاااالث

ومرررره ما حبه وما ينام فيه

يحب ينام معي علي السرير ســبـحان الله

والحين اخوه اللي ينام فيه

وأحلى شي وافضل واحد

السرير الثالث

[لمسه هادئه]

بصراحه انا شريت السرير الثابت مره مريح ويجنن ويقعد معاه لين اربع شهور ويمكن اكثر بتستفيدين منه بعدين
وعندي اللي ع الارض جا مع طقم مفرش النفاس اللي فصلته وبس..

[Shop Girl]

الله يعطيكم العافيه يابنات مشكوريييين
ابي اراء وتجارب اكثررر

[صحفية المستقبل]

انا كان عندي هزاز دائري حلو لأول الشهور وجاني هديه السرير الي معاه طاوله التغيير مره حلو اغير فيها لطفلي والسريرومريح والحين عمر طفلي 3 شهور

[فل وكادي]

الاول والثالث كويسين بس الافضل الافضل هو الثالث لان يقعد معه فتره اطول

[عاشقة احساس]

انا خذيت سرير ثالث
احس انه احسن

[االـ م ـهـــااا]

السرير الثـــآلث اكيييد وبيبقى معك فتره

والاخير اخذيه لفترة النفاس والله يقومك بالسلامه