لصاحبات السوابق بالولاده ... ادخلي افيدينا بتجربتك وجاوبي الاسئله ...

[جوادية]

السلام عليكم ورحمة الله وبركاته .....



اخباركم يا صاحبات السوابق موضوعي واضح من عنوانه

بما اني وكثير من اخوااااااتي بالمنتدى داخلين بالشهر التاسع واكثرنا بكريات مانعرف وش الطبخه
فيعني اكسبو فينا اجر وجاوبو على كم سؤال ....
واذا فيه اكثر من تجربة لك اسدحيها اذا مافيه تعب عليك ...



1 ـ في اي اسبوع من التاسع ولدتي ؟؟

2- هل جاتك اعراض قبل الولاده بأيام ؟؟ وشهي الاعراض وقبل الولاده بكم يوم جاتك هالاعراض ؟

3- سويتي شي يساعدك على الولاده ؟ تمارين؟ خلطات .؟ اكلات ؟ حمام دافي ؟؟ مشيتي شكثر ؟

4- في الايام اللي جاتك فيها الطلق هل لاحظتي تناقص في حركة الجنين ؟؟ ولا حسيتي ان نشاطه صار اكثر ؟؟

5 - واخيرا يوم اللي ولدتي ... اوصفيلي اعراض الطلق الجد ... ؟؟

والف حمدلله على سلامتكم جمييييييعا وكل يوم وطني وانتو بخير << توناس

واذا نسيت اي سؤال ذكروني فيه واذا حابه تزيدين معلومات مافي اي مشكله بالعكس نبي نعرف اكثر



بليز لاتطنشووني انتظرررركم واكيد الجميع ينتظركم

__________________
شفت هالموضوع وانا اتصفح قلت الطشه هون عشان نستفيد من سوابقنا

[ام خلف]

الله يقومك بالسلامه انتي وجميع كروشات هالمنتدى انا تجربتي الطلق عندي كان باااااااااااااااااااارد يعني يروح ويرد والم الم الم الم مو طبيعي وكان ماسكني من وركي اليسار مااقدر امشي من وركي جاني الطلق في الاسبوع الثاني من دخولي التاسع

والله كنت اكل تمر اكثر منه والقرفه قالولي زينه شربت منها ومشيت كثير لين صباح الاثنين الساعه 11 خلاص نزل مني دم الله يكرمك واحس راس البيبي يضغط من تحت كانه يبي يطلع وفجاه يبرد عندي الطلق المهم رحت المستشفى حاولوا حطوا لي طلق صناعي لين الساعه 6 المغرب حاولت معي لين الساعه 10 بالليل بعد مافي فايده قامت وسوت لي توسعه وطلع البيبي وانشالله ماتتعبين وتولدين مرتاحه يارب وهذه تجربتي

[جوادية]

مشكورة حبيبتي ام خلف عالرد
والحمدلله على سلامتك ويتربى النونو بعزكم
والله يسهل علي وعلى جميع الحوامل يارب

[رونق الروح]

اهلين اختي
1 ـ في اي اسبوع من التاسع ولدتي ؟؟
دائما اولد باخر الاسبوع40
2- هل جاتك اعراض قبل الولاده بأيام ؟؟ وشهي الاعراض وقبل الولاده بكم يوم جاتك هالاعراض ؟ كل حمل وليه اعراض طبعا والده اربع ولادات مشاء الله واغلبها الام ونزول افرازات فيها دم وكان الالم بالاولاد في الظهر وبالنات على جوانب البطن

3- سويتي شي يساعدك على الولاده ؟ تمارين؟ خلطات وقت الطلق كنتاشرب مغلي البصل واتبخر بالماء الباقي لانه يساعد على فتح الرحم .؟ اكلات ؟ حمام دافي وحمام مغربي دافي وقت الطلف كمان يساعد على فتح الرحم بدون الم؟؟ مشيتي شكثر ؟ نص ساعه باليوم من الشهر التاسع

4- في الايام اللي جاتك فيها الطلق هل لاحظتي تناقص في حركة الجنين ؟؟ ولا حسيتي ان نشاطه صار اكثر ؟؟ بالعكس كنت احس بتحجر وقلة الحركه

5 - واخيرا يوم اللي ولدتي ... اوصفيلي اعراض الطلق الجد ... ؟؟
كانت الام فظيعه لكن تقدري تتحملينها اكثر من الدورة بكثير
والدفع كانك بالحمام وفيكي امساك شديد اكرمكي الله
وكنت احس بالام بعد الولاده يقولو لان الرحم يرجع لمكانه الطبيعي

اتمنى للجميع ولاده سهله وميسرة ياارب


لاتنسي الدعاااء يفيدك كثييييير

[جوادية]

مشكورة حبيبتي عالرد
الله يخلي لك اولادك ويرزقك برهم
ويسهل عليك ولادتك يارب

[أم جنى فديتها]

هلا أوخيتي ..
طبعآ أنا والد مرتين من قبل
أول مره.. جاني ألم خفيف منتظم وكل شوي يزيد بشكل مو طبيعي لأني بكريه وطولت من الصبح الساعه 9 لين العصر الساعه 4 ولدت. والأعراض.. نزل دم خفييييف مره والاعراض ماذكرها ^^ وطبعآ تمشيت من أول مادخلت التاسع لين ولدت وكل يوم آكل سبع تمرات مقري عليها آيات الكرسي سبع مرات
وثاني مره.. نفس ماسويت اول حمل تمشيت وأكلت تمر والاعراض ماذكرها طبعآ
بس يوم الولاده جاني الم طلق منتظم بس اقدر اتحمله مو قوي مره وماطولت ولا نزل دم ولا شي بس يوم رحت المستشفى فتحو لي ماي الراس وولدت اسرع من المره الاولى ماشاء الله .
ولا سويت خلطات ولا شي بس مشيت واكلت تمر والجماع مفيد بعد ..
اما هالمره اعراضي.. اني اخذت الحين اسبوع من التاسع احس الحين صرت خفيفه وحركه الجنين خفت كثير عن قبل وتمشيت اليوم لي ثالث يوم اتمشى ساعه وارجع البيت واكل تمره وقريت في قرشه مويه آيات تسهيل الولاده عشان لاجاني الطلق اشرب منها وامسح على بطني..
الله يسهل علي وعليك

[جوادية]

مشكورة حبيبتي على الرد
الله يحليلك اولادك ويسهل عليك ولادتك يارب
والله يسهل علينا جميعا

[ღ ﮔـبر ياء أטּــثـى ღ]

1 ـ في اي اسبوع من التاسع ولدتي ؟؟

الأسبوع الثاني


2- هل جاتك اعراض قبل الولاده بأيام ؟؟ وشهي الاعراض وقبل الولاده بكم يوم جاتك هالاعراض ؟


جاني طلق قبل التاسع بأسبوعين .. مغص وتقلصات جلس لمدة 4 أيام وراح ..

3- سويتي شي يساعدك على الولاده ؟ تمارين؟ خلطات .؟ اكلات ؟ حمام دافي ؟؟ مشيتي شكثر ؟


كنت أمشي أسبوع كامل مدة نص ساعه + الدعاااااااء والإستغفااااار << هذولي أهم شيء ..


4- في الايام اللي جاتك فيها الطلق هل لاحظتي تناقص في حركة الجنين ؟؟ ولا حسيتي ان نشاطه صار اكثر ؟؟


لا صارت خفيفه شوي .. بس صار يتحجر كثير

5 - واخيرا يوم اللي ولدتي ... اوصفيلي اعراض الطلق الجد ... ؟؟

آلم قوووي في الظهر .. وألم اسفل البطن وخاصه المثانه وانتم بكرامه ..

[جوادية]

الف شكر حبيبتي عالرد
والحمدلله على سلامتك ويتربى بعزكم النونو وتبلغوا فيه عريس
وعقبالنا احنا جميع الحوامل بالسلامة

[rose]

المشاركة الأصلية كتبت بواسطة جوادية

1 ـ في اي اسبوع من التاسع ولدتي ؟؟

اخر يوم من التاسع

2- هل جاتك اعراض قبل الولاده بأيام ؟؟
وشهي الاعراض وقبل الولاده بكم يوم جاتك هالاعراض ؟
اسهال وانت بكرامة مابى اكل
نزول مويا قليل لما اصحى من النوم بين فخودي

3- سويتي شي يساعدك على الولاده ؟ تمارين؟ خلطات .؟ اكلات ؟ حمام دافي ؟؟ مشيتي شكثر ؟
مشي من بداية التاسع كل يوم امشي ماشاء الله تحسي بسرعة ينزل الراس تحت وبيسهل للولادة
شربت باخر يومين خرووووووع
وقرفة وعسل

4- في الايام اللي جاتك فيها الطلق هل لاحظتي تناقص في حركة الجنين ؟؟ ولا حسيتي ان نشاطه صار اكثر ؟؟
لا ماحسيت يعني الحركة المعتادة

5 - واخيرا يوم اللي ولدتي ... اوصفيلي اعراض الطلق الجد ... ؟؟
الم زي الدورة بس اقوى بالبداية يكون بعيييييد بس تحسي كل شوي يقرب ويقوى لين تحسي ان مافي فترة الا كل خمس او سبع دقايق بالكتير
والف حمدلله على سلامتكم جمييييييعا وكل يوم وطني وانتو بخير << توناس

واذا نسيت اي سؤال ذكروني فيه واذا حابه تزيدين معلومات مافي اي مشكله بالعكس نبي نعرف اكثر



بليز لاتطنشووني انتظرررركم واكيد الجميع ينتظركم

__________________
شفت هالموضوع وانا اتصفح قلت الطشه هون عشان نستفيد من سوابقنا

مشكورة وربي يسهل ولادتك وكل الحوامل يارب