توقف نمو الجنين بالأسبوع السابع , الله يفرج لكم

[ms.semo]

السلام عليكم ورحمة الله
أنا بكريه وحامل بالأسبوع السابع , وقبل أسبوع بدت تنزل معي افرازات بنية كلمت المستشفى اللي اراجع عنده قالوا لي ان الطبيبة ماداومت , ارسلت لطبيبة العائلة قالت لي كولي مثبت حبتين باليوم وارتاااحي مرررة الى يوم موعدك
سويت اللي قالت والحمد لله خفت الافرازات مع الراحة , جاء يوم الموعد ورحت قلت للدكتورة المشكلة قالت نشوف بالسونار يوم كشفت ورجعت لصور السونار قبل 3 أسابيع اللي هو اخر مرة جيتها قبل هذا الموعد
قالت إنه ماكبر إلا بمقدار اسبوع بس وتوقف نموه يعني له أسبوعين ماكبر !
قالت وقفي المثبت وتعالي الأسبوع الجاي نشوف النبض " الأسبوع الثامن يعني " اذا ماكبر ولاطلع نبضه ننزله :/
ماتطمنت بكلامها ورحت لطبيبة العائلة بعيادتها من بكرا شافته وقالت ايه صغير على عمره وللحين مانحكم لأنه مابدى فيه النبض ممكن تصبرين اسبوعين لاتروحين وعقبها روحي يصير وضح كل شي ووقفي المثبت !
وقفته وطبعا رجعت الافرازات , بديت أرقي نفسي بالبقرة وأشرب من زمزم عسى الله يكرمني فيه ولايطيح
تكفووون طمنوني من جربت أو سمعت أحد توقف النمو لفترة وبعدين رجع كل شي طبيعي ؟
أو مرت بنفس حالتي تكفووون ماودي أنزله ابد ابد , الله يطمنكم قولوا آمين

[حصووووص]

ماعندي اي معلووومه حبيت ادعيلك. والكاتبه. الله بيصييير
خلي ثقتج. بالله قووويه والله الرازق

[عبير 2012]

اصبري ياقلبي انتي بكرية وعادة يبان النبض بشهرين ونص ..وماعليكي من كلامهم بس يحبون يخرعون الحامل..وخليكي ع حبوب الدفستون..وابتعدي عن الجماع والزمي الراحة..ولاتخليهم يسوون لك اشعة كشف من اسفل!! حتى مايجيك نزيف

ولاتنسيني ادعيلي ترتفع المشيمة ويروح النزيف واكمل التاسع على خير وسلامة ....وطمنينا عليكي بين فترة وفترة..

[بدآيه حلم]

الله يثبتلك حملك ويطمن قلبك


ماعندي اي خلفيه بالشي هذا

[زوجى حياتى*]

ربنا يثبته ويطمنك !

[رحمة الرحمان]

مثل ماقالت الخت عبير النبض يبان في الاسبوع 8و9
انشالله يتمملك علا خير

[ms.semo]

عزيزياتي أنا أعرف ان النبض مايبان الا متأخر , بس أتكلم عن النمو المتوقف ؟ هل ممكن يكون طبيعي ويرجع يكبر والا اللي يتوقف يعني مرحلة الحمل انتهت ؟

[نعمة ربي]

الله يطمن قلبك
يارب تحفظ لي جنيني يارب احفظخ و يسر حملي على خير