نفاس والحر وتكيف والبس والهواء معادلة صعبة

[ثمن عمري]

ابستشيركم كل وحدة تولد بعز الحر كيف يكون وضعها من حيث البس وبجامات وشيلة ودلاغات والحر وتكييف تجلس بحر بدوون تكيف معقولة وش ذنب طفل من غير اكل الدوافئ لنفاس تزيد طين بلة وترويش ممنوعة وان اهملتيهن دخلك هواء طيب ابي حل منها احمي نفسي من الهواء واطلع من نفاس زينة والا اندم بعدين ويكون لبسي نظيف لان نفاس بسرعة تعرق وريحة الاعشاب تطلع

[من دونهـ ماأعيش]

بناات ساعدوها انا بكريه ماعندي فكره

[قشطه وعسل]

والله حبيبتي انا حاليا نفاس
واتسبح كل يومين بس جسمي وشعري بالأسبوع مره
يعني كل جمعه وشيله ماألبس إلا إذا جاني ضيوف
والتكييف 24 ساعه شغال صراحه مانستغني عنه هههههه
واكلي مهتمه فيه من اعشاب واشياء دافيه وماأشرب البارد ابدا
وربك يعيين

[سلوان]

مين قال ان النفاس ماتتروش انا كنت يوميا اتروش يعني تخيلي طول النهار تشربين حار ودافي ولابسه طويل واكمام طويله وثقيل اللبس

يعني مايجي الليل الا وانتي غرقانه عرق

انا كنت اشغل التكييف صراحه بس سريري تحت المكيف يعني الهواء ما يجي علي مباشره وكنت عايشه حياتي طبيعي مثل اي وحده

ترى النفاس مو شي معقد النظافه لابد منها في فترة النفاس بالذااااااااااات

[قلبي يهواك]

انا والده في الصيف وكنت عادي اشغل المكيف
ومتدفيه زين والترويش مرتين في الاسبوع

اصلا الوحدها تقرف من نفسها ولازم تتروش النظافه شي ضروري لنفاس

[..ورد..]

وووووووووووع شنو اللي الترويش مممنوع من صجج انتي..حياتي صدقيني كله حكي ووخزعبلات جاهلين..انا بالنفاس وعايشه حياتي عااااااااااااادي واشغل التكييف ويوميا شاور واطلع واروح..عااااااااادي ولبسي عادي ماالبس كم طويل وع في هالحر مستحيل..واحط ع جسمي بودره ولوشن معطر عاااااااااااادي..حتى اذا جاء زوجي اكشخله واتعطر..مستحيل اخليه يشوفني بوضع مقرف..حتى الادويه مااكلتها الا عشر ايام ووقفتها..ياحبيبتي شوفي الاجانب ..اتذكر دكتوره تقول اللي يجوني ياكلون ادويه ويسوون خزعبلات النفاس..توسع وريحه والتهابات وقرف..اما الاجانب تجيني الوحده نظيفه لاالتهابات ولا هم..

[na3ooma]

صارت حرب مو نفاس
انا ولدت كل اطفالي بالصيف
ويوميا اتروش , واتنشف كويس واسشور شعري علشان ما اخد برد وانفلونزا
بس المكيف عادي شغال , وايش ذنب النونو يفطس بالحر ؟؟ ماقالكم الدكتور درجة حرارة غرفة الطفل تكون بين 21 و24 درجة ؟
واللبس عادي بيجاما او برمودا ,, او جلابية قطن قصيرة من مذركير
لكن شيلة عمرنا مالبسناها لا انا ولا ماما ولا اهلنا
وماعرفت ايش دلاغات

بس بشكل عام النظافة مطلوبة يوميا , والغرفة برديها للدرجة المناسبة للطفل
وفكرة هوا يدخل عمرها مااقنعتني صراحه , مو بس علشان تجاربنا
حتى الاجانب شوفيهم ماقد سمعوا عن الامراض حقت الهوا وغيره ومافي اسبوعين الا وهي تنط من مكان لمكان

لاتوسوسي ترى النفاس فترة اهتمام وتغذية مو حصار
والله عمري ماشفت ماما تقفل مكيف ولا تغطي شعرها ويوميا استحمام حتى اخر ولادة بعملية قيصرية ماوقفت عادتها وماشاء الله صحتها زي الفل بعد 7 ولادات وباقي اهلنا كدا , الله يديم علينا الصحه

[النوريه]

لحظه .. لحظه .. نفاس وماتتسبح ؟؟
عسى ماشر .. أساسا النفاس تعرررق كثير عشان المويه الزايده اللي بجسمهآ تطلع
مع المشروبات الحاره ..
انا ولدت بأول الصيف اتسبح يوميآ .. ولبسي عادي مو ثقيل ماتحملت الثقيل .. والمكيف مشغل بس مايجي علي ..
أهم شئ ماتبردين عشان مايجيك كحه والا انفلونزا تجلسين تعطسين وتضر الخياطه بس ..
اما هواء !! أساسآ من وين بيدخل وانتي لابسه ثلاث طبقات ؟؟
تري زمان كانوا يقولون يدخلك هوا .. لأنهم ماكانوا يتخيطون .. والا أمهاتنا ماكان عندهم هالكلام الا من جداتنا اللي ماكانوا يخيطون .. بس مثلا أمي تتسبح اول ماتطلع من المستشفى يوميا .. والخرابيط والأعشاب اللي نسمع عنها ماعمرهآ شربتهآ وتتعطر عادي ..
وانا في نفاسي كنت كذا اسبح يوميا وما شربت غير القشر لأنو يدر الحليب والقرفه لأنها تنظف
ومره وحده شربت اليانسون عشان الغازات وانتم بكرامه ..
واللبس كنت البس عادي بجايم عاديه ولا اغطي شعري ولاشئ واكشخ اتكحل واتعطر عادي لأني في شقتي موحلوه يدخل زوجي يشوفني بشكل مو زين والا يشم شئ مو زين .. وحتى لو الوحده ببيت اهلها تتنظف بيجيها زوار وزوجها اكيد بيزورها ..
أهم شئ لاتشربين بارد عشان الدم ينزل كويس وعشان مايجيك كحه او عطاس ولاتمشين على أرضيه بارده لنفس السبب ..
انا جاتني كحه من قبل الولاده وفكت خياطتي والا شئ ثاني انا بخير الحمدلله لاهوا ولاخرابيط ..

[زوزي]

انا ولدت من اسبوعين وعادية جدا
استشور شعري ويقعد معي اربع ايام ومبخر وخمريات
وجسمي احط خلطة ريحتها حلوة في الليل وتسبح كل عصرية بصنفرة وببايا ومرطب بعدها
ولبس روب كم قصير او بجامة و في اول يومين تدفيت بعدها لا
واحط فير اندلفلي وروج وكحل بس وشعري مستشور عشان ما أبرد
وحط فازلين ع بطني ومشد ورجولي فازلين وشراب
^_^عيشي حياتك حبيبتي لا تخلي زوجك يقول قاعدة مع عجيز خخخخ
واشربي مرة منقوعه في موية وسوي قرفة كل عصرية وتقهوي وبس تخلصي قصي واصبغي وتدللي

[ثمن عمري]

هلا فيكم نورتوا موضوعي انا بنفاسي ببنتي كنت عايشة حياتي عادي اتروش والبس واتعطر وجتني عجوز زيارة وقعدت تنصحني بنصايح الي ببداية موضوعي لاني لو مااهتميت بيجيني هواء ومويات وفعلا جاني هواء مع اني كنت البس زين بعد تسبيح واكل دافي واكل اعشاب وانا نحيفة وقالت لي انتي من اهمالك صايبك خوا يعني هواء ومن هذا نزلت موضوعي