وش تسوين لو كنت مكاني (وحدة تخطب زوجك)

[ميسان]

السلام عليكم
بقولكم سالفة صارت لي قبل أيام
وأنا قاعدة أسولف مع زوجي طلع جواله وقالي جاني رسايل غريبة اليوم بغيت أمسحها بس قلت لا لازم تشوفينها قبل لأني ما أحب أغبي عنك شيء
تخيلو وحده تخطب زوجي وتمدحه وتقول إنها معجبه فيه وفي أخلاقه ودينه وكلااااااام كثير حوالي 12 رسالة ورا بعض
طبعا أول رسالة قالت بكلمك بموضوع بس لايكون عندك أحد لا زوجتك ولا اخوانك
طبعا الرسايل هذي كلها باسم شخص آخر يتكلم (هي منتحلة شخصية شاب غير معروف من الجماعة يمدح هذي المرأة لزوجي ) بس أنا على طول شكيت في هذي الإنسانه
بصراحة أنا رسلت على طول من جوالي أدعي عليها وأتحسب عليها وقلت لها إننا عرفناك يا اللي ماتستحين على وجهك ... بصراحة ماتوقعت إنها غبية لهالدرجة رسلت بعد ساعات تقول لا تظلميني أنا جاني رسايل إن واحد يمدحني لزوجك وأنا مالي ذنب و ,,و ,,, وكلام كثير
المهم صارت هي المرسلة ........... طبعا هي رافضة تعترف .. المهم قالت في النهاية أرجوك ماأبي أحد يعرف بأمر الرسايل ولا خواتي ..
بصراحة كنت في البداية مولعة ونويت على الشر فيها وفي خواتها ... بس تعوذت من الشيطان وما جبت سيرة لأحد ,, وقلت أهم شيء إنها طاحت من عين زوجي واحتقرها
لو كنت مكاني وش ردة فعلك؟