ساعدوني ابي انسا

[حنين روحي]

السسلام عليكم
وانا تطلقت من 3 اسابيع تقريبا وعندي بنت توها لها شهر ونص
بس وربي في غيظ داخلي كل يوم احلم انتي اصرخ واضرب لدرجه
اني اقوم من النوم بصرخ واجلس اصيح بقوه والله والله اني من تطلقت كنت حدي فرحنا
بس انا حيل منقهر ماخذت حقي منه كانا يضربني ويقول كلام وصخ وشكك ولايصرف علي ولا يصلي
يعني اشياء كثير فيه يعني فرقاه نعمه بس قلبي مليان لانه فوق الي سوه عطيته عشرين الف خلع يعني ومن رحت اجيب اغرضي وقفت امه وقالتلي ماتدخلين البيت وجلست اصرخ
وقلت لها من زين بيتكم وهو جه بيضربني وخواني مسكوه وانا كنت انضاره بحقد واقول يالله اذا انت رجل مد يدك عشان اشرشحك في الشرطه لاني خذت عليه تعهد من قبل في الشرطه
وهو حيل النقهر انا طلعت ولاجاب كل اغراضي حتى ابوي شريلي غساله خذوها تخيلو
اشياء كثيره كنت بروح اشتكي بس اخوي طفش وبوي مو متحرك ويقلولي خلاص
لاتحليلهم حتى النفقه مو راضي رحت الحقوق وغصب عنه جابها بس انا حيل
منقهر ودي اطعنا بسكين وقطعه فيني قهر منه وهو للحين يحاول يرجعلي
ويترجه ترجي ماتتوقعون حتى في المحكمه وانا انظره بحقد ودي اقتله ماراحمني وكان يضربني وانا حامل الله لايرحمه من فوق سبع سما ودي اقطع كل شي فيه
صله فيه بس عندي بنت منه وهذا الي كسر ضهري وكل اسبوع يجي يشوفها
يعني ماراح افتك منه ابي انساه انساه وربي اقره قران وانا رجعت احفظ قران
ابي انساه ساعدوني
اسفه ع الاطاله

[مي &]

حبيبتي الله ايعينك يارب وايهون عليكي

[رواسي]

الحمدلله على كل حال
الي مثلك بعد هذا العذاب تقول الحمدلله اللي انفكيت منه هذا مصيبه الله لايبلانا
اللي راح راح ماعليك الأن الا الأتي

زيدي في التقرب الى الله واكثري من الدعاء وقراءة القران
انسي الماضي بما فيه... وتذكري ان القادم اجمل بكثير ان شاء الله
احمدي الله على هذه النعمه التي وهبها لك..لاتقولين انها تذكرك فيه وبتشوفينه كل اسبوع بسببها
بالعكس قد تكون هذه الطفله مصدر سعادتك وتملى حياتك فرح بإذن الله
الطلاق ليس نهايه العالم
لاتجعليه يؤثر سلبا على حياتك على علاقاتك عيشي حياتك كما في السابق وكأن شيء لم يكن

بس عندي نقطه صغيرة وقلتها قبل كذا في رد على احدى الأخوات قلت الوحده اذا تزوجت وشافت على الرجل تصرفات غير سويه المفروض ماتسكت وتقول بصبر يمكن يتعدل
تتكلم وتحل مشاكلها بسرعه والا تنفصل قبل يجون الاطفال عاد هم الضحيه

الله يفرج همك حبيبتي ويخليلك هالقمر اللي بين يدينك وتشوفينها عروس

[حنين روحي]

مشكوره على الرد فديتكم
انا وربي اول ماشفت عليه شي جه وضربني على طول رحت بيت
اهلي وقلت خلاص بطلق انا موصبوره وماسكت ابدا
بس بعد ماجيب اكتشفت اني حامل وكنت توني متزوجه لي شهر ونص
ماتوقعت اني حامل بس الحمد الله ورجع تاسفلي ورجعت عشان الي في
بطني الحمد الله الحمد الله

[نسمات قلبه]

انتي اذا مريتي في قصتي انا شببه مثلك لكن انا ماتطلقت

الغلط اللي اننا نحمل ع طوول بس الحمد لله يمكن خيره

الوحده فيناا اول مايجي طاري الزواج اييه نتزوج وبس مانفككر باشياء ثانيه

انا مايضررب لككن عنددي كلامه اشد من الضرب

الله يعيناا بس والحياااة ترا ماتتوقف علييهم

اهتممي ببنوتك والله يسهل اموورك

علييك بالدعاااء

[اخت ذات النطاقين]

الله يفرغ عليك. الصبر
وابشري بالخيرمن رب العباد

[طيبتي أكبرهمومي]

حسبي الله ونعم الوكيل
ادعي في هذي ايام عشر ذي الحجه
حتى اغراض حارمنك ليش؟؟
وش تلبسي اجل
حسبي الله عليهم جعلهاا تشوفها في بناتها نذله ام طليقك وقاحه من جد
لكن واحد صعب صعب جدآ جدآ ينسى مرره
انقهرت والله

[om yosof]

الله يفرج همك يارب حبيبتي.. احنا في أيام فاضله ..مالك الا ربك يا أختي وصدقيني ري راح يجيب لك حقك واكثر مما تصوري بس هدي حالك انتي بس عشان بنتك وراح تلاقي الامور ابسط وادعي ربك انو يخلصك من وجه هالرجال بس بدون مشاكل او مصايب او فتن لك انتي واهلك..وبالتوفيق يا الغــــــــــــــــــــــــلا

[غفوره]

ياقلبي ولايهمك مادام انك مظلومه اعرفي ان الله معاكي وراح ينصررررررك عاجلا ام اجلا والله رح ينصرك ويرزقك باللي احسن منه .. الله يسعد قلبك يارب ان حسيتي انك بتبكي ابكي وفضفي احنا هنا اخواتك اكتبي قد ماتحبي واذا تحبي اكون صديقتك ماعندي اي مانع لاني مريت في اللي مريت فيه وكنت فعلا مقهوره لكن الحمدلله ربي عوضني بالاحسن والافضل وصح الحياه ماتكمل وماتكون دايما حلوه لكن العوض من الله رائع وربنا مايخيب عبده

اما الـ ك ل ب اللي اتزوجتيه استغفر الله هذا ابتلاء من الله يختبر هل انتي راح تصبري ولالا..
وبصراحه احمدي الله انك رجعتي حره ومانتي متزوجه
الزواج لحظه حلوه والباقي هم

استغفر الله انا اكتب لك وبقلبي حرقه وبسبب الغيره لو تموت الغيره فيا اكون بخير وياريت جوزي يحس الا جدار جالس معايا

والله الوحده فينا تتزوج مجبوره عشان اهلها يفرجو فيها لكن لو عليا لو ماعندي اهل وانا حرة نفسي مستحيل ارتبط .. ما احتاج لاحد قد ما احتاج لربي ..

شوفي مصايب غيرك من اللي متزوجات وجوزها مو راضي يطلقها ومعلقها ... وياما نسمع بلاوي او اللي متزوج عليها ومايصرف ولا يعدل بينهم او اللي خاين دايم ..

بنتك ربيها واحسني تربيتها مع الايام راح تبرد نارك ان شآءالله وحاولي تاخدي ملابسك واغراضك شغل الهمج هذا على نفسهم .. لازم تاخدي اغراضك بالقوه بالمروه .. والظلم ظلمات يوم القيامه لاتشيلي هم الله رح ياخد بيدك

[غفوره]

دعاء فك الكرب والهم والحزن "

لا اله الا الله الحليم الكريم لا اله الا الله العلى العظيم لا اله الا الله رب السماوات السبع ورب العرش العظيم
ياحى يا قيوم ... برحمتك استغيث اصلح لى شأنى كله ولا تكلنى الى نفسى طرفة عين
لا اله الا انت سبحانك انى كنت من الظالمين
اللهم انى اعوذ بك من الهم والحزن ..واعوذ بك من العجز والكسل .. واعوذ من الجبن والبخل ... واعوذ بك من غلبة الدين وقهر الرجال

يارب هون عليها حزنها واجبر قلبها هي ومن مثلها وانتقم لها يامنتقم ياجبار

هذا الدعاء ومنك الاجابه ياحي ياقيوم