بنات المدينة هل تنصحوني بالولادة في مستشفى المواساة او الولادة بكرية

[أثيريوسف]

السلام عليكم ورحمة الله وبركاتة.
أسألكم بالله أنصحوني بالشيء اللي ترتاحون لة من غير دعاية لدكتور او دكتورة
عشان نستفيد من بعض.
لاتخدعوني ولاتنسوت اللسان محاسب ع كل كلمة.
انا من بنات المدينة المنورة
خايفة من مستشفى الولادة خياطتهم زفت ومشي حالك من الزحمه.
وانا افكر اولد بمستشفى المواساة هل تأيدوني.؟
الطبيعي سعرة 4الاف من غير الادوية والخياطة التجميلية.
القيصري 9600من غير الادوية.
انتظركم.؟ماخاب من استشار

[غيمة ومطر]

اختي للاسف ماعندي خلفية
بس حبيت ارفع موضوعك بدعوة صادقة
الله ييسر امرك ويهون طلقك ويسهل ولادتك يارب

[السحاب الأحمر]

السلام عليكم انا من بنات المدينة ....ووالله انصحك تولدين بخاص لان مستشفى الولادة زحمة زحمة زحمة واختى كانت دكتورة فيه تقول علينا ضغط مو صاحي لدرجة انهم يتركون الحرمة بالشق اللي يعملوه لها للتوسيع بدون خياطة من كثر ماهم ما عندهم وقت وانا صارت لي قصة عندهم بولادة طفلي الاول ...ان شاء الله بحكيها لكم وصحباتي كل اللي اعرفهم يا يولدوا بالوطني او المواساة .....نجي للمواساة وحدة من صحباتي كانت دائما تولد عند دكتور شاطر ما شاء الله اسمه رضا ...مصري وكمان عندك دكتور عفيفي هذا من اشطر الدكاترة في المدينة في حالات نزيف الرحم حتى انهم احيانا يستدعوه المستشفيات الحكوميه عشان يعالج عندهم ...اما انساء عندك لبنى عندك ماجدة عندك منال وفيه اسماء ما تحضرني ....لكن اذا ما عندك قدرة تولدي في خاص روحي احد اختي تقول احد جدا فاضيين حالات الولادة عندهم قليل وما عندهم زحمة ...اكمل كلامي لاحقا هالحين بروح ...نسيت اقولك اختي من كثر الزحمة بدلت تخصصها من نساء وولادة الى تخدير ^_^

[دلع غربي]

ولدت بالولاده قبل سنتين مو سيئ عادي جدا ادعي ربك يسهلها الولاده تسهيل من ربي انا عن نفسي بولد بالمواساه قيصري وقالوا 96000 وشكلهم كذابين اتوقع اوصل 12

[أثيريوسف]

غيمة ...الله يعطيك العافية
سحاب...ماقصرتي وربي ييسر لية وللجميع اللي فية الخير.
دلع...اية القيصريب12من غير الادوية الله يعيننا على أسعارهم كانت بس6000
زادت دبل يعرفون يستغلون الناس.

الله يهون علية وعليكم .

[السحاب الأحمر]

المشاركة الأصلية كتبت بواسطة دلع غربي

ولدت بالولاده قبل سنتين مو سيئ عادي جدا ادعي ربك يسهلها الولاده تسهيل من ربي انا عن نفسي بولد بالمواساه قيصري وقالوا 96000 وشكلهم كذابين اتوقع اوصل 12

لا اختى هو مستشفى الولادة مو سئ ......الدكاترة من احسن ما يكون ...لكن السئ فيه الزحمة الشديدة تخيلي يجونه حريم من الحناكية والعيص وبدر وجميع قرى المدينة ...هذا غير المدينة نفسها ....والله اختى كانت تقول ما نرتاح نشرب لو كاسة شاي ...الله يعين وانا تخيلي الممرضات تخاصموا على سرير قدامي ...وكل وحدة تقول سرير مريضتي سرير مريضتي اخرشئ تخيلي قوموني من السرير زي الطردة ومو عارفة الممرضة اللي معي وين تروح بي ....
المهم الله سهلها

[أثيريوسف]

سحاب طبب كيف خياطتهم للبكر ...؟كويسة ولا تمشيت حال نوموك اعطوك مخدر
داخلية وخارجية ولا بس خارجية؟

[السحاب الأحمر]

المشاركة الأصلية كتبت بواسطة أثيريوسف

سحاب طبب كيف خياطتهم للبكر ...؟كويسة ولا تمشيت حال نوموك اعطوك مخدر
داخلية وخارجية ولا بس خارجية؟

لا حبيبتي انا ولدت قصيري بسبب اختناق الطفل بدقيقة لقيت نفسي في غرفة العمليات واربعة دكاترة متجمعين وتخدير كامل ....لكن اختي ولادتها الثنتين الاخيرة عملوا لها شق للتوسعة في الاسفل وسابوها زي ما هي ما خيطوها ...مسكينة ..... الحين تعاني عشان زوجها يقولها متوسعه ..هو اعتقد على حسب الدكتورة او الدكتور اللي يمسكك يا انه يكمل شغله ويتقنه للاخر او يطنش ..بسبب الضغط .....لكن شوفي انا اختي من الآن تقولي روحي احد ما عندهم الزحمة اللي في الولادة حتى زوجتة اخوي ولدت في احد وخلاص حبته ما تبي تولد الا فيه ..بس ترا حتى زوجتة اخوي في احد عملوا لها توسيع وما خيطوه ...انت شوفي ايش اللي يريحك واستخيري الله والله يسهل عليك ولادتك ..انا عن نفسي اتمنى اولد بالولادة عشان الاول قيصري ...وارتحت للدكتور اللي عملي العملية الاول .....الله ييسر لك الله ييسر لك

[السحاب الأحمر]

بس اذا قصدك خياطتهم للقيصري الصراحة الدكتور يعني عمل شق صغير اسفل بطني وبعدين خاطوه تجميلي تدبيس بدون خيوط ...الحين في اسف بطني خط خفيف صغير جدا ...يعني ممتازة خياطته للقيصري ...نوموني ثلاثة ايام عشان قيصري واعطوني فقط اول ليلة ابرة مهدئة للالم

[أميره مووول]

اللهم صل على محمد وعلى آله وصحبه اجمعين