بالحمل الرابع و الثلاث السابقين كانو اجهاض، يا رب التمام عخير

[reemk]

كيفكم يا حوامل و كيف حملكم ، الله يتمملنا جميعا عخير يا رب

يا بنات ادعولي انا موعدي السبت القادم بإذن الله ان شاء الله يكون كل شي تمام

احكيلكم قصتي انا و الحمل و الاجهاض، و لاني مريت ب 3 اجهاضات من قبل كل موعد الي بهاد الحمل بكون كتير خايفة لانو اسوأ ايام مرت علي تكون وقت الفحص (طبعا

اول حمل كان النبيض مبين و قوي بالاسبوع السادس و لما رحت افحص روتيني و انا بالاسبوع التاسع كان النبض متوقف (قبلها بكم يوم حسيت وحامي خف و صدري خف وجعه بس فكرت طبيعي) و تعبت نفسيتي من الصدمة كنت بس اخد فوليك اسيد و بعدها باسبوع عملت عمليت تنظيفات لانه ما كان ينزل مني دم ولا اشي

المرة الثانية كنت باخر الشهر التالت و كنت رايحة افحص ال 3D عشان نتطمن عالبيبي من التشوهات و هاد فحص روتيني قبلي دخلو 5 و ما شاء الله الوضع طبيعي (ما كنت هكلانة الموضوع) كنت دايما ادعي ربي اروح كل فحص و الاقي في نبض (كنت اخد بيبي اسبرين و فوليك اسيد)
هالمرة الحمدلله كان في نبض بس كان فيه تشوهات مختلفة بجميع الجسم
سماكة الرقبة كتييييييير سميكة و اللي تدل عتخلف عقلي شديد بالاضافة الى تشوهات بالانف و الفم و العمود الفقري و حتى القدمين (كان نفسي يقولولي اشي منيح واحد) و عملولي ادخال فوري بالمستشفى عشان انزله
بالمستشفى اعطوني طلق صناعي من الصبح كل ساعة او نص ساعو كل شوي يسألو في دم و ما كان لسه ينزل اشي بس وجع خفيف و صابتني بردية قوية و وصلت حرارتي 39 (من دوا الطلق) و تعبت كتير لبعد الخمسة المسا حسيت حنفية انفتحت مني و نزل الجنين بس و نزلت المشيمة بعديها و انا بدورة المياه بس كان ضايل شوية دم بالرحم فعملولي تنظيفات و بعدها بشهر عملولي تنظيفات سريعة لانه كان لسه باقي دم صغير كتير بالرحم

المرة الثالثة ما كنت لسه رايحة افحص كنت بنهاية الاسبوع الخامس و ماخدة اول موعد بعدها باسبوع
بس بلش ينزل علي دم بني ركضت عالمستشفى كان يوم احد فحصوني قالولي الرحم مسكر و ما في دم بالرحم و خلوني اوقف البيبي اسبرين و قالولي ارتاح قد ما بقدر و ارجع بعد اسبوع عشان النبض (كان في نبض بس قليل) و ارجع عالمستشفى فورا ازا الدم عبى فوطة كاملة خلال نص ساعة (العفو منكم)
زاد الدم بس روحت لاني تعبت و انا بسوق و الطريق للبيت كانت ازمة
طبعا انا بشتغل فاخدت كم يوم استراحة و كان الدم يقل و يزيد بس اتحرك شوي
يوم الخميس بلش يسير معي شوية اوجاع بالبطن بس ما كان الدم يزيد و حسيت صدري راح منه الوجع (انا بكل حمل بضل صدري يوجعني و الحلمات بكونو حساسين كتير)
طبعا احساسي قالي انو خلص الحمل عم بوقف بس ضليت احكي لحالي بتخيل
يوم الجمعة زاد وجع بطني و كان زي وجع الدورة و الطلق و صار يزيد بالليل و اجا زوجي و قعدنا نتعشى مع بعض ما قلتله لسه عالوجع كان مبسوط حبيبي
بس خلص اكل قلتله بدي اروح عالمستشفى عشان الوجع و الدم عم بزيدو
ما وصلت المستشفى الا انا معبية فوطة كاملة و بس فحصوني كان الجنين عم ينزل بعنق الرحم
فعملولي ادخال فوري و عملية تنظيفات رابعة (صرت خبرة بالعملية)

و هي قصتي للآن دعواتكم لي ليوم السبت لانه دكتورتي حكتلي ممكن يبين عندها ازا في سماكة للرقبة هداك اليوم.

و بالتوفيق لكل الحوامل يا رب

[لولو الفلسطينية]

ربنا يعوض عليكي و يثبت حملك و يتمملك بخير و ان شاء الله تتطمني و تشوفيه سليم معافى دون زيادة او نقص يا رب يا رب

[soma adel]

ربى يعوض عليكى وتمم حملك على خير ويكون طفل شافى معافى من الامراض

[فاقده الغالي]

الله يعوض عليكي. من اول ماينزل الدم على طول يختفي الم صدرك ولا بيضل فتره يالمك وكم الفتره. لاا
الحين بينزل على دم والم الصدر بدا يقل عن اول

[reemk]

المشاركة الأصلية كتبت بواسطة لولو الفلسطينية

ربنا يعوض عليكي و يثبت حملك و يتمملك بخير و ان شاء الله تتطمني و تشوفيه سليم معافى دون زيادة او نقص يا رب يا رب

المشاركة الأصلية كتبت بواسطة soma adel

ربى يعوض عليكى وتمم حملك على خير ويكون طفل شافى معافى من الامراض

شكرا حبيباتي لولو و سوما

المشاركة الأصلية كتبت بواسطة فاقده الغالي

الله يعوض عليكي. من اول ماينزل الدم على طول يختفي الم صدرك ولا بيضل فتره يالمك وكم الفتره. لاا
الحين بينزل على دم والم الصدر بدا يقل عن اول

تسلمي فاقدة الغالي
بلش الوجع يخف من صدري تقريبا قبل ما اروح عالفحص بيومين بس ما انتبهت لاانه الغثيان خف معي وقتها بالحمل الاول و صار صدري طري بدون وجع لما بلش وجع بطني او قبل شوي بالحمل الثالث
الله لا يعيدها من ايام

[toq]

ياعممممممممممممممري عليككك

ربي يعوضك و يثبت حملككك يكون بالصصحه و السسلامه ..

ان شاءء الله يكون باحسسن الحال ...


بالصصراحهههة خوفتني واجد ...

[شيوخه11]

استغفري والله يثبت حملك يارب

[شموسه 88]

ربي يتمملك حملك عل خير اويرزقك بطفل سليم او معافي من كل شر
اوطمنينا عليك ننتظر الرد

[دلوعـ زوجي ـة]

الله يعوضك خير ياقلبي وان شاءاللع ربي يرزقك بالطفل السليم المعافي من غير زياده ولا نقصان


امين يارب العالمين


انا بنتظر بشرى الدكتوره ان كل تمام والحمدالله

[وردة صفراء]

الله يعوضك خير يارب